సింగిల్​ ఛార్జ్​తో 620 కి.మీ రేంజ్​- ఇండియాలో తొలి టెస్లా ఎలక్ట్రిక్ కారు​ లాంచ్​! హైలైట్స్​ ఇవే..

టెస్లా తన మోడల్​ వై ఎస్​యూవీని ఇండియాలో లాంచ్​ చేసింది. ఈ మోడల్​ ధరలు, రేంజ్​ సహా పూర్తి వివరాలను ఇక్కడ చూసేయండి..

ప్రపంచ ఎలక్ట్రిక్ వాహనాల దిగ్గజం టెస్లా.. ఎట్టకేలకు ఇండియాలోకి అడుగుపెట్టింది. అపర కుబేరుడు ఎలాన్​ మస్క్​కి చెందిన ఈ టెస్లా, తన అత్యధికంగా అమ్ముడైన మోడల్ వై ఎస్​యూవీని దేశంలోకి రూ. 59.89 లక్షల (ఎక్స్-షోరూమ్, ముంబై) ప్రారంభ ధరతో ప్రవేశపెట్టింది. అంతేకాదు, బ్రాండ్ మొదటి డీలర్‌షిప్ ముంబైలోని బాంద్రా కుర్లా కాంప్లెక్స్​లో ప్రారంభమైంది. టెస్లా మోడల్ వై ఆర్​డబ్ల్యూడీ, లాంగ్ రేంజ్ ఆర్​డబ్ల్యూడీ వేరియంట్‌లలో లభిస్తుంది. టాప్-స్పెక్ లాంగ్-రేంజ్ వేరియంట్ ధర రూ. 67.89 లక్షలు (ఎక్స్-షోరూమ్, ముంబై) గా నిర్ణయించడం జరిగింది.

టెస్లా మోడల్​ వై

అయితే ఈ ధరలకు ఫుల్​ సెల్ఫ్​ డ్రైవింగ్​ కెపాసిటీ టెస్లాకార్లు ఇవ్వడం లేదు. ఇందుకోసం రూ. 6లక్షలు ఎక్కువ చెల్లించాల్సి ఉంటుంది. అదే సమయంలో.. ప్రస్తుతం అందుబాటులో ఉన్న ఫీచర్లకు డ్రైవర్ చురుకైన పర్యవేక్షణ అవసరమని కార్ల టెస్లా తన వెబ్‌సైట్‌లో పేర్కొంటూ ఒక డిస్​క్లైమర్​ని కూడా జోడించింది. ఈ సెల్ఫ్-డ్రైవింగ్ ఫీచర్లు అభివృద్ధి చెందుతున్న కొద్దీ కారుకు ఓవర్-ది-ఎయిర్ అప్‌డేట్‌లు లభిస్తాయి.

టెస్లా మోడల్ వై: డిజైన్..

మోడల్​ 3 ఆధారంగా రూపొందించిన టెస్లా మోడల్​ వై ఎలక్ట్రిక్​ ఎస్​యూవీతో.. పానోరమిక్​ గ్లాస్​రూఫ్​, మరింత స్పోర్టి, కూపే లాంటి సిల్హౌట్‌తో భారతదేశానికి సంస్థ మినిమలిస్ట్ సౌందర్యాన్ని పరిచయం చేస్తుంది. దీని బాహ్య రూపం చాలా మినిమలిస్టిక్‌గా ఉంటుంది. ఇందులో ఫ్లష్ డోర్ హ్యాండిల్స్, సన్నని హెడ్‌ల్యాంప్‌లు, స్టైల్​ కాకుండా ప్రాక్టికాలిటీపై దృష్టి సారించిన ఏరోడైనమిక్ ఆకారం ఉన్నాయి.

టెస్లా మోడల్ Y: స్పెసిఫికేషన్లు

భారతదేశంలో టెస్లా మోడల్ వై ఆర్​డబ్ల్యూడీ (రియర్-వీల్-డ్రైవ్) వెర్షన్ 60 కేడబ్ల్యూహెచ్​, పెద్ద 75 కేడబ్లూహెచ్​ బ్యాటరీ ప్యాక్‌లను అందిస్తుంది. ఆర్​డబ్ల్యూడీ వేరియంట్ సుమారు 295 హెచ్‌పీ ఉత్పత్తి చేసే సింగిల్ ఎలక్ట్రిక్ మోటార్‌తో పవర్​ని పొందుతుంది. 60 కేడబ్ల్యూహెచ్​ బ్యాటరీ ఒక్కో ఛార్జ్‌కు డబ్ల్యూఎల్​టీపీ ప్రకారం 500 కి.మీ. రేంజ్‌ను అందిస్తుంది. అయితే లాంగ్-రేంజ్మోడల్ 622 కి.మీ. వరకు రేంజ్​ని అందిస్తుంది. 0-100 కి.మీ/గం వేగాన్ని 5.9 సెకన్లలో చేరుకుంటుందని పేర్కొన్నారు. 15 నిమిషాల సూపర్‌ఛార్జ్ వినియోగదారులకు 238 కి.మీ. నుంచి 267 కి.మీ. వరకు రేంజ్‌ను అందిస్తుంది.

టెస్లా మోడల్ వై- ఫీచర్లు..

భారతదేశంలో, మోడల్ వై 7 కలర్స్​ 2 ఇంటీరియర్ ట్రిమ్స్‌లో లభిస్తుంది. ఇందులో 15.4-ఇంచ్​ ముందు ఇన్ఫోటైన్‌మెంట్ స్క్రీన్, 8-ఇంచ్​ రేర్​ డిస్‌ప్లే, పవర్-అడ్జస్టెబుల్ సీట్లు, స్టీరింగ్ కాలమ్, డ్యూయల్-జోన్ ఆటోమేటిక్ క్లైమేట్ కంట్రోల్, 19-ఇంచ్​ క్రాస్‌ఫ్లో వీల్స్, ఫిక్స్‌డ్ గ్లాస్ రూఫ్, అకౌస్టిక్ గ్లాస్, పవర్ రియర్ లిఫ్ట్‌గేట్ ఉంటాయి.