ఏపీపీ పోస్టుల భర్తీకి తెలంగాణ పోలీస్ రిక్రూట్ మెంట్ బోర్డు దరఖాస్తులను స్వీకరించింది. ఇప్పటికే ఈ ప్రక్రియ పూర్తి కాగా… తాజాగా పరీక్ష తేదీలు ఖరారయ్యాయి. డిసెంబర్ 14వ తేదీన పేపర్ 1, 2 పరీక్షలను నిర్వహించనున్నట్లు అధికారులు ఓ ప్రకటన ద్వారా తెలిపారు.
ఈ నోటిఫికేషన్ లో భాగంగా మొత్తం 118 ఖాళీలను భర్తీ చేస్తారు. మల్టీజోన్ల ఆధారంగా ఈ ఖాళీలను భర్తీ చేస్తారు. పేపర్ 1, పేపర్ 2 ఉంటుంది. పేపర్-1 ఆబ్జెక్టివ్ విధానంలో 200 మార్కులకు ఉదయం 10గంటల నుంచి మధ్యాహ్నం 1 గంట వరకు నిర్వహిస్తారు. ఇక అదేరోజు మధ్యా హ్నం 2:30 నుంచి సాయంత్రం 5:30 గంటల వరకు డిస్క్రిప్టివ్ విధానంలో 200 మార్కులకు రెండో పేపర్ పరీక్ష ఉంటుంది.
ఈ పరీక్షలను హైదరాబాద్, పరిసర ప్రాంతాల్లోని కేంద్రాల్లో నిర్వహించనున్నట్టు అధికారులు విడుదల చేసిన ప్రకటనలో పేర్కొన్నారు. మొత్తం 118 పోస్టులకు 3,132 దరఖాస్తులు వచ్చాయి. వీరిలో పురుషులు 1,908…. మహిళలు 1,224 మంది అభ్యర్థులు ఉన్నారు. https://www.tgprb.in/ వెబ్ సైట్ లో హాల్ టికెట్లను అందుబాటులో ఉంచుతారు.
ఏపీపీ నోటిఫికేషన్ - ముఖ్య వివరాలు
- ఉద్యోగ ప్రకటన - పోలీస్ రిక్రూట్ మెంట్ బోర్డు, తెలంగాణ.
- పోస్టులు - అసిస్టెంట్ పబ్లిక్ ప్రాసిక్యూటర్ (ఏపీపీ)
- మొత్తం ఖాళీలు - 118 (మల్టీజోన్ 1 - 50 ఖాళీలు మల్టీ జోన్ 2 -68 ఖాళీలు)
- అర్హతలు - లా డిగ్రీ కలిగి ఉండాలి. బార్ కౌన్సిల్ లో ఎన్ రోల్ మెంట్ తప్పనిసరి. రాష్ట్రంలోని క్రిమినల్ కోర్టుల్లో కనీసం మూడేళ్లు న్యాయవాదిగా ప్రాక్టీస్ చేసిన అనుభవం ఉండాలి.
- జీతం - నెలకు రూ.54,220- రూ.1,33,630
- ఎంపిక విధానం - రాత పరీక్ష ఉంటుంది. పేపర్ -1 ఆబ్జెక్టివ్ విధానంలో ఉండగా.. పేపర్-2 డిస్క్రిప్టివ్ విధానంలో నిర్వహిస్తారు)
- పేపర్ 1 - 200 మార్కులకు ఉండగా… పేపర్ -2 కూడా 200 మార్కులకుగానూ నిర్వహిస్తారు. మెరిట్ ఆధారంగా తుది జాబితాను ప్రకటిస్తారు
- అధికారిక వెబ్ సైట్ - https://www.tgprb.in/