AP EAPCET 2026 Counseling : ఏపీ ఈఏపీసెట్ బైపీసీ స్ట్రీమ్ కౌన్సెలింగ్ షెడ్యూల్ విడుదల - ముఖ్య తేదీలు

AP EAPCET BiPC Stream Counseling : ఏపీ ఈఏపీసెట్ బైపీసీ స్ట్రీమ్ కౌన్సెలింగ్ తేదీలను ఉన్నత విద్యాశాఖ ప్రకటించింది. ఈ నెల 12 నుంచి రిజిస్ట్రేషన్లు ప్రారంభం కానున్నాయి.

AP EAPCET BiPC Stream Counseling : ఆంధ్రప్రదేశ్‌లో ఈఏపీసెట్‌ (EAPCET) బైపీసీ స్ట్రీమ్ ప్రవేశాల కౌన్సెలింగ్ ప్రక్రియకు ముహూర్తం ఖరారైంది. ఈ నెల 12వ తేదీ నుంచి కౌన్సెలింగ్ ప్రారంభం కానుంది. ఫార్మసీ, బయోటెక్నాలజీ, సంబంధిత కోర్సుల్లో ప్రవేశాలు పొందాలనుకునే విద్యార్థులు ఈ కౌన్సెలింగ్ ప్రక్రియ ద్వారా తమ సీట్లను ఖరారు చేసుకోవచ్చు.

ఏపీ ఈఏపీసెట్ (BiPC) స్ట్రీమ్ కౌన్సెలింగ్

కౌన్సెలింగ్ షెడ్యూల్ - ముఖ్య తేదీలు

• రిజిస్ట్రేషన్, ప్రాసెసింగ్ ఫీజు చెల్లింపునకు ఈ నెల 12 నుంచి 17వ తేదీ వరకు అవకాశం ఉంటుంది.
• ఈనెల 13 నుంచి 18వ తేదీ వరకు నియమిత సహాయ కేంద్రాల వద్ద • ధ్రువపత్రాల (సర్టిఫికెట్లు) పరిశీలన ఉంటుంది.
• ఈనెల 14 నుంచి 19వ తేదీ వరకు విద్యార్థులు కోర్సులు, కళాశాలలను వెబ్ ఆప్షన్లను ఎంచుకోవచ్చు.
• నమోదు చేసిన ఆప్షన్లలో మార్పులు చేర్పులు చేసుకోవడానికి ఈ నెల 20న అవకాశం ఉంటుంది.
• అభ్యర్థుల మెరిట్, కేటగిరీ ఆధారంగా ఈ నెల 23న సీట్లను కేటాయిస్తారు.

సీట్లు పొందిన అభ్యర్థులు ఈ నెల 27వ తేదీలోపు సంబంధిత కళాశాలల్లో రిపోర్ట్ చేసి చేరాల్సి ఉంటుంది. మరోవైపు…. విద్యార్థుల విద్యా సంవత్సరం నష్టపోకుండా ఉండేందుకు ఈ నెల 24 నుంచే తరగతులు ప్రారంభించనున్నట్లు అధికారులు స్పష్టం చేశారు. అభ్యర్థులు నిర్దేశిత గడువు లోగా ధ్రువపత్రాల పరిశీలన, వెబ్ ఆప్షన్ల ప్రక్రియను పూర్తి చేసుకోవాలని సూచించారు.

ఈసారి నిర్వహించిన ఏపీ ఈఏపీసెట్ - 2026 పరీక్షలో అగ్రికల్చర్ అండ్ ఫార్మసీలో 63,546 మంది అర్హత సాధించారు (89.59 శాతం). వీరంతా కూడా కౌన్సెలింగ్ లో పాల్గొంటారు.

ఏపీ ఈఏపీసెట్ 2026లో విద్యార్థులు సాధించే ర్యాంకుల ఆధారంగానే సీట్ల కేటాయింపు చేస్తారు. విడతల వారీగా నిర్వహించే కౌన్సెలింగ్ ద్వారానే సీట్ల ప్రక్రయ పూర్తవుతుంది. సీట్లు మిగిలితే స్పాట్ అడ్మిషన్లకు మార్గదర్శకాలు జారీ అవుతాయి.

AP EAPCET 2026 ఫలితాలను ఎలా చూసుకోవాలి?

1. అభ్యర్థులు https://cets.apsche.ap.gov.in/ వెబ్ సైట్ లోకి వెళ్లాలి.
2. హోం పేజీలోని రిజల్ట్స్ లింక్ పై క్లిక్ చేయాలి.
3. అభ్యర్థి హాల్ టికెట్ నెంబర్‌తో పాటు ఇతర వివరాలను నమోదు చేయాలి.
4. సబ్మిట్ చేస్తే మీ ర్యాంక్ కార్డు డిస్ ప్లే అవుతుంది.
5. ప్రింట్ లేదా డౌన్లోడ్ ఆప్షన్ ద్వారా రిజల్ట్ కాపీని పొందొచ్చు.