ఆంధ్రప్రదేశ్లోని ఇంజినీరింగ్ కోర్సుల్లో ప్రవేశాల కోసం ఎదురుచూస్తున్న విద్యార్థులకు కీలక అప్డేట్ వచ్చేసింది. ఏపీ ఈఏపీసెట్ (AP EAPCET) 2026 చివరి విడత (ఫైనల్ ఫేజ్) కౌన్సెలింగ్ ప్రక్రియ ప్రస్తుతం కొనసాగుతోంది. ఇందులో భాగంగా అధికారులు వెబ్ ఆప్షన్ల నమోదు సౌకర్యాన్ని అందుబాటులోకి తీసుకొచ్చారు. ఇంజినీరింగ్ కోర్సుల్లో సీటు సాధించడమే లక్ష్యంగా ఉన్న అభ్యర్థులు అధికారిక వెబ్సైట్ cap.apcfss.in ద్వారా తమ ఆప్షన్లను నమోదు చేసుకోవచ్చు.
గతంలో జరిగిన మొదటి, రెండో విడత కౌన్సెలింగ్లో సీటు లభించని విద్యార్థులకు ఇది ఎంతో కీలకమైన అవకాశం. అంతేకాకుండా, ఇప్పటికే సీటు సాధించినప్పటికీ, అంతకంటే మంచి కళాశాల లేదా నచ్చిన కోర్సు (బ్రాంచ్) కోసం మారాలని భావించే అభ్యర్థులు కూడా ఈ చివరి విడతలో పాల్గొనవచ్చని అధికారులు వెల్లడించారు.
ఈనెల 12 వరకు వెబ్ ఆప్షన్లు…
ఈనెల 12వ తేదీ వరకు వెబ్ ఆప్షన్లు నమోదు చేసుకోవచ్చు. ఈనెల 13వ తేదీన వెబ్ ఆప్షన్లు ఎడిట్ చేసుకోవచ్చు. ఈనెల 16వ తేదీన సీట్లు కేటాయింపు ఉంటుంది. ఈనెల 16 నుంచి సెల్ఫ్ రిపోర్టింగ్ చేసుకోవచ్చు.
- వెబ్ ఆప్షన్ల నమోదు చివరి తేదీ: సెప్టెంబర్ 12, 2026 వరకు అభ్యర్థులు తమ ప్రాధాన్యత ప్రకారం కళాశాలలు, కోర్సుల ఆప్షన్లను ఎంచుకోవచ్చు.
- ఆప్షన్ల సవరణ (Edit Options) : నమోదు చేసుకున్న ఆప్షన్లలో ఏవైనా మార్పులు చేయాలనుకుంటే సెప్టెంబర్ 13వ తేదీన అవకాశం కల్పిస్తారు.
- సీట్ల కేటాయింపు : ఆప్షన్ల ఆధారంగా సెప్టెంబర్ 16వ తేదీన తుది సీట్ల కేటాయింపు ఫలితాలను విడుదల చేస్తారు.
- సెల్ఫ్ రిపోర్టింగ్ - కాలేజీలో చేరిక : సీటు పొందిన విద్యార్థులు సెప్టెంబర్ 16 నుంచి సెప్టెంబర్ 19, 2026 వరకు ఆన్లైన్ ద్వారా సెల్ఫ్ రిపోర్టింగ్ పూర్తి చేసి, కేటాయించిన కళాశాలల్లో నేరుగా హాజరుకావాల్సి ఉంటుంది.
- అధికారిక వెబ్ సైట్ - https://cap.apcfss.in/
ఏపీ ఈఏపీసెట్ ఫైనల్ ఫేజ్ కౌన్సెలింగ్ పూర్తయ్యాక విద్యార్థులు తమకు కేటాయించిన కళాశాలల్లో నిర్ణీత గడువులోగా చేరాల్సి ఉంటుంది. సీటు పొందిన అభ్యర్థులు నిర్దేశించిన సమయంలోగా సెల్ఫ్ రిపోర్టింగ్, కాలేజీ రిపోర్టింగ్ పూర్తి చేయకపోతే…. వారికి కేటాయించిన సీటును ఆటోమేటిక్గా రద్దు చేస్తారు. కాబట్టి గత విడతల్లో సీటు రానివారు, లేదా సీటు మారాలనుకునేవారు ఈ అవకాశాన్ని వినియోగించుకుని జాగ్రత్తగా వెబ్ ఆప్షన్లు నమోదు చేసుకోవాలని నిపుణులు సూచిస్తున్నారు.
{{/usCountry}}ఏపీ ఈఏపీసెట్ ఫైనల్ ఫేజ్ కౌన్సెలింగ్ పూర్తయ్యాక విద్యార్థులు తమకు కేటాయించిన కళాశాలల్లో నిర్ణీత గడువులోగా చేరాల్సి ఉంటుంది. సీటు పొందిన అభ్యర్థులు నిర్దేశించిన సమయంలోగా సెల్ఫ్ రిపోర్టింగ్, కాలేజీ రిపోర్టింగ్ పూర్తి చేయకపోతే…. వారికి కేటాయించిన సీటును ఆటోమేటిక్గా రద్దు చేస్తారు. కాబట్టి గత విడతల్లో సీటు రానివారు, లేదా సీటు మారాలనుకునేవారు ఈ అవకాశాన్ని వినియోగించుకుని జాగ్రత్తగా వెబ్ ఆప్షన్లు నమోదు చేసుకోవాలని నిపుణులు సూచిస్తున్నారు.
{{/usCountry}}