ఆంధ్ర విశ్వవిద్యాలయం AUEET 2026 సెకండ్ ఫేజ్ కౌన్సెలింగ్ షెడ్యూల్ను విడుదల చేసింది. వెబ్ కౌన్సెలింగ్ జూలై 4, 2026న audoa.andhrauniversity.edu.inలో ప్రారంభమైంది. మొదటి దశలో సీటు పొందలేని అభ్యర్థులు రెండో దశేకు దరఖాస్తు చేసుకోవచ్చు. అలాగే మొదటి దశ కేటాయింపుతో అసంతృప్తిగా ఉన్నవారు, మొదటి రౌండ్లో పాల్గొనని అభ్యర్థులు కూడా ఇప్పుడు నమోదు చేసుకోవచ్చు. ఆన్లైన్ సర్టిఫికేట్ వెరిఫికేషన్, వెబ్ ఆప్షన్ ఎంట్రీ, ప్రొవిజనల్ సీట్ కేటాయింపు, కోర్సు ఫీజు చెల్లింపు ఉంటాయి.
ముఖ్యమైన తేదీలు
- రెండో దశ నమోదు- జూలై 4 నుండి జూలై 6, 2026 వరకు
- సర్టిఫికేట్లను అప్లోడ్ చేయడం-జూలై 4 నుండి జూలై 8, 2026 వరకు
- మొదటి దశ తర్వాత ఖాళీల స్థానాల ప్రదర్శన-జూలై 3
- ఫేజ్ 2 (AUEET 2026) కోసం వెబ్ ఆప్షన్స్ ఎంట్రీ-జూలై 6 నుండి జూలై 10, 2026 వరకు
- ప్రొవిజనల్ అలాట్మెంట్ ఆఫ్ సీట్(దశ 2)-జూలై 13
- ఫీజు పేమెంట్-జూలై 14 నుంచి జూలై 20 వరకు
- ఆఫ్లైన్ రిపోర్టింగ్ తరువాత ప్రకటిస్తారు.
మొదటి రౌండ్ తర్వాత ఖాళీ అయిన సీట్లను భర్తీ చేయడానికి రెండో దశ ఉంటుంది. ఆరు సంవత్సరాల ఇంటిగ్రేటెడ్ బి.టెక్, ఎం.టెక్ ప్రోగ్రామ్ సెల్ఫ్-సపోర్ట్ కోర్సు ఫీజులు బ్రాంచ్ను బట్టి వేర్వేరుగా ఉంటాయి. ఫేజ్ 2 కోసం రిజిస్ట్రేషన్ పూర్తిగా ఆన్లైన్లో పోర్టల్ ద్వారా జరుగుతుంది.
- audoa.andhrauniversity.edu.in లోని అధికారిక పోర్టల్ను సందర్శించండి .
- AUEET 2026 ఫేజ్ 2 కౌన్సెలింగ్ రిజిస్ట్రేషన్ లింక్పై క్లిక్ చేయండి .
- AUEET 2026 హాల్ టికెట్ నంబర్, ర్యాంక్ కార్డ్ వివరాలను ఉపయోగించి లాగిన్ అవ్వండి .
- ఆన్లైన్ ధృవీకరణ కోసం అవసరమైన సర్టిఫికెట్లను అప్లోడ్ చేయండి .
- నెట్ బ్యాంకింగ్, డెబిట్ కార్డ్, క్రెడిట్ కార్డ్ లేదా యూపీఐ ద్వారా ప్రాసెసింగ్ ఫీజు చెల్లించండి .
- ప్రాధాన్యత గల డిపార్ట్మెంట్స్ వరుస క్రమంలో ర్యాంక్ చేయడం ద్వారా వెబ్ ఆప్షన్స్ ఎంచుకోండి .
- ఎంపికలను లాక్ చేసి, కన్ఫామ్ స్లిప్ను డౌన్లోడ్ చేసుకోండి .
ఆన్లైన్ ధృవీకరణ ప్రక్రియను ప్రారంభించే ముందు అభ్యర్థులు కింది పత్రాల స్కాన్ చేసిన కాపీలను సిద్ధంగా ఉంచుకోవాలి. AUEET 2026 ర్యాంక్ కార్డ్ మరియు హాల్ టికెట్, 10వ తరగతి మరియు 12వ తరగతి మార్క్ షీట్లు, చివరి విద్యాసంస్థ నుండి బదిలీ సర్టిఫికేట్ (TC), 12 తరగతి వరకు స్టడీ సర్టిఫికేట్లు, వర్తిస్తే కుల ధృవీకరణ పత్రం, ఫీజు వాపసు క్లెయిమ్ల కోసం ఆదాయ ధృవీకరణ పత్రం, ఆధార్ కార్డు, పాస్పోర్ట్ సైజు ఫోటో, EWS లేదా PwD సర్టిఫికేట్ ఉంటే రెడీ చేసుకోండి.