వైఎస్ జగన్ కాన్వాయ్‌కి ప్రమాదం.. బందరు రోడ్డులో భారీగా ట్రాఫిక్ జామ్!

కృష్ణా జిల్లాలోని మెుంథా తుపాను ప్రభావిత ప్రాంతాల్లో వైసీపీ అధినేత జగన్ పర్యటిస్తున్నారు. ఈ సందర్భంగా ఆయన కాన్వాయ్‌కి ప్రమాద జరిగింది.

వైసీపీ అధినేత వైఎస్ జగన్ కృష్ణా జిల్లా పెనమలూరు నియోజకవర్గంలో మెుంథా తుపాను ప్రభావిత ప్రాంతాల్లో పర్యటనకు వచ్చారు. జగన్ కాన్వాయ్ నియోజకవర్గంలోకి రాగానే వాహనాలు ఒకదానినొకటి ఢీ కొట్టాయి. దీంతో ప్రమాద జరిగింది. అయితే పలువురికి స్వల్ప గాయాలు అయ్యాయి. బందరు రోడ్డులో పెద్ద ఎత్తున ట్రాఫిక్ జామ్ అయింది.

కృష్ణా జిల్లా జగన్ పర్యటన

పర్యటనకు ముందే పలు నిబంధలను విధించారు పోలీసులు. వీటిని వైసీపీ శ్రేణులు ఉల్లంఘించాయి. డీజే ఏర్పాటు అనుమతి లేదని పోలీసులు చెప్పినా వైసీపీ నేతలు ఏర్పాటు చేశారు. దీంతో పోలీసులు తీయించారు. కాసేపు అక్కడ వాగ్వాదం జరిగింది. రోడ్ల మీద ట్రాఫిక్ జామ్ అయి వాహనదారులు ఇబ్బందులు ఎదుర్కొన్నారు.

పెనమలూరు, పెడన, పామర్రు, మచిలిపట్నం నియోజకవర్గాల్లో పర్యటనలో భాగంగా జగన్ వచ్చారు. అయితే వైఎస్ జగన్ పర్యటనపై పోలీసులు ఆంక్షలు విధించారు. 500 మంది, 10 వాహనాలకు మాత్రమే అనుమతి ఇచ్చారు. కొన్ని ప్రాంతాల్లో మాత్రమే పర్యటించాలని చెప్పారు. కొన్ని ప్రాంతాల్లో వైసీపీ నేతలను పోలీసులు అడ్డుకున్నారు. బైక్‌ల మీద వస్తున్న యువతను కూడా అడ్డుకున్నారు.

పర్యటనలో భాగంగా తుపానుతో నష్టపోయిన అరటి, వరి పంటను జగన్‌కు రైతులు చూపించారు. తమకు జరిగిన నష్టం గురించి జగన్‌కు వినతిపత్రాలు అందించారు.

వైఎస్ జగన్‌ను జనం నుంచి దూరం చేయలేరని మాజీ మంత్రి పేర్ని నాని అన్నారు. ఎన్ని ఆంక్షలు పెట్టినా.. జనాన్ని ఆపలేరని స్పష్టం చేశారు. రైతులను కూటమి ప్రభుత్వం పట్టించుకోవడం లేదని చెప్పారు. వ్యవసాయ శాఖ మంత్రి ఎక్కడ ఉన్నారని ప్రశ్నించారు. జగన్‌ను పోలీసు ఆంక్షలు, నిర్బంధాలతో అడ్డుకోలేరని స్పష్టం చేశారు. ఆయనకు జనంలో ప్రేమ, అభిమానాలు ఉన్నాయన్నారు. కృష్ణా జిల్లాల్లో ఒక్కరు కూడా రైతులకు జరిగిన నష్టాన్ని వచ్చి చూడలేదని చెప్పారు.