ఓటీటీలోకి మూడు వారాల్లోనే నాలుగు భాషల్లో వస్తున్న తెలుగు రొమాంటిక్ డ్రామా.. స్ట్రీమింగ్ డేట్ ఇదే

ఓటీటీలోకి ఓ తెలుగు రొమాంటిక్ మూవీ మూడు వారాల్లోనే స్ట్రీమింగ్ కు వస్తోంది. గత నెల 20న థియేటర్లలో రిలీజైన ఈ సినిమాకు బాక్సాఫీస్ దగ్గర పెద్దగా రెస్పాన్స్ రాకపోవడంతో నెట్‌ఫ్లిక్స్ మూడు వారాల్లో స్ట్రీమింగ్ కు తీసుకొస్తోంది.

నెట్‌ఫ్లిక్స్ లోకి లేటెస్ట్ తెలుగు రొమాంటిక్ డ్రామా 8 వసంతాలు మూవీ వచ్చేస్తోంది. ఈ సినిమా స్ట్రీమింగ్ విషయాన్ని ఆ ఓటీటీ సోమవారం (జులై 7) వెల్లడించింది. ఈ వారమే డిజిటల్ ప్రీమియర్ కానుంది. జూన్ 20న థియేటర్లలో రిలీజైన ఈ 8 వసంతాలు సినిమాకు ప్రేక్షకుల నుంచి పెద్దగా ఆదరణ లభించలేదు.

ఓటీటీలోకి మూడు వారాల్లోనే నాలుగు భాషల్లో వస్తున్న తెలుగు రొమాంటిక్ డ్రామా.. స్ట్రీమింగ్ డేట్ ఇదే

8 వసంతాలు ఓటీటీ రిలీజ్ డేట్

తెలుగు రొమాంటిక్ డ్రామా 8 వసంతాలు. పుష్ప మేకర్స్ మైత్రీ మూవీ మేకర్స్ తెరకెక్కించిన సినిమాగా రిలీజ్ కు ముందే మంచి బజ్ నెలకొంది. అయితే అది బాక్సాఫీస్ దగ్గర పెద్దగా వర్కౌట్ కాలేదు. జూన్ 20న థియేటర్లలో రిలీజ్ కాగా.. ఇప్పుడు మూడు వారాల్లోనే అంటే వచ్చే శుక్రవారం (జులై 11) నుంచి నెట్ఫ్లిక్స్ లో స్ట్రీమింగ్ కాబోతోంది.

తెలుగు సహా మొత్తం 4 భాషల్లో స్ట్రీమింగ్ కు రానుంది. ఈ విషయాన్ని నెట్‌ఫ్లిక్స్ ఓటీటీ తన ఎక్స్ అకౌంట్ ద్వారా వెల్లడించింది. “8 వసంతాలు.. తను ప్రేమించింది. ఓడిపోయింది.. ఎదిగింది.. జులై 11 నుంచి 8 వసంతాలు మీ నెట్‌ఫ్లిక్స్ లో తెలుగు, తమిళం, కన్నడ, మలయాళంలలో” అనే క్యాప్షన్ తో ట్వీట్ చేసింది.

8 వసంతాలు మూవీ గురించి..

8 వసంతాలు మూవీని ఫణీంద్ర నర్సెట్టి డైరెక్ట్ చేశాడు. ఇందులో మ్యాడ్ మూవీతో పాపులర్ అయిన నటి అనంతిక సనిల్‌కుమార్, రవి దుగ్గిరాల, హను రెడ్డిలాంటి వాళ్లు నటించారు. మైత్రీ మూవీ మేకర్స్ బ్యానర్లో నవీన్ యెర్నేని, వై రవిశంకర్ సినిమాను నిర్మించారు. ఈ మూవీ శుద్ధి అయోధ్య (అనంతిక) అనే అమ్మాయి, ఆమె ప్రేమ చుట్టూ తిరుగుతుంది. ఆమె ఓ యువ రచయిత్రి. అంతేకాదు మార్షల్ ఆర్ట్స్ కూడా వచ్చు.

అలాంటి అమ్మాయిని ప్రేమిస్తున్నానంటూ వరుణ్ (హను రెడ్డి) అనే అబ్బాయి వెంట పడతాడు. అయితే తర్వాత అతడు ఆమెను వదిలేసి అమెరికాకు వెళ్లిపోతాడు. ఇలాంటి పరిస్థితుల్లో ఆమెకు సంజయ్ (రవి దుగ్గిరాల) అనే మరో వ్యక్తి పరిచయమవుతాడు. ప్రేమలో విఫలమైన శుద్ధి జీవితం ఆ తర్వాత ఏమవుతుంది? ఆమె తన కెరీర్లో ఎలా ఎదిగింది అన్నదే ఈ 8 వసంతాలు మూవీ కథ. ఇప్పుడీ సినిమా జులై 11 నుంచి నెట్‌ఫ్లిక్స్ లో స్ట్రీమింగ్ కాబోతోంది. మరి థియేటర్లలో మిస్ అయి ఉంటే ఓటీటీలో చూసేయండి.