E-Paper
నార్త్ అమెరికా తెలుగు సొసైటీలో ఆది సాయి కుమార్ హారర్ థ్రిల్లర్ శంభాల టీజర్ రిలీజ్.. అల్లు అర్జున్, సమంత, శ్రీలీల, సందడి!
నార్త్ అమెరికా తెలుగు సొసైటీ 2025 ఈవెంట్లో ఆది సాయి కుమార్ నటించిన హారర్ థ్రిల్లర్ శంభాల టీజర్ రిలీజ్ చేశారు. ఈ కార్యక్రమంలో అల్లు అర్జున్, సమంత, శ్రీలీల, సుకుమార్, థమన్ వంటి స్టార్స్ సందడి చేశారు. ఈ కార్యక్రమంలో శంభాల టీజర్ రిలీజ్ చేయడంతో మూవీ హాట్ టాపిక్గా మారింది.
యంగ్ హీరో, వెర్సటైల్ యాక్టర్ ఆది సాయి కుమార్ ప్రస్తుతం ‘శంబాల : ఎ మిస్టికల్ వరల్డ్’ చిత్రంతో అందరినీ ఆకట్టుకునేందుకు రెడీ అవుతున్నారు. ఈ సూపర్ నేచురల్ హారర్ థ్రిల్లర్ మూవీ శంభాల టీజర్ అందరిలోనూ ఉత్కంఠను రేకెత్తించిన సంగతి తెలిసిందే.
మేకింగ్ వీడియో
శంబాల టీమ్ వదిలిన పోస్టర్లు, గ్లింప్స్, టీజర్, మేకింగ్ వీడియో ఇలా అన్నీ కూడా సోషల్ మీడియా సెన్సేషన్గా మారాయి. ఇక తాజాగా నిర్వహించిన నార్త్ అమెరికా తెలుగు సొసైటీ (NATS) కార్యక్రమంలో ‘శంబాల’ టీజర్ హాట్ టాపిక్గా మారింది.
నార్త్ అమెరికా తెలుగు సొసైటీ 2025
విదేశాలలో తెలుగు సంస్కృతి, సినిమా సెలెబ్రేట్ చేసే ప్రతిష్టాత్మక సమావేశాలలో ఒకటైన నార్త్ అమెరికా తెలుగు సొసైటీ (NATS) 2025 కార్యక్రమంలో టాలీవుడ్ ప్రముఖులంతా సందడి చేశారు. ఈ క్రమంలో అక్కడ ‘శంబాల’ టీజర్ను ప్రదర్శించారు.
థమన్తో శంభాల టీజర్ రిలీజ్
ఐకాన్ స్టార్ అల్లు అర్జున్, సుకుమార్, సమంత, శ్రీలీల వంటి టాప్ స్టార్లు హాజరై సందడి చేసిన ఈ కార్యక్రమం ఘన విజయం సాధించింది. శంబాల టీజర్ను సంగీత దర్శకుడు ఎస్ థమన్ లైవ్ కచేరీలో ప్లే చేశారు. ఆయన అద్భుతమైన ప్రదర్శన వేదికను అలరించింది.
పోస్ట్ ప్రొడక్షన్ పనులు
ఈ కార్యక్రమానికి హాజరైన అతిరథ మహరథుల నుంచి శంభాల టీజర్కు అద్భుతమైన స్పందన వచ్చింది. ప్రస్తుతం ‘శంబాల: ఎ మిస్టికల్ వరల్డ్’ పోస్ట్-ప్రొడక్షన్ పనులు శరవేగంగా జరుగుతున్నాయి. భారీ స్థాయిలో ఈ మూవీని ఓ విజువల్ వండర్గా, టెక్నికల్గా హై స్టాండర్డ్స్లో ఉండేలా నిర్మిస్తున్నారు.
శంభాల నటీనటులు
యుగంధర్ ముని దర్శకత్వం వహించిన ఈ మూవీని షైనింగ్ పిక్చర్స్ బ్యానర్పై రాజశేఖర్ అన్నభీమోజు, మహీధర్ రెడ్డి నిర్మించారు. ఈ సినిమాలో అర్చన అయ్యర్, స్వాసిక, రవివర్మ, మధునందన్, శివ కార్తీక్ వంటి వారు నటించారు.
శ్రీచరణ్ పాకాల బీజీఎమ్
శంభాల మూవీకి సినిమాటోగ్రాఫర్గా ప్రవీణ్ కె. బంగారి అద్భుతమైన విజువల్స్ అందించగా.. శ్రీచరణ్ పాకాల నేపథ్య సంగీతం అందరినీ ఆకట్టుకునేలా ఉంది. శంభాల టీజర్ రిలీజ్ చేసిన తరువాత సినిమా మీద ట్రేడ్ వర్గాల్లో అంచనాలు పెరిగాయి. ఈ మూవీ రిలీజ్ డేట్ను త్వరలోనే మేకర్లు ప్రకటించనున్నారు.
