E-Paper
పవన్ కల్యాణ్ గొప్ప నటుడు.. ప్రభాస్ చాలా మంచి మనిషి.. హీరోయిన్ నిధి అగర్వాల్ కామెంట్స్
పవన్ కల్యాణ్తో హరి హర వీరమల్లు, ప్రభాస్తో రాజా సాబ్ సినిమాలు చేస్తున్న హీరోయిన్ నిధి అగర్వాల్. హరి హర వీరమల్లు సినిమా ప్రమోషనల్ ఇంటర్వ్యూలో భాగంగా పాల్గొన్న నిధి అగర్వాల్ ఆ సినిమా విశేషాలతోపాటు పవన్ కల్యాణ్, ప్రభాస్ గురించి ఇంట్రెస్టింగ్ కామెంట్స్ చేసింది.
ఇద్దరు అగ్ర హీరోలతో సినిమాలు చేస్తున్న బ్యూటిపుల్ హీరోయిన్ నిధి అగర్వాల్. ఓ వైపు పవర్ స్టార్ పవన్ కల్యాణ్తో హరి హర వీరమల్లు, మరోవైపు డార్లింగ్ ప్రభాస్తో రాజా సాబ్ సినిమాలను చేస్తుంది నిధి అగర్వాల్. హరి హర వీరమల్లు సినిమా జూలై 24న థియేటర్లలో విడుదల కానుంది.
ప్రమోషన్స్లో భాగంగా
ఈ నేపథ్యంలో ఈ సినిమా ప్రమోషన్స్లో భాగంగా ఇంటర్వ్యూలో పాల్గొంది హీరోయిన్ నిధి అగర్వాల్. ఈ ఇంటర్వ్యూలో పవన్ కల్యాణ్, ప్రభాస్తోపాటు హరి హర వీరమల్లు సినీ విశేషాలను పంచుకుంది ముద్దుగుమ్మ నిధి అగర్వాల్.
నిర్మాత ఏఎం రత్నం గారి గురించి?
ఏఎం. రత్నం గారు గొప్ప నిర్మాత. ఎన్ని ఒడిదుడుకులు ఎదురైనా వెనకడుగు వేయలేదు. సినిమాని నమ్మి ఇన్నేళ్లు బలంగా నిలబడ్డారు. చిత్రాన్ని విజయవంతంగా పూర్తి చేశారు. రత్నం గారిలా అందరూ ఉండలేరు. ఐదేళ్ల పాటు ఈ సినిమాని తన భుజాలపై మోశారు. రత్నం గారికి హ్యాట్సాఫ్.
ట్రైలర్కి వచ్చిన స్పందన ఎలా అనిపించింది?
హరి హర వీరమల్లు ట్రైలర్ రాకముందు కొందరు ఈ సినిమా ఎలా ఉంటుందనే అనుమానాలు వ్యక్తం చేశారు. అందరి అనుమానాలను ట్రైలర్ పటాపంచలు చేసింది. మేము ఊహించిన దానికంటే ట్రైలర్కి ఇంకా అద్భుతమైన స్పందన లభించింది.
హరి హర వీరమల్లులో పవన్ కల్యాణ్ గారితో, రాజా సాబ్లో ప్రభాస్ గారితో కలిసి నటించడం ఎలా ఉంది?
ఎంత పెద్ద స్టార్స్ అయితే అంత హంబుల్గా ఉంటారేమో అని వారిద్దరినీ చూస్తే అనిపించింది. పవన్ కల్యాణ్ గారు గొప్ప నటుడు. పాత్రలో సులభంగా ఒదిగిపోతారు. ప్రభాస్ గారు చాలా మంచి మనిషి. అందరూ చెప్పినట్టుగానే ఆయన నిజంగానే డార్లింగ్.
పంచమి పాత్ర గురించి చెప్పినప్పుడు మీ రియాక్షన్ ఏంటి?
క్రిష్ గారు కలిసి నా పాత్ర గురించి, కథ గురించి వివరించారు. ఆయన చెప్తున్నప్పుడే ఈ సినిమా చేయాలనుకున్నాను. ఎందుకంటే భారీ సినిమా, పవన్ కల్యాణ్ గారితో నటించే అవకాశం, రత్నం గారు లాంటి లెజెండరీ ప్రొడ్యూసర్. ఇవన్నీ ఉన్నప్పుడు ఏమాత్రం ఆలోచించకుండా వెంటనే ఓకే చెప్పాలని నిర్ణయించుకున్నాను. అదృష్టం కొద్దీ ఇంత గొప్ప సినిమాలో నటించే అవకాశం రావడమే కాకుండా.. మంచి పాత్ర కూడా దక్కింది.
