అమితాబ్ బచ్చన్ బ్లాక్‌బస్టర్ సినిమాను ఇబ్బంది పెట్టిన ఓ అండర్‌వేర్ బ్రాండ్.. ఆ మూవీ ఏదో తెలుసా?

అమితాబ్ బచ్చన్ కెరీర్లో బ్లాక్‌బస్టర్ గా నిలిచిన మూవీ డాన్. అయితే ఈ సినిమాకు ఓ అండర్‌వేర్ బ్రాండ్ వల్ల ఇబ్బందులు తలెత్తాయన్న విషయం మీకు తెలుసా? ఇంతకీ అప్పుడు ఏం జరిగిందో తెలుసుకోండి.

అమితాబ్ బచ్చన్ నటించిన డాన్ మూవీ 1978లో విడుదలైన విషయం తెలుసు కదా. ఈ సినిమా అనేక విధాలుగా రికార్డులను బద్దలు కొట్టింది. సినిమా కథ నుండి దాని పాత్రలు, డైలాగ్స్ వరకు అన్నీ ప్రత్యేకంగా నిలిచాయి. ఈ సినిమా చాలా కారణాల వల్ల హెడ్‌లైన్స్‌లో నిలిచింది. కానీ కొన్ని వింత కారణాల వల్ల కూడా ఈ సినిమా గుర్తుండిపోయింది. అలాంటి విచిత్రమైన కారణాలలో ఒకటి ఈ సినిమా టైటిల్. సినిమా పేరు 'డాన్' అని నిర్ణయించినప్పుడు, చాలా మంది డిస్ట్రిబ్యూటర్లు ఈ సినిమాను తీసుకోవడానికి నిరాకరించారు. వారు అలా చేయడానికి గల కారణం కొంచెం వింతగా ఉంది.

అమితాబ్ బచ్చన్ బ్లాక్‌బస్టర్ సినిమాను ఇబ్బంది పెట్టిన ఓ అండర్‌వేర్ బ్రాండ్.. ఆ మూవీ ఏదో తెలుసా?

డాన్ టైటిల్‌తో ఇబ్బందులు

అమితాబ్ బచ్చన్ కెరీర్లో ఓ మైలురాయిగా నిలిచిపోయిన సినిమా డాన్. బాక్సాఫీస్ రికార్డులను తిరగరాసింది. అయితే ఈ సినిమాకు ఓ అండర్‌వేర్ బ్రాండ్ వల్ల ఇబ్బందులు తలెత్తాయి. ఆ రోజుల్లో ఒక అండర్‌వేర్ బ్రాండ్ బాగా ఫేమస్ అయింది. ఆ అండర్‌వేర్ బ్రాండ్‌కు కూడా 'డాన్' అనే పేరే ఉంది. సినిమా పేరు కూడా డాన్ అని పెట్టడంతో.. డిస్ట్రిబ్యూటర్లకు ఆ సినిమాను ఆ అండర్‌వేర్ బ్రాండ్‌తో పోల్చి చూస్తారేమోనని భయం పట్టుకుంది. అందుకే వారు సినిమా కొనేందుకు భయపడ్డారు.

కానీ సినిమా విడుదలయ్యాక అమితాబ్ బచ్చన్ నటన, అతని స్టైల్ ప్రేక్షకుల హృదయాలను ఎంతగా ఆకట్టుకున్నాయంటే.. దశాబ్దాల పాటు బిగ్ బీ నటన, అతడు చెప్పిన డైలాగులను ఎవరూ మరచిపోలేదు. మూవీ బ్లాక్‌బస్టర్ అయింది. అప్పటి వరకూ ఉన్న బాలీవుడ్ రికార్డులను తిరగరాసింది.

ఓటీటీలో ఎక్కడ చూడొచ్చంటే..

ఈ సినిమాలో అమితాబ్ బచ్చన్ తో పాటు జీనత్ అమన్, ప్రాణ్ ముఖ్య పాత్రల్లో నటించారు. ఈ సినిమా ఎంత పాపులర్ అంటే చాలా మంది దీనిని చాలాసార్లు చూశారు. ఒకవేళ మీరు ఇప్పటి వరకు ఈ సినిమా చూడకపోతే.. జీ5 (Zee5) ఓటీటీ ప్లాట్‌ఫామ్‌లో అందుబాటులో ఉంది చూసేయండి.

ఈ సినిమాకు ఐఎండీబీ రేటింగ్ 7.5 ఉంది. ఆ రోజుల్లో ఇది రూ.7 కోట్ల వసూళ్లు సాధించి అందరినీ ఆశ్చర్యపరిచింది. అమితాబ్ బచ్చన్ తర్వాత షారుక్ ఖాన్ కూడా డాన్ పాత్ర పోషించాడు. కానీ అది అంతగా ప్రజాదరణ పొందలేదు.

తరువాతి 'డాన్' హీరో రణ్‌వీర్ సింగ్

అమితాబ్ నటించిన డాన్ మూవీని షారుక్ రీమేక్ చేశాడు. ఆ తర్వాత డాన్ 2 కూడా రాగా.. అందులోనూ అతడే లీడ్ రోల్లోనటించాడు. అయితే ఇప్పుడు డాన్ 3 కూడా వస్తోంది. ఇందులో షారుక్ స్థానంలో రణ్‌వీర్ సింగ్ లీడ్ రోల్లో రాబోతున్నాడు. ఫర్హాన్ అక్తర్ డాన్ మూడో భాగాన్ని రూపొందించబోతున్నాడు. అమితాబ్, షారుక్ లాంటి నటుల తర్వాత డాన్ పాత్రలో రణ్‌వీర్ సింగ్ కనిపించనుండటంపై అభిమానులు పెదవి విరిచారు. ఈ ఐకానిక్ రోల్లో షారుక్ కొనసాగి ఉంటే బాగుండేదని చాలా మంది అభిప్రాయపడ్డారు.