ఓటీటీలోకి నిన్న రిలీజైన 3 సినిమాలు- ఒకేదాంట్లో అనుష్క ఘాటి, శివ కార్తికేయన్ మదరాసి-లిటిల్ హార్ట్స్ స్ట్రీమింగ్ ఎక్కడంటే?

ఓటీటీలోకి నిన్న (సెప్టెంబర్ 5) థియేట్రికల్ రిలీజ్ అయిన మూడు సినిమాల డిజిటల్ ప్రీమియర్ ప్లాట్‌ఫామ్స్‌పై ఆసక్తి నెలకొంది. వాటిలో అనుష్క శెట్టి ఘాటి, శివ కార్తికేయన్ మదరాసి ఒకేదాంట్లో ఓటీటీ రిలీజ్ కానున్నాయి. మరి మౌళి తనూజ్ రొమాంటిక్ కామెడీ థ్రిల్లర్ లిటిల్ హార్ట్స్ ఓటీటీ స్ట్రీమింగ్ ఎక్కడో చూద్దాం.

థియేట్రికల్ రిలీజ్ అనంతం ఓటీటీ స్ట్రీమింగ్ గురించి టాక్ రావడం సర్వసాధారణంగా మారిన విషయం అని తెలిసిందే. ఈ నేపథ్యంలో లేటెస్ట్‌గా రిలీజ్ అయిన కొత్త సినిమాల ఓటీటీ ప్లాట్‌ఫామ్స్ డీటేల్స్ ఇంట్రెస్టింగ్‌గా మారాయి. మరి ఆ లేటెస్ట్ సినిమాలు, వాటి ఓటీటీ రిలీజ్ ప్లాట్‌ఫామ్స్ ఏంటో ఇక్కడ తెలుసుకుందాం.

ఓటీటీలోకి నిన్న రిలీజైన 3 సినిమాలు- ఒకేదాంట్లో అనుష్క ఘాటి, శివ కార్తికేయన్ మదరాసి-లిటిల్ హార్ట్స్ స్ట్రీమింగ్ ఎక్కడంటే?

ఘాటి ఓటీటీ

ఈ వారం థియేట్రికల్ రిలీజ్‌లో ముందుగా చెప్పుకునేది ఘాటి. హీరోయిన్ అనుష్క శెట్టి ప్రధాన పాత్రలో నటించిన క్రైమ్ రివేంజ్ యాక్షన్ థ్రిల్లర్‌గా తెరకెక్కిన ఘాటికి క్రిష్ జాగర్లమూడి దర్శకత్వం వహించారు. చాలా కాలం గ్యాప్ తర్వాత ఫీమేల్ సెంట్రిక్ సినిమాలో అనుష్క శెట్టి నటించింది.

సెప్టెంబర్ 5న అంటే నిన్న థియేటర్లలో విడుదలైన ఘాటి సినిమాకు మిక్స్‌డ్ రెస్పాన్స్ వస్తోంది. కానీ, అనుష్క శెట్టి చేసిన యాక్షన్ సీక్వెన్స్, యాక్టింగ్‌కు ప్రశంసలు కురుస్తున్నాయి. ఇదే క్రమంలో ఘాటి ఓటీటీ స్ట్రీమింగ్ప్లాట్‌ఫామ్‌పై బజ్ క్రియేట్ అయింది.

అమెజాన్ ప్రైమ్‌లో ఘాటి ఓటీటీ రిలీజ్ కానుందని సమాచారం. థియేట్రికల్ రన్నింగ్ ముగిసిన తర్వాత ప్రైమ్ వీడియోలో ఘాటి ఓటీటీ స్ట్రీమింగ్ కానుంది. అయితే, కలెక్షన్స్, టాక్‌ను బట్టి ఘాటి ఓటీటీ రిలీజ్ డేట్‌పై క్లారిటీ వస్తుంది.

మదరాసి ఓటీటీ

తమిళ స్టార్ హీరోల్లో ఒకరైన శివ కార్తికేయన్ నటించిన యాక్షన్ థ్రిల్లర్ సినిమానే మదరాసి. ఈ మూవీకి డైరెక్టర్ మురుగదాస్ దర్శకత్వం వహించారు. రుక్మిణి వసంత్ హీరోయిన్‌గా విద్యుత్ జమాల్, బిజు మీనన్ కీలక పాత్రలు పోషించిన మదరాసి కూడా సెప్టెంబర్ 5న థియేటర్లలో విడుదలైంది.

తెలుగులో కూడా విడుదలైన మదరాసి ఓటీటీ హక్కులను కూడా అమెజాన్ ప్రైమ్ సొంతం చేసుకుంది. థియేట్రికల్ రిలీజ్‌ తర్వాత సుమారు నాలుగు వారాల తర్వాత అమెజాన్ ప్రైమ్లో మదరాసి ఓటీటీ స్ట్రీమింగ్ అయ్యే అవకాశం ఉందని సమాచారం.

లిటిల్ హార్ట్స్ ఓటీటీ

అనుష్క ఘాటి తర్వాత బాక్సాఫీస్ వద్ద బరిలోకి దిగిన ఒరిజినల్ తెలుగు సినిమా లిటిల్ హార్ట్స్. సూపర్ హిట్ ఓటీటీ సిరీస్ 90స్ మిడిల్ క్లాస్ బయోపిక్‌తో మంచి ఫేమ్ తెచ్చుకున్న మౌళి తేజ్ హీరోగా వెండితెరపై ఎంట్రీ ఇచ్చిన సినిమానే లిటిల్ హార్ట్స్. ఇందులో హీరోయిన్‌గా బ్యూటిఫుల్శివాని నాగరం చేసింది.

రొమాంటిక్ కామెడీ చిత్రంగా తెరకెక్కిన లిటిల్ హార్ట్స్ కూడా నిన్న (సెప్టెంబర్ 5) థియేటర్లలో విడుదలైంది. ప్రమోషనల్ కంటెంట్‌తో మంచి బజ్ క్రియేట్ చేసకున్న లిటిల్ హార్ట్స్ పాజిటివ్ టాక్‌తో బాక్సాఫీస్ వద్ద దూసుకుపోతోంది. అయితే, లిటిల్ హార్ట్స్ సినిమాను ఓటీటీ సంస్థ ఈటీవీ విన్ తన ప్రొడక్షన్ నుంచి ఒరిజినల్ చిత్రంగా నిర్మించింది.

ఓటీటీ ప్లాట్‌ఫామ్స్

కాబట్టి, లిటిల్ హార్ట్స్ ఓటీటీ ప్లాట్ఫామ్ ఈటీవీ విన్ అని స్పష్టంగా తెలిసిపోతుంది. థియేట్రికల్ రన్ తర్వాత లిటిల్ హార్ట్స్ ఓటీటీ స్ట్రీమింగ్ అయ్యే అవకాశం ఉంది. ఇలా నిన్న థియేటర్లలో రిలీజ్ అయిన 3 సినిమాల్లో ఘాటి, మదరాసి అమెజాన్ ప్రైమ్‌లో.. లిటిల్ హార్ట్స్ ఈటీవీ విన్ ఓటీటీలో స్ట్రీమింగ్‌కు వచ్చే ఛాన్స్ ఉందని సమాచారం.