ఓటీటీలోకి మొన్న రిలీజైన ముగ్గురు హీరోల యాక్షన్ థ్రిల్లర్.. భైరవం ఒరిజినల్ మూవీ మరో ఓటీటీలో.. ఇక్కడ చూసేయండి!

ఓటీటీలోకి మొన్న థియేటర్లలో విడుదలైన ముగ్గురు హీరోల భైరవం స్ట్రీమింగ్ కానుంది. బెల్లంకొండ సాయి శ్రీనివాస్, మంచు మనోజ్, నారా రోహిత్ తొలిసారిగా నటించిన భైరవం మూవీ ఒరిజినల్‌గా గరుడన్ చిత్రానికి రీమేక్. భైరవం ఓటీటీ ప్లాట్‌ఫామ్‌తోపాటు గరుడన్ ఓటీటీ స్ట్రీమింగ్ ఎక్కడో ఇక్కడ తెలుసుకుందాం.

టాలీవుడ్ ముగ్గురు యంగ్ హీరోలు బెల్లంకొండ సాయి శ్రీనివాస్, మంచు మనోజ్, నారా రోహిత్ తొలిసారిగా కలిసి నటించిన తెలుగు యాక్షన్ థ్రిల్లర్ మూవీ భైరవం. నాంది, ఉగ్రం వంటి సినిమాలతో అందించిన డైరెక్టర్ విజయ్ కనకమేడల భైరవం సినిమాకు దర్శకత్వం వహించారు.

ఓటీటీలోకి మొన్న రిలీజైన ముగ్గురు హీరోల యాక్షన్ థ్రిల్లర్.. భైరవం ఒరిజినల్ మూవీ మరో ఓటీటీలో.. ఇక్కడ చూసేయండి!

ముగ్గురు హీరోయిన్స్

శ్రీ సత్య సాయి పతాకంపై కెకె రాధా మోహన్ ప్రతిష్టాత్మకంగా నిర్మించిన భైరవం సినిమాను పెన్ స్టూడియోస్ డాక్టర్ జయంతిలాల్ సమర్పించారు. శ్రీ చరణ్ పాకాల సంగీతం అందించిన భైరవం సినిమాలో అదితి శంకర్, ఆనంది, దివ్వా పిళ్లై హీరోయిన్స్‌గా యాక్ట్ చేశారు.

యాక్షన్ ఎపిసోడ్ హైలెట్

ఎన్నో అంచనాల నడుమ రీసెంట్‌గా మొన్న (మే 30) థియేటర్లలో గ్రాండ్‌గా రిలీజ్ అయింది భైరవం సినిమా. అయితే, ఈ సినిమాకు మిక్స్‌డ్ టాక్ వినిపిస్తోంది. స్టోరీ రొటీన్‌గా ఉన్నప్పుటికీ కొన్ని యాక్షన్ సీక్వెన్సెస్ చాలా బాగున్నాయని ప్రశంసిస్తున్నారు. ముఖ్యంగా ముగ్గురు హీరోలు కలిసి చేసే యాక్షన్ ఎపిసోడ్ ఆకట్టుకునేలా ఉందన్నారు.

భైరవం ఓటీటీ జీ5

అయితే, ఈ మిక్స్‌డ్ టాక్ నేపథ్యంలో భైరవం ఓటీటీ ప్లాట్‌ఫామ్‌పై ఆసక్తి నెలకొంది. భైరవం ఓటీటీ హక్కులను జీ5 ప్లాట్‌ఫామ్ కొనుగోలు చేసినట్లు సమాచారం. దీంతో, జీ5లో భైరవం ఓటీటీ స్ట్రీమింగ్ కానున్నట్లు తెలుస్తోంది. అయితే, దీనిపై ఎలాంటి అధికారిక ప్రకటన రాలేదు. ఇక థియేట్రికల్ రిలీజ్ అనంతరం నెల తర్వాత భైరవం ఓటీటీ రిలీజ్ అవనుంది.

7.1 ఐఎమ్‌డీబీ రేటింగ్

లేదా టాక్‌, రెస్పాన్స్, బాక్సాఫీస్ కలెక్షన్స్‌ను బట్టి భైరవం ఓటీటీ రిలీజ్‌లో మార్పులు జరిగే అవకాశం ఉంది. ఇకపోతే భైరవం మూవీ తమిళ యాక్షన్ థ్రిల్లర్ గరుడన్‌కు రీమేక్. 2024 మే 31న కోలీవుడ్‌లో రిలీజ్ అయిన గరుడన్ సూపర్ హిట్ అయింది. ఐఎమ్‌డీబీ నుంచి 7.1 రేటింగ్ సైతం సాధించుకుంది.

హీరోగా కమెడియన్

గరుడన్ సినిమాలో తమిళ కమెడియన్ సూరి హీరోగా చేశాడు. అతనితోపాటు పాపులర్ కోలీవుడ్ హీరోలు ఉన్ని ఎమ్ శశికుమార్, ముకుందన్ మిగతా ప్రధాన పాత్రలు పోషించారు. గరుడన్ సినిమాకు అగ్ర దర్శకుడు వెట్రిమారన్ నిర్మాతగా వ్యవహరించి నిర్మించారు. ఇక ఈ మూవీకి ఆర్ఎస్ దురై సెంథిల్ కుమార్ కథ, దర్శకత్వం వహించారు.

గరుడన్ ఓటీటీ స్ట్రీమింగ్

సూపర్ హిట్ అయిన గరుడన్ ఓటీటీలో స్ట్రీమింగ్ అవుతోంది. అయితే, భైరవం ఓటీటీ ప్లాట్ఫామ్ జీ5లో కాకుండా మరో ఓటీటీలో గరుడన్ డిజిటల్ ప్రీమియర్ అవుతోంది. అమెజాన్ ప్రైమ్లో గరుడన్ ఓటీటీ రిలీజ్ అయింది. కేవలం తమిళ భాషలో, ఇంగ్లీష్ సబ్ టైటిల్స్‌తో అమెజాన్ ప్రైమ్ వీడియోలో గరుడన్ ఓటీటీ స్ట్రీమింగ్ అవుతోంది.