హిందీలో కాకుండా నేను మొదట తెలుగులోనే సినిమా చేశాను.. 50 ఏళ్ల హాట్ హీరోయిన్ శిల్పా శెట్టి కామెంట్స్

50 ఏళ్ల వయసులోను సూపర్ హాట్ హీరోయిన్ అనిపించుకుంటుంది బాలీవుడ్ బ్యూటి శిల్పా శెట్టి. తెలుగులో వెంకటేష్, మోహన్ బాబు వంటి హీరోలతో జోడీ కట్టిన శిల్పా శెట్టి నటించిన లేటెస్ట్ కన్నడ సినిమా కేడీ ది డెవిల్. ధృవ సర్జా హీరోగా తెరకెక్కిన కేడీ ది డెవిల్ టీజర్ రిలీజ్ ఈవెంట్‌లో శిల్పా శెట్టి కామెంట్స్ చేసింది.

50 ఏళ్ల వయసులోను సూపర్ హాట్ హీరోయిన్ అనిపించుకుంటోంది బాలీవుడ్ గ్లామర్ బ్యూటి శిల్పా శెట్టి. యంగ్ హీరోయిన్స్‌కు సైతం పోటీ ఇస్తున్న ఈ ముద్దుగుమ్మ తెలుగులో 90స్ కాలంలో వెంకటేష్, మోహన్ బాబు వంటి స్టార్ హీరోలతో కలిసి జత కట్టి ఆడింది.

హిందీలో కాకుండా నేను మొదట తెలుగులోనే సినిమా చేశాను.. 50 ఏళ్ల హాట్ హీరోయిన్ శిల్పా శెట్టి కామెంట్స్

చాలా కాలం గ్యాప్ తర్వాత

ఇప్పుడు చాలా కాలం గ్యాప్ తర్వాత సౌత్ సినిమాలో నటిస్తోంది శిల్పా శెట్టి. కన్నడ, తెలుగు, హిందీ భాషల్లో తెరకెక్కుతోన్న సినిమా కేడీ ది డెవిల్. కన్నడ ప్రిన్స్ ధృవ సర్జా హీరోగా తెరకెక్కన కేడీ ది డెవిల్ టీజర్ రిలీజ్ ఇటీవల జరిగింది. ఈ టీజర్ లాంచ్ ఈవెంట్‌లో బాలీవుడ్ సీనియర్ హీరోయిన్ శిల్పా శెట్టి ఇంట్రెస్టింగ్ కామెంట్స్ చేసింది.

సాహసవీరుడు సాగర కన్య మూవీ

కేడీ ది డెవిల్ టీజర్ లాంచ్ ఈవెంట్‌లో శిల్పా శెట్టి మాట్లాడుతూ .. "హిందీలో కాకుండా నేను మొదటగా తెలుగులో సినిమాను చేశాను. సాహసవీరుడు సాగర కన్య అని సినిమాను చేశాను. నా సినీ కెరీర్ మొదలైంది తెలుగులోనే. అప్పటి నుంచి ఇప్పటి వరకు తెలుగు వారు నాపై అదే ప్రేమను చూపిస్తున్నారు" అని చెప్పింది.

సంజయ్ దత్ గారితో

"కేడీ ది డెవిల్ సినిమాలో సత్యవతి పాత్రను నాకు ఇచ్చిన డైరెక్టర్ ప్రేమ్ గారికి థాంక్స్. కేవీఎన్ వెంకట్ గారికి సినిమా పట్ల చాలా ప్యాషన్ ఉంది. ధృవ, రీష్మాలతో పని చేయడం సంతోషంగా ఉంది. సంజయ్ దత్ గారితో నేను చేసిన ప్రతీ సినిమా హిట్ అయింది. అదే ట్రెండ్ ఇప్పుడు కంటిన్యూ అవుతుందని భావిస్తున్నాను" అని శిల్పా శెట్టి తెలిపింది.

అన్ని కమర్శియల్ అంశాలు

"ఈ కేడీ ది డెవిల్ చిత్రం అందరినీ ఆకట్టుకుంటుందని భావిస్తున్నాను. ఈ చిత్రంలో అన్ని కమర్షియల్ అంశాలున్నాయి. ఈ మూవీని ప్రేమ్ ఎంతో ప్రేమతో తెరకెక్కించారు" అని చెప్పుకొచ్చింది హాట్ బ్యూటి శిల్పా శెట్టి.

యూట్యూబ్‌లో ట్రెండ్

ఇదే ఈవెంట్‌లో కేవీఎన్ ప్రొడక్షన్ బిజినెస్ హెడ్ సుప్రిత్ మాట్లాడుతూ .. "ముంబైలో కేడీ ది డెవిల్ టీజర్‌కు మంచి రెస్పాన్స్ వచ్చింది. ప్రస్తుతం యూట్యూబ్‌లో ట్రెండ్ అవుతోంది. ఇంత మంచి మాస్ టీజర్‌ను ఇచ్చిన ప్రేమ్ గారికి థాంక్స్" అని అన్నారు.

చాలా తక్కువ

"రేపు కొచ్చి, బెంగళూరు, చెన్నైలో ఈవెంట్లు ప్లాన్ చేశాం. ఎంతో బిజీగా ఉన్నా కూడా మాతో పాటుగా వస్తున్న సంజయ్ దత్ గారికి థాంక్స్. టీజర్‌లో ధృవ సర్‌ చేసింది చాలా తక్కువ. తెరపై ఆయన అదరగొట్టేస్తారు. మాకు ఈ అవకాశం ఇచ్చిన మా నిర్మాత వెంకట్ గారికి థాంక్స్" అని సుప్రిత్ చెప్పుకొచ్చారు.