బ్రహ్మముడి జులై 14 ఎపిసోడ్: రాజ్ శీనుకు గొడవ- మనవరాలి ఇంటికి ఇందిరాదేవి- కూతురు కొడుకును కలిసిన అపర్ణ-మనవడితో అమ్మమ్మ ఆట

బ్రహ్మముడి సీరియల్ జులై 14 ఎపిసోడ్‌లో అప్పును ఇరికించిన శీను కోసం రాజ్, కావ్య వెళ్తుండగా అతనితోనే యాక్సిడెంట్ అవుతుంది. దాంతో శీనుతో రాజ్ గొడవ పడతాడు. రేవతి వాళ్ల బంధువులు అని తెలిసి శీను వెళ్లిపోతాడు. కూతురు కొడుకు స్వరాజ్‌ను కలుస్తుంది అపర్ణ. మనవడిని గారాబం చేస్తూ ఆడుతుంది అమ్మమ్మ.

బ్రహ్మముడి సీరియల్‌ ఈరోజు ఎపిసోడ్‌‌లో ఇంట్లో అత్తారింటికి దారేది సినిమా సీన్‌లోలాగా రుద్రాణి, రాహుల్ ఎలాంటి పాత్రలు చేసినా ఏదో ఒక కారణం చెప్పి వాళ్లను కొడతారు. తర్వాత రాహుల్, రుద్రాణి కానిస్టేబుల్ వేషం వేస్తారు. అయినా కూడా ఇంట్లోవాళ్లు కొడతారు. ఆంటీ ఎలా ఉందని రాజ్ అంటాడు.

బ్రహ్మముడి సీరియల్‌ జూలై 14 ఎపిసోడ్

డల్‌గా అప్పు

నిజం తెలుసుకోడానికి ప్రయత్నించమంటే మమ్మల్ని ఇంతలా బలి చేయాలా అని పారిపోతారు రాహుల్, రుద్రాణి. అప్పు డల్‌గా ఉండటం చూసి ఓదార్చుతారు. శీను గాడి అడ్రస్‌ను రాజ్ అడిగితే రెహమత్ నగర్ అని అప్పు చెబుతుంది. దాంతో రేవతి అక్కవాళ్లు అక్కడే ఉంటారుగా. వాడి గురించి అడిగితే తెలుస్తుందిగా అని రాజ్ అంటాడు.

దాంతో రాజ్, కావ్య శీనును వెతకడానికి వెళ్తారు. మరోవైపు ఒళ్లు నొప్పులతా బాధపడుతారు రుద్రాణి, రాహుల్. నిన్ను చంపేయాలని ఉంది మామ్. తగుదునమ్మా అని వెళ్లి తన్నించుకునేలా చేశావ్ అని రాహుల్ అంటాడు. వాళ్లను కచ్చితంగా దెబ్బ కొడతాను చూడు. దెబ్బకు దెబ్బ అంటే ఏంటో చూపిస్తా అని రుద్రాణి అంటుంది. యామినికి కాల్ చేసి శీను కోసం కావ్య, రాజ్ వెళ్లారని రుద్రాణి చెబుతుంది.

ఆ శీను గాడు దొరికితే నువ్వు జైలుకు వెళ్తావ్. వాళ్లకు వాడు దొరకకూడదు అని రుద్రాణి చెబుతుంది. దాంతో టెన్షన్ పడిన యామిని శీనుకు కాల్ చేసి అప్పుకు శిక్ష పడేంతవరకు నా మనిషి రంగా దగ్గర ఉండమని యామిని చెబుతుంది. దాంతో సరే అని శీను కాల్ కట్ చేసేసరికి వెనుకే రేవతి అంటుంది. దాంతో శీను కంగారుపడిపోతాడు. అమ్మ ఎక్కడికి వెళ్లిందని రేవతి అడిగితే మార్కెట్‌కు అని చెప్పి వెళ్లిపోతాడు శీను.

భయపడిన ఇందిరాదేవి

మరోవైపు ఎవరికి కనిపించకుండా ఇందిరాదేవి బయటకు వెళ్లేందుకు ప్రయత్నిస్తుంటే స్వప్న అడుగుతుంది. ఇంతలో అపర్ణ వచ్చి అడుగుతుంది. అబ్బా ఎవరి కంట్లో పడకూడదు అనుకున్నానో దానికంట్లోనే పడ్డాను అని భయపడుతుంది ఇందిరాదేవి. నేను బయటకు వెళ్తున్నాను కలిసి కారులో వెళ్దామని అపర్ణ అంటే.. ఇందిరాదేవి కోప్పడుతుంది.

నీ దారి నా దారి నాది అని ఇందిరాదేవి వెళ్లిపోతుంది. ఎప్పుడు లేనిది కొత్తగా బిహేవ్ చేస్తుందని అపర్ణ అంటుంది. కారులో వెళ్తూ ఆ శీను గాడిని అడ్డంపెట్టుకుని అప్పును కావాలనే ఎవరో ఇరికించారు. అది కూడా మీకు బాగా తెలిసినవాళ్లే అనుకుంటా. అప్పు మీద పగ తీర్చుకోడానికి ఎవరైనా శత్రువులెవరైనా ఉన్నారా అని రాజ్ అంటే అది నాకు ఎలా తెలుస్తుందని కావ్య అంటుంది.

ఇంతలో శీను ఎదురుగా బైక్ మీద వస్తాడు. దాంతో యాక్సిడెంట్ అవుతుంది. శీను, రాజ్ ఇద్దరు గొడవపడతారు. తర్వాత సర్ మీరు మా రేవతి అక్క ఇంటికి వచ్చినవాళ్లు కదా అని సారీ సర్ మీరు అని తెలియక వాగాను. అక్కకు తెలిస్తే నన్ను చంపేస్తుంది. నాదే రాంగ్ రూట్. నాదే తప్పు అని భయపడి వెళ్లిపోతాడు శీను. రాజ్‌కు సర్ది చెప్పి తీసుకెళ్తుంది కావ్య.

ఎన్నోసార్లు అడిగాను

మరోవైపు రేవతి ఇంటికి ఇందిరాదేవి వెళ్తుంది. నానమ్మ అంటూ ఇందిరాదేవిని హత్తుకుంటుంది రేవతి. ఎన్నోసార్లు నీ గురించి మీ అమ్మను అడిగాను. ద్రోహం చేశావని కోపంగా ఉందని ఇందిరాదేవి అంటుంది. నిజమే, మేము చేసింది ద్రోహమే. ఆరోజు నేను ఆ నిర్ణయం తీసుకోకుంటే రేవతి ఆ ఇంట్లో మహారాణిలా ఉండేది అని రేవతి భర్త అంటాడు.

మరోవైపు అపర్ణ కారు డోర్ తీస్తుంటే రేవతి కొడుకు స్వరాజ్‌కు తగిలి కిందపడిపోతాడు. చేతిలో ఐస్‌క్రీమ పడిపోతుంది. అపర్ణ సారీ చెబితే ఐస్‌క్రీమ్ తిరిగి వస్తుందా, ఐస్‌క్రీమ్ కొనివ్వండి అని పిల్లాడు అంటే నీ పేరేంటని అపర్ణ అడుగుతుంది. రాజ్.. స్వరాజ్ అని అపర్ణ మనవడు చెబుతాడు.

అమ్మమ్మగా అపర్ణ

మరోవైపు వాడికి అమ్మమ్మ ఉందని తెలియాలి, వాన్ని గారాబం చేయాలని నానమ్మతో కొడుకు గురించి రేవతి చెబుతుంది. రేవతి చెప్పినట్లుగానే మనవడు స్వరాజ్‌ను అమ్మమ్మ అయిన అపర్ణ గారాబం చేస్తూ ఆడుతుంది. అక్కడితో నేటి బ్రహ్మముడి సీరియల్ ఎపిసోడ్ ముగుస్తుంది.