E-Paper
బ్రహ్మముడి జూన్ 24 ఎపిసోడ్: కథను మలుపు తిప్పిన రుద్రాణి- స్వప్నను కత్తితో పొడిచిన రౌడీ- యామిని ఉచ్చులో కావ్య- అపర్ణ డౌట్
బ్రహ్మముడి సీరియల్ జూన్ 24 ఎపిసోడ్లో కళావతికి లవ్ ప్రపోజ్ చేయమని రాజ్కు యామిని సలహా ఇస్తుంది. కానీ, కావ్యకు కాల్ చేసి హాస్పిటల్కు వెళ్లిన మీ అక్క స్వప్నను నేను పంపిన రౌడీలు కిడ్నాప్ చేస్తారు. పారిపోవాలని చూస్తే చంపేందుకు కూడా వెనుకాడరు అని యామిని చెబుతుంది. దాంతో రాజ్ వచ్చినా కావ్య వెళ్లిపోతుంది.
బ్రహ్మముడి సీరియల్ ఈరోజు ఎపిసోడ్లో రాజ్తో పెళ్లి ఆగిపోవడంతో లోపలికి వెళ్లి డోర్ క్లోజ్ చేసుకుంటుంది యామిని. దాంతో రాజ్ను వైదేహి నిందిస్తూ తిడుతుంది. యామినిని మోసం చేస్తున్నట్లు అనిపించింది. అందుకే పెళ్లి వద్దనుకున్నాను అని రాజ్ అంటాడు. ఇంతలో యామిని డ్రెస్ చేంజ్ చేసుకుని బయటకు వస్తుంది.
పెళ్లి అంటేనే ఇష్టం లేదు
నిజంగానే చనిపోవాలనే అనుకున్నా. కానీ, బావ సైడ్ నుంచి ఆలోచించా. బావకు ఈ పెళ్లి అంటేనే ఇష్టం లేదు. కేవలం నాకు ఏమవుతుందో అనే భయంతోనే పెళ్లి ఒప్పుకున్నాడు. బావ మనసులో ఇంకెవరో ఉన్నారు. నాకు కావాల్సింది నీ జాలి కాదు. నీ ప్రేమ. నీ మనసులో ఇంకొకరు ఉంటే నేనెందుకు పెళ్లి చేసుకుంటా. లైఫ్ లాంగ్ బాధపడటం కంటే దూరమవడమే మంచిది అని యామిని అంటుంది.
నీకు ఎవరు ఇష్టమో వాళ్లనే పెళ్లి చేసుకో అని యామిని అంటుంది. సారీ యామిని ఒక రకంగా అంతమంది ముందు అవమానించాను అని రాజ్ అంటాడు. సరే నీ మనసులో ఉంది ఎవరు బావ అని యామిని అడిగితే.. కళావతి అని రాజ్ చెబుతాడు. నీకు మంచి జోడీ అని కొత్త డ్రామా ఆడుతుంది యామిని. వెంటనే వెళ్లి కావ్యకు ప్రేమ విషయం చెప్పి పెళ్లి చేసుకుంటా అని ప్రపోజ్ చేయి అని యామిని అంటుంది.
థ్యాంక్యూ యామిని అని రాజ్ వెళ్లిపోతాడు. నువ్ నిజంగానే బాగున్నావా. సడెన్గా ఇలా మాట్లాడుతున్నావేంటీ అని వేదేహి అడుగుతుంది. ఇప్పుడు కూడా చెబుతున్నా. నేను లైఫ్లాంగ్ రాజ్తోనే బతుకుతా అని యామిని అంటుంది. నీకు నిజంగా పిచ్చి పట్టినట్లు ఉందని రఘురాం అంటాడు. రాజ్ నో చెప్పగానే చనిపోవాలనుకున్నా. స్లీపింగ్ పిల్స్ వేసుకుందామని తీసుకున్నా అని రుద్రాణి కాల్ చేసింది చెబుతుంది యామిని.
ఆలోచించు అన్న రుద్రాణి
ఇప్పుడు నువ్ చస్తే కావ్య, రాజ్ సంతోషంగా బతుకుతారు. నీ చావు వల్ల ప్రయోజనం ఏంటీ. కావ్య ఒప్పుకుంటుందనే ఇలా చేశాడు. అదే కావ్య రెజెక్ట్ చేస్తే. కావ్య జన్మలో దగ్గరయ్యే అవకాశం లేకుంటే నీ దగ్గరికి వస్తాడు. ఇప్పుడు నువ్ చేయాల్సింది రాజ్ను కావ్య నుంచి దూరం ఎలా చేయాలో ఆలోచించు అని రుద్రాణి చెబుతుంది. రుద్రాణి సలహా ఇచ్చి యామిని సూసైడ్ చేసుకోకుండా ఆపి కథను మలుపు తిప్పుతుంది.
ఇకనుంచి కావ్యకు కౌంట్ డౌన్ మొదలైంది. రాజ్ నుంచి కావ్య పారిపోయేలా చేస్తాను అని యామిని అంటుంది. మరోవైపు స్వప్న రెడీ అవుతుంటే ఎక్కడికి అని రాహుల్ అడుగుతాడు. ఫంక్షన్కు వెళ్తే ఏదైనా కొట్టేస్తావా అని స్వప్న అంటుంది. ఒక్కసారి కొట్టేస్తే ఫుల్ టైమ్ దొంగను చేయాలా అని రాహుల్ అంటాడు. హో నువ్ పార్ట్ టైమ్ దొంగవా అని స్వప్న సెటైర్ వేస్తుంది.
హాస్పిటల్కు వెళ్దాం పదా అని రాహుల్ను అంటుంది స్వప్న. ఇప్పుడెందుకు నీకు ఏమైనా ప్రాబ్లమా అని రాహుల్ అంటాడు. హాస్పిటల్లో చిన్న పిల్లలకు పోలియో డ్రాప్స్ వేస్తున్నారు. పదా అని స్వప్వ అంటుంది. అది విన్న రుద్రాణి రాహుల్ రాడు. నాకు వాడితో పని ఉంది. కావాలంటే ఆగి సాయంత్రం వరకు ఆగు అని రుద్రాణి అంటుంది. తాడు బొంగరం లేనిదానివి నీకేం తెలుస్తుందిలే అని స్వప్న ఒక్కత్తే హాస్పిటల్కు వెళ్తుంది.
యామిని ఉచ్చులో పడకుండా
స్వప్నతో నువ్వు వెళ్తే ఆ యామిని పన్నని ఉచ్చులో నువ్వు చిక్కుకుంటావని నిన్ను వద్దన్నానురా అని రుద్రాణి అనుకుంటుంది. మరోవైపు కావ్యకు యామిని కాల్ చేస్తుంది. రాజ్ విషయంలో నువ్వే గెలిచావ్. కానీ, ఇకనుంచి నేనే గెలుస్తాను. రాజ్ నిన్ను ఇష్టపడుతున్నాడట. నీకు లవ్ ప్రపోజ్ చేయడానికి వస్తున్నాడు. కానీ, నువ్ రెజెక్ట్ చేయాలి. రాజ్ ఐ లవ్యూ చెప్పగానే నీకు ఆ ఫీలింగ్స్ లేవని రాజ్ ప్రేమను చంపేయాలి అని యామిని అంటుంది.
పీటల మీద పెళ్లి ఆగిపోతే మారుతావనుకున్నా. కానీ, కుక్క తోక వంకరలా చేస్తున్నావ్ అని కావ్య అంటుంది. నా ప్లాన్లో నేను ఉన్నాను. హాస్పిటల్కు వెళ్లిన మీ అక్క స్వప్నను నా మనుషులు కిడ్నాప్ చేస్తారు. ఒకవేళ నువ్వు వెళ్లడం లేట్ అయితే చంపినా చంపేస్తారు. రాజ్ ఇప్పుడు వస్తే లవ్ రెజెక్ట్ చేయాలి అని యామిని అంటుంది. దాంతో కావ్య కంగారుపడుతుంది.
స్వప్నను పొడిచిన రౌడీ
రాజ్ ఇంటికి వస్తే కావ్య అర్జంట్ వర్క్ ఉందని స్వప్నను వెతకడానికి వెళ్తుంది. స్వప్నను రౌడీ కత్తితో పొడిచి చంపినట్లు చూపిస్తారు. స్వప్న పేరు చెప్పి కావ్య తన ఉచ్చులో పడేస్తుంది యామిని. మరోవైపు యామినినే తనను పంపిందని రాజ్ చెబితే.. యామినిపై అపర్ణ డౌట్ పడుతుంది.అక్కడితో నేటి బ్రహ్మముడి సీరియల్ ఎపిసోడ్ ముగుస్తుంది.
