ఓటీటీలో దూసుకుపోతున్న తెలుగు క్రైమ్ కామెడీ థ్రిల్లర్- 120 మిలియన్ల స్ట్రీమింగ్ మినిట్స్ దాటి నయా రికార్డ్- 7.6 రేటింగ్!

ఓటీటీలో తెలుగు క్రైమ్ కామెడీ థ్రిల్లర్ మూవీ చౌర్య పాఠం దూసుకుపోతోంది. ఏకంగా 120 మిలియన్ల స్ట్రీమింగ్ మినిట్స్‌ను దాటేసి కొత్త రికార్డ్ క్రియేట్ చేసింది. బ్యాంకు చోరీ చేసే చిన్న ముఠా నేపథ్యంలో వచ్చిందీ సినిమా. అలాగే, 7.6 ఐఎమ్‌డీబీ రేటింగ్ సాధించుకున్న చౌర్య పాఠం ఓటీటీ స్ట్రీమింగ్‌పై లుక్కేద్దాం.

ఓటీటీలో ఎన్నో సినిమాలు డిజిటల్ స్ట్రీమింగ్ అవుతుంటాయి. అయితే, వాటిలో కొన్ని మూవీస్ మాత్రమే ఓటీటీ ఆడియెన్స్ ఆదరణ పొందుతాయి. అలాగే, కంటెంట్ ఉండి కూడా థియేటర్లలో అంతగా గుర్తింపు తెచ్చుకోలేని సినిమాలు ఓటీటీలో దుమ్ముదులుపుతుంటాయి.

ఓటీటీలో దూసుకుపోతున్న తెలుగు క్రైమ్ కామెడీ థ్రిల్లర్- 120 మిలియన్ల స్ట్రీమింగ్ మినిట్స్ దాటి నయా రికార్డ్- 7.6 రేటింగ్!

నలుగురు క్రిమినల్స్

అలాంటి సినిమానే చౌర్య పాఠం. తెలుగులో క్రైమ్ కామెడీ థ్రిల్లర్ మూవీగా వచ్చిన చౌర్య పాఠం ఓటీటీలో దూసుకుపోతోంది. నలుగురు క్రిమినల్స్ ప్రశాంతమైన గ్రామంలో బ్యాంక్ దొంగతనం చేయడానికి ప్రయత్నిస్తే ఎలా ఉంటుందనే కాన్సెప్ట్‌తో తెరకెక్కింది ఈ సినిమా.

ఈ విలేజ్‌లో బ్యాంక్ రాబరీ చేయడానికి ఈ చిన్న ముఠా చేసే ప్రయత్నాలు, ఎదురయ్యే సమస్యలు కామెడీతో ఎంటర్‌టైనింగ్ అండ్ థ్రిల్లింగ్‌గా చూపించారు. ఈ ఏడాది ఏప్రిల్ 25న థియేటర్లలో విడుదలైన చౌర్య పాఠంపై పాజిటివ్ రెస్పాన్స్ వచ్చినప్పటికీ పెద్దగా ఆశించిన ఫలితం అందుకోలేకపోయింది.

అమెజాన్ ప్రైమ్ ఓటీటీలో

ఆ తర్వాత చౌర్య పాఠం ఓటీటీ రిలీజ్ అయి సత్తా చాటింది. అమెజాన్ ప్రైమ్‌లో చౌర్య పాఠం ఓటీటీ స్ట్రీమింగ్ అవుతోంది. తాజాగా ప్రైమ్ వీడియోలో చౌర్య పాఠం సరికొత్త సంచలన రికార్డ్ క్రియేట్ చేసింది. అమెజాన్ ప్రైమ్ ఓటీటీలో చౌర్య పాఠం ఏకంగా 120 మిలియన్ స్ట్రీమింగ్ మినట్స్ మైలురాయిని దాటేసింది.

డిజిటల్ వరల్డ్‌లో తనదైన ముద్ర వేసుకుని ఓటీటీలో చౌర్య పాఠం సత్తా చాటుతోంది. థియేటర్లలో సైలెంట్‌గా వచ్చిన ఈ సినిమా ఓటీటీలో టాప్ ట్రెండింగ్‌లో దూసుకుపోతుంది. ఇక ఐఎమ్డీబీ సంస్థ నుంచి పదికి 7.9 రేటింగ్ సొంతం చేసుకుంది చౌర్య పాఠం.

కథతోనే

చౌర్య పాఠంలో ఇంద్ర రామ్, పాయల్ రాధాకృష్ణ, మస్తీ అలీ, సుప్రియ ఐసోల, రాజీవ్ కనకాల తదితరులు నటించారు. స్టార్ల హంగామా, భారీ సెట్టింగుల ఆర్భాటం లేకుండా ఈ సినిమా కథతోనే ఆడియన్స్‌ను కట్టిపడేసింది. కొత్త దర్శకుడు నిఖిల్ గొల్లమారి టేకింగ్ బాగుండటంతో సినిమాపై ఆకట్టుకుంటోంది.

కథలోని నిజాయితీ, నటీనటుల అద్భుతమైన సహజ నటన అలరిస్తోంది. ఈ చిత్రంలో వేదాంత్ రామ్ పాత్రలో కనిపించిన ఇంద్ర రామ్, తొలి సినిమా అయినా బాగా నటించి మెప్పించాడు. చౌర్య పాఠం మూవీలో తన మొదటి సినిమాను నిర్మించాలనే తీవ్రమైన ఆకాంక్షతో, నిధుల కోసం ధనపల్లి అనే గ్రామంలోని బ్యాంకును దోచుకోవడానికి ఒక చిన్న ముఠాతో కలిసి పథకం వేసే దర్శకుడిగా అతడి నటన ఆకట్టుకుంటుంది.

వివిధ భాషల్లో

దొంగతనం చుట్టూ తిరిగే కథే అయినా నిజాయితీ, ధైర్యం, మానవ సంబంధాలలోని సున్నితమైన అంశాలను టచ్ చేస్తూ, ప్రతి ఒక్కరి గుండెను తట్టేలా ఉంది. నక్కిన నరేటివ్స్ బ్యానర్‌పై డైరెక్టర్ త్రినాధరావు నక్కిన, వి. చూడామణి ఈ సినిమాను నిర్మించారు. తెలుగుతో పాటు తమిళ, హిందీ, కన్నడ, మలయాళ వంటి ఐదు భాషల్లోనూ అమెజాన్ ప్రైమ్‌లో చౌర్య పాఠం ఓటీటీ స్ట్రీమింగ్ అవుతోంది.