ఇద్దరు హీరోయిన్లతో రాజు గాని సవాల్ ట్రైలర్ రిలీజ్.. డింపుల్ హయాతి, రాశి సింగ్ ఏం చెప్పారంటే?

తెలుగులో ఫ్యామిలీ డ్రామా చిత్రంగా వస్తోన్న సినిమా రాజు గాని సవాల్. లెలిజాల రవీందర్, రితికా చక్రవర్తి హీరో హీరోయిన్లుగా నటించిన రాజు గాని సవాల్ ట్రైలర్‌ను శుక్రవారం (జులై 18) ఇద్దరు బ్యూటిఫుల్ హీరోయిన్స్ డింపుల్ హయాతి, రాశి సింగ్ విడుదల చేశారు. ఈ సందర్భంగా డింపుల్ హయాతి, రాశి సింగ్ కామెంట్స్ చూద్దాం.

లెలిజాల రవీందర్, రితికా చక్రవర్తి హీరో హీరోయిన్‌లుగా నటిస్తున్న సినిమా "రాజు గాని సవాల్". ఈ చిత్రాన్ని లెలిజాల కమల ప్రజాపతి సమర్పణలో, ఎల్‌ఆర్ ప్రొడక్షన్ బ్యానర్‌పై లెలిజాల రవీందర్ నిర్మిస్తూ దర్శకత్వం వహిస్తున్నారు.

ఇద్దరు హీరోయిన్లతో రాజు గాని సవాల్ ట్రైలర్ రిలీజ్.. డింపుల్ హయాతి, రాశి సింగ్ ఏం చెప్పారంటే?

రాజు గాని సవాల్ రిలీజ్ డేట్

రాజు గాని సవాల్ సినిమా రక్షా బంధన్పండుగ సందర్భంగా ఆగస్టు 8న శ్రీ లక్ష్మి పిక్చర్స్ ద్వారా గ్రాండ్ థియేట్రికల్ రిలీజ్‌కు రెడీ అవుతోంది. శుక్రవారం "రాజు గాని సవాల్" సినిమా ట్రైలర్ రిలీజ్ ఈవెంట్ హైదరాబాద్‌లో ఘనంగా జరిగింది.

ఈ కార్యక్రమంలో టాలీవుడ్ బ్యూటిఫుల్ హీరోయిన్స్ డింపుల్ హయాతి, రాశి సింగ్‌తోపాటు తెలుగు ఫిలిం ఛాంబర్ అధ్యక్షులు భారత్ భూషణ్, ప్రొడ్యూసర్స్ దామోదర ప్రసాద్, తుమ్మలపల్లి రామ సత్య నారాయణ, ప్రసన్నకుమార్, గీత రచయిత గోరటి వెంకన్న, నటుడు డా. భద్రం ముఖ్య అతిథులుగా పాల్గొన్నారు.

హీరోయిన్స్ కామెంట్స్

రాజు గాని సవాల్ ట్రైలర్‌ను హీరోయిన్స్ డింపుల్ హయాతి, రాశి సింగ్ రిలీజ్ చేశారు. ఈ సందర్భంగా డింపుల్ హయాతి, రాశి సింగ్ ఇంట్రెస్టింగ్ కామెంట్స్ చేశారు. ఆ విశేషాలు చూద్దాం.

హీరోయిన్ డింపుల్ హయాతి మాట్లాడుతూ.. "రాజు గాని సవాల్ మూవీ ట్రైలర్ లాంఛ్ ఈవెంట్‌కు గెస్ట్‌గా రావడం హ్యాపీగా ఉంది. ఈ మూవీ ట్రైలర్, సాంగ్స్ చాలా బాగున్నాయి. నేను కెరీర్ ప్రారంభించిన కొత్తలో కలిసిన, సినిమా మీద ప్రేమ ఉన్న ముగ్గురు వ్యక్తులు బాపిరాజు గారు, సునీల్ కుమార్ రెడ్డి గారు, రవీందర్ రెడ్డి గారు" అని అన్నారు.

మొదటి అవకాశం ఇచ్చారు

"ఈ అమ్మాయి బాగుంటుందని నాకు మొదటి సినిమా అవకాశం ఇచ్చారు ఈ ముగ్గురు. రాజు గాని సవాల్ మూవీ ట్రైలర్ లాంఛ్ ఈవెంట్‌కు మీరు వస్తారా అని బాపిరాజు గారు అడిగినప్పుడు తప్పకుండా వస్తా సార్ అని చెప్పాను" అని డింపుల్ హయాతి తెలిపింది.

"బాపిరాజు గారు సినిమాను సినిమాను రూపొందించడమే కాదు ప్రేక్షకుల దగ్గరకు రీచ్ అయ్యేలా చేస్తారు. రాజు గాని సవాల్ సినిమా సినిమా టీమ్ అందరికీ ఆల్ ది బెస్ట్ చెబుతున్నా. ఈ మూవీ రిలీజ్ కోసం నేనూ ఎదురుచూస్తున్నా" అని డింపుల్ హయాతి చెప్పుకొచ్చింది.

నమ్మకాన్ని నిలబెట్టాలి

హీరోయిన్ రాశీ సింగ్ మాట్లాడుతూ.. "ఈ ఈవెంట్‌కు వచ్చే ముందే రాజు గాని సవాల్ సినిమా ట్రైలర్ చూశాను. చాలా బాగుంది. ఇదొక ఎమోషనల్ ఫ్యామిలీ డ్రామా మూవీ. హీరో రవీందర్ గారితో పాటు రితిక, సంధ్య బాగా నటించారు" అని తెలిపింది.

"ట్రైలర్‌కు మంచి రెస్పాన్స్ వస్తున్న సందర్భంగా టీమ్ అందరికీ కంగ్రాట్స్ చెబుతున్నా. బాపిరాజు గారి నమ్మకాన్ని ఈ మూవీ నిలబెట్టాలి. రాజు గాని సవాల్ సినిమా ఘన విజయాన్ని సాధిస్తుందని ఆశిస్తున్నా" అని రాశి సింగ్ చెప్పింది.