దర్శకుడి కల నెరవేరినట్టయింది.. అల్లు అర్జున్ మూవీలో దీపికా పదుకొణెపై డైరెక్టర్ అట్లీ కామెంట్స్

అల్లు అర్జున్-అట్లీ మూవీ ఏఏ22ఏ6 మూవీలో హీరోయిన్‌గా దీపికా పదుకొణెను అధికారికంగా తాజాగా ఇవాళ (జూన్ 7) ప్రకటించారు. ఓ వీడియో విడుదల చేస్తూ దీపికా పదుకొణె పాత్ర ఏంటో చెప్పారు. ఈ సందర్భంగా అల్లు అర్జున్ సినిమాలో హీరోయిన్‌గా దీపికా పదుకొణె చేయడంపై డైరెక్టర్ అట్లీ ఇంట్రెస్టింగ్ కామెంట్స్ చేశాడు.

ఐకాన్ స్టార్ అల్లు అర్జున్, సెన్సేషనల్ డైరెక్టర్ అట్లీ కాంబినేషన్‌లో వస్తోన్న సినిమా ఏఏ22ఏ6. ఎంటర్‌టైన్‌మెంట్ రంగంలో దిగ్గజ సంస్థ కళానిధి మారన్‌కు చెందిన సన్ పిక్చర్స్ ఈ పాన్ ఇండియా సినిమాను భారీ బడ్జెట్‌తో రూపొందిస్తోంది. అనౌన్స్‌మెంట్ నుంచే సినిమాపై ఆకాశాన్నంటేలా అంచనాలు ఏర్పడ్డాయి.

దర్శకుడి కల నెరవేరినట్టయింది.. అల్లు అర్జున్ మూవీలో దీపికా పదుకొణెపై డైరెక్టర్ అట్లీ కామెంట్స్

బాలీవుడ్ గ్లామరస్ క్వీన్

దీన్ని నెక్ట్స్ లెవల్‌కు తీసుకెళ్లేలా బాలీవుడ్ గ్లామరస్ క్వీన్ దీపికా పదుకొణె కూడా ఈ టీమ్‌తో జాయిన్ కావటం విశేషంగా మారింది. పాన్ ఇండియా లెవల్‌లో బిగ్గెస్ట్ బడ్జెట్ విజువల్ వండర్ మూవీగా తెరకెక్కబోతున్న ఈ చిత్రం అద్భుతమైన తారాగణంతో ప్రభంజనం సృష్టించబోతోంది.

మెస్మరైజ్ చేస్తున్న దీపికా గ్లింప్స్

ఈ భారీ కాంబోను తెలియజేసేలా విడుదల చేసిన దీపికా పదుకొణె ఫస్ట్ గ్లింప్స్ వీడియో అభిమానులను, ప్రేక్షకులను మెస్మరైజ్ చేస్తోంది. డైరెక్టర్ అట్లీతో దీపికా పదుకొణె మాట్లాడే సన్నివేశాలతో ప్రారంభమైన ఈ వీడియో ఆమె శక్తివంతమైన పాత్రలోకి మారుతున్న విధానాన్ని చూపించిన తీరు అందరిలో ఉత్కంఠతను రేపుతోంది.

హెడ్ గేర్ ధరించి

హెడ్‌ గేర్‌ను ధరించి దీపికా పదుకొణె ఫుల్ కాస్ట్యూమ్స్‌తో సెట్లోకి అడుగు పెడుతూ యుద్ధానికి సిద్ధమైంది. ఈ సినిమా నుంచి దీపికా పదుకొణె ఫస్ట్ గ్లింప్స్ వీడియో రిలీజ్ సందర్భంగా హీరోయిన్‌పై డైరెక్టర్ అట్లీ ఇంట్రెస్టింగ్ కామెంట్స్ చేశాడు. అల్లు అర్జున్ సినిమాలో దీపికా పదుకొణె హీరోయిన్‌గా చేయడంపై ఇలా రియాక్ట్ అయ్యాడు.

తనవైపుకు తిప్పుకునేలా

"జవాన్ సినిమాలో దీపిక మేడమ్‌తో కలిసి పని చేశాను. అదొక అద్భుతమైన అనుభవం. ఆమె నటనకు సంబంధించిన పరిధి, శక్తి, ప్రతి ఫ్రేమ్‌లో ఆమె అందరినీ తనవైపు తిప్పుకునేలా చేసిన గ్రేస్ గొప్పగా ఉంటాయి" అని దర్శకుడు అట్లీ తెలిపాడు.

గొప్ప సినిమాటిక్ ఎక్స్‌పీరియెన్స్

"షారుక్ ఖాన్నటించిన జవాన్ సినిమాలో దీపికా పదుకొణె పాత్ర ఎంత కీలకంగా ఉండి ముందుకు నడిపించిందో మనకు తెలుసు. ఇప్పుడు అల్లు అర్జున్ గారితో పాటు దీపికా పదుకొణె గారు కలిసి సినిమా చేయటం అనేది దర్శకుడి (అట్లీ కుమార్) కల నేరవేరినట్లయింది. మరచిపోలేని ఓ గొప్ప సినిమాటిక్ ఎక్స్‌పీరియెన్స్‌ ఇందులో సృష్టించబోతున్నాం" అని డైరెక్టర్ అట్లీ చెప్పుకొచ్చాడు.

అందరి హృదయాల్లో

ఇదిలా ఉంటే, అల్లు అర్జున్‌తో దీపికా పదుకొణె జోడీ కడుతుండటం, అట్లీ డైరెక్షన్, సన్ పిక్చర్స్ గ్రాండ్ విజన్‌తో రూపొందుతున్న ఈ సినిమా ఇప్పటికే ఉన్న హద్దులను చెరిపేసి, సిల్వర్ స్క్రీన్‌పై మరచిపోలేని సరికొత్త శక్తితో, అందరి హృదయాల్లో నిలిచిపోయే లెగసీని క్రియేట్ చేస్తుందని అభిమానులు, మేకర్స్ ఆశాభావం వ్యక్తం చేస్తున్నారు.