మొగలి రేకులు సీరియల్తో విపరీతమైన పాపులారిటీ తెచ్చుకున్న ఆర్కే సాగర్ చాలా కాలం గ్యాప్ తర్వాత సినిమాల్లో హీరోగా ఎంట్రీ ఇచ్చారు. ఆర్కే సాగర్ హీరోగా నటించిన క్రైమ్ థ్రిల్లర్ మూవీ ది 100. ఓ బాధ్యతాయుతమైన పోలీస్ డ్రామాగా ది 100 సినిమాను తెరకెక్కించి తన మొదటి చిత్రంతోనే దర్శకుడిగా ప్రేక్షకుల మన్ననలు పొందారు డైరెక్టర్ రాఘవ్ ఓంకార్ శశిధర్.
ది 100 మూవీ రెస్పాన్స్
జూలై 11న థియేటర్లలో విడుదలైన ఈ క్రైమ్ యాక్షన్ థ్రిల్లర్ ది 100 మూవీకి వస్తున్న ఆదరణపై డైరెక్టర్ రాఘవ్ సంతోషం వ్యక్తం చేశారు. ఈ సందర్భంగా దర్శకుడు రాఘవ్ ఓంకార్ శశిధర్ తన మనసులోని భావాలను పంచుకున్నారు.
నీతితో కూడిన కథ
ది 100 డైరెక్టర్ రాఘవ్ ఓంకార్ శశిధర్ మాట్లాడుతూ.. "ఈ సినిమా కేవలం పోలీస్ కథ మాత్రమే కాదు. భావోద్వేగం, బాధ్యత, నీతితో కూడిన కథ. ఇందులో నిజాయితీ గల పోలీస్ అధికారి బాధ్యత, బాధ, న్యాయం కోసం పోరాటం చేసే విధానాన్ని చూపించాం" అని అన్నారు.
మంచి అప్లాజ్ వస్తోంది
"థియేటర్లలో సినిమాను చూసి, మమ్మల్ని ఆదరించిన ప్రేక్షకులకు, మాకు సపోర్ట్గా నిలిచిన మీడియాకు ధన్యవాదాలు. ముఖ్యంగా మహిళా ప్రేక్షకులు ఈ చిత్రంలోని ఎమోషన్స్కు బాగా కనెక్ట్ అవడం చాలా సంతోషాన్ని ఇచ్చింది. ఆర్కే సాగర్ పోషించిన ఐపీఎస్ ఆఫీసర్ విక్రాంత్ క్యారెక్టర్కు మంచి అప్లాజ్ వస్తుంది. మిషా నారంగ్, ధన్య బాలకృష్ణ పాత్రలకు కూడా మంచి గుర్తింపు వచ్చింది" అని దర్శకుడు రాఘవ్ ఓంకార్ తెలిపారు.
నాగబాబు, పవన్ కల్యాణ్ ప్రశంసించడం
"ఈ చిత్రానికి మాజీ ఉపరాష్ట్రపతి వెంకయ్య నాయుడు గారు, తెలంగాణ ముఖ్యమంత్రి రేవంత్ రెడ్డి గారు, ఆంధ్రప్రదేశ్ డిప్యూటీ సీఎం పవన్ కల్యాణ్ గారు, నాగబాబు గారు, అంజనా దేవి గారు, ఐపీఎస్ అధికారి వీసీ సజ్జనార్ వంటి ప్రముఖుల నుంచి ప్రశంసలు రావడం మరింత ఆనందాన్ని ఇచ్చింది" అని డైరెక్టర్ రాఘవ్ ఓంకార్ శశిధర్ పేర్కొన్నారు.
ఇంత ప్రోత్సాహం ఇచ్చినందుకు
"నా తొలి చిత్రానికి ఇంత ప్రోత్సాహం వచ్చినందుకు కృతజ్ఞుడిని. ఈ జర్నీలో నాకు సపోర్ట్గా నిలిచిన నిర్మాతలు రమేష్ కరుటూరి, వెంకీ పూషడపు, జే తారక్ రామ్, హీరో ఆర్కే సాగర్లకు ధన్యవాదాలు. ఈ విజయం కేవలం ఆరంభం మాత్రమే ముందు ముందు మరిన్ని మంచి చిత్రాలతో ప్రేక్షకులకు ముందుకు రావాలనుకుంటున్నాను" అని శశిధర్ వెల్లడించారు.
{{/usCountry}}"నా తొలి చిత్రానికి ఇంత ప్రోత్సాహం వచ్చినందుకు కృతజ్ఞుడిని. ఈ జర్నీలో నాకు సపోర్ట్గా నిలిచిన నిర్మాతలు రమేష్ కరుటూరి, వెంకీ పూషడపు, జే తారక్ రామ్, హీరో ఆర్కే సాగర్లకు ధన్యవాదాలు. ఈ విజయం కేవలం ఆరంభం మాత్రమే ముందు ముందు మరిన్ని మంచి చిత్రాలతో ప్రేక్షకులకు ముందుకు రావాలనుకుంటున్నాను" అని శశిధర్ వెల్లడించారు.
{{/usCountry}}