E-Paper
మోస్ట్ వాంటెడ్ థ్రిల్లర్ ఫ్రాంఛైజీ నుంచి రాబోతున్న మూడో సినిమా.. దృశ్యం 3 షూటింగ్ ఎప్పటి నుంచి అంటే?
ఇండియన్ మూవీస్ లో సూపర్ హిట్ ఫ్రాంఛైజీలు చాలానే ఉన్నాయి. అయితే ఇందులో మలయాళ థ్రిల్లర్ ఫ్రాంఛైజీ దృశ్యం సినిమాలకు సెపరేట్ ఫ్యాన్ బేస్ ఉంది. దృశ్యం ఫ్రాంఛైజీ సినిమాలు థ్రిల్లర్ మూవీస్ కు కేరాఫ్ అడ్రస్ గా నిలిచాయి. ఇప్పుడీ ఫ్రాంఛైజీ నుంచి మూడో సినిమా రాబోతుంది. ఈ ఫిల్మ్ షూటింగ్ పై అప్ డేట్ వచ్చింది.
అత్యంత ఫేమస్ థ్రిల్లర్ ఫ్రాంఛైజీ దృశ్యం నుంచి మరో సినిమా రాబోతోంది. ఫస్ట్ నుంచి లాస్ట్ సీన్ వరకూ క్షణక్షణం ఉత్కంఠ రేపే ఈ ఫ్రాంఛైజీ ఆడియన్స్ కు థ్రిల్ పంచిన సంగతి తెలిసిందే. ఈ ఫ్రాంఛైజీ నుంచి ఇప్పటికే రెండు సినిమాలు వచ్చాయి. దృశ్యం 1, దృశ్యం 2 సినిమాలు బాక్సాఫీస్ దగ్గర బ్లాక్ బస్టర్లుగా నిలిచాయి. ఇప్పుడు ఈ ఫ్రాంఛైజీలో మూడో సినిమాకు రంగం సిద్ధమైంది.
షూటింగ్ కు సై
దృశ్యం 3 మూవీ షూటింగ్ పై క్రేజీ అప్ డేట్ వచ్చింది. ఈ ఏడాది అక్టోబర్ నుంచి షూటింగ్ మొదలెట్టనున్నట్లు మూవీ యూనిట్ ప్రకటించింది. అఫీషియల్ అనౌన్స్ మెంట్ తో పాటు స్పెషల్ వీడియోను కూడా రిలీజ్ చేసింది. ఈ వీడియోలో మోహన్లాల్ ఇంటెన్స్ లుక్ లో కనిపించారు. ‘‘గతమెప్పుడూ సైలెంట్ గా ఉండదు’’ అని పోస్టులో పేర్కొన్నారు.
జీతూ జోసెఫ్ మ్యాజిక్
దృశ్యం ఫ్రాంఛైజీ సినిమాలతో డైరెక్టర్ జీతూ జోసెఫ్ మ్యాజిక్ చేశారు. ఈ ఫ్రాంఛైజీ తొలి రెండు థ్రిల్లర్ సినిమాలు సూపర్ హిట్ గా నిలిచాయి. ఇప్పుడు మూడో సినిమాకు కూడా జీతు జోసెఫ్ డైరెక్షన్ చేయనున్నారు. ఆశీర్వాద్ సినిమాస్ బ్యానర్ పై ఆంటోనీ పెరుంబవూర్ ఈ మూవీని నిర్మించనున్నారు. మరోసారి ఈ కాంబినేషన్ స్క్రీన్ పై మ్యాజిక్ చేసేందుకు రెడీ అవుతోంది.
బ్లాక్ బస్టర్
దృశ్యం 1, దృశ్యం 2 సినిమాలు ఎంతటి ఘన విజయం సాధించాయో తెలిసిందే. ఒరిజినల్ మలయాళ భాషలో మోహన్లాల్, మీనా లీడ్ రోల్స్ ప్లే చేశారు. తెలుగు, హిందీలోనూ ఈ సినిమాలు రీమేక్ చేశారు. తెలుగులో వెంకటేష్, మీనా.. హిందీలో అజయ్ దేవగణ్, శ్రియ నటించారు. ఇప్పుడు హిందీలోనూ అజయ్ దేవగణ్ దృశ్యం 3 సినిమా తీస్తున్నట్లు ప్రకటించారు.
కథ ఏమిటంటే?
ఫ్యామిలీ కోసం పోలీస్ ఉన్నతాధికారిని ఎదురించే ఓ కామన్ మ్యాన్ కథే దృశ్యం. తన కూతురును వేధించే అబ్బాయిని హతమార్చే తండ్రి.. పోలీసులకు దొరకకుండా ఎత్తుల మీద ఎత్తులు వేస్తాడు. తన కొడుకును చంపిన వాళ్లను పట్టుకునేందుకు ఆ పోలీస్ అధికారి ఎంతకైనా తెగిస్తుంది. ఈ నేపథ్యంలో కుటుంబ సభ్యులపై పోలీస్ ఇంటరాగేషన్ తో చేసే హింస, కేసులో దొరక్కుండా తప్పించే తండ్రి.. ఇలా సినిమా అంతా థ్రిల్ గా సాగుతుంది.
