ఘటోత్కచుడుగా కైకాల సత్యనారాయణ సూపర్ హిట్ సాంగ్- అమ్మ ప్రేమ చెప్పే అందాల అపరంజి బొమ్మ సాంగ్ లిరిక్స్- ఎప్పుడైన విన్నారా?

తెలుగు సీనియర్ నటుడు కైకాల సత్యనారాయణ ఎన్నో పౌరాణిక పాత్రలతో మెప్పించారు. ఘటోత్కచుడుగా కైకాల సత్యనారాయణ ప్రధాన పాత్ర పోషించిన సినిమా ఘటోత్కచుడు. ఎస్వీ కృష్ణారెడ్డి దర్శకత్వం, సంగీతం అందించిన ఈ ఘటోత్కచుడు సినిమాలోని అమ్మ ప్రేమ చెప్పే అందాల అపరంజి బొమ్మ సాంగ్ లిరిక్స్ ఇక్కడ చూద్దాం.

Published on: Jul 6, 2025, 10:07:51 IST

By HT Telugu Desk, Chetupelli Sanjiv Kumar, Hyderabad

Prefer HTon Google

Share via

Copy link

తెలుగు లెజండరీ నటుల్లో కైకాల సత్యనారాయణ ఒకరు. పౌరాణిక పాత్రలతో ఆయన ఎంతగానో మెప్పించారు. తెలుగు సినీ ఇండస్ట్రీలో యముడి పాత్రకు కేరాఫ్ అడ్రస్‌గా ఆయన తర్వాతే ఎవరైన అనేంతలా గొప్ప పేరు తెచ్చుకున్నారు. అలాంటి కైకాల సత్యనారాయణ పోషించిన మరో మంచి పౌరాణిక పాత్ర ఘటోత్కచుడు.

ఘటోత్కచుడుగా కైకాల సత్యనారాయణ సూపర్ హిట్ సాంగ్- అమ్మ ప్రేమ చెప్పే అందాల అపరంజి బొమ్మ సాంగ్ లిరిక్స్- ఎప్పుడైన విన్నారా?

కైకాల సత్యనారాయణ ప్రధాన పాత్రలో

ఎస్వీ కృష్ణారెడ్డి దర్శకత్వం వహించిన ఘటోత్కచుడు సినిమాలో కైకాల సత్యనారాయణ టైటిల్ రోల్ పోషించి మెప్పించారు. కథ, కథనాలు, నటీనటుల యాక్టింగ్ పరంగానే కాకుండా ఇందులోని పాటలు కూడా ఎంతగానో హిట్ సాధించాయి. ఘటోత్కచుడుగా కైకాల సత్యనారాయణ నటించిన ఈ సినిమాలో అందాల అపరంజి బొమ్మ ఒక సూపర్ హిట్ సాంగ్.

ఇచ్చిన మాట ప్రకారం

తల్లిదండ్రులను కోల్పోయిన తర్వాత శత్రువుల నుంచి తప్పించుకున్న చిట్టీ అనే పాప అడవిలో తప్పిపోతుంది. పూర్వ జన్మలో తను ఇచ్చిన మాట ప్రకారం పాపను ఆదుకోడానికి వస్తాడు ఘటోత్కచుడు. అప్పుడు అమ్మ కోసం ఏడ్చే చిట్టికి అమ్మ ప్రేమ చెప్పే క్రమంలో అందాల అపరంజి బొమ్మ సాంగ్ వస్తుంది.

అందాల అపరంజి బొమ్మ సాంగ్ లిరిక్స్

"స్వర్గానా ఉన్న మాత.. నీ స్వరం వినాలని తపిస్తుంది నీ కూన (కూతురు). నీ మాటగా నేను చెప్పెదు తల్లి. ఆహా.. దివ్యోపదేశం.. దివ్యోపదేశం మాతా" అని ఘటోత్కచుడు (కైకాల సత్యనారాయణ) అంటే చెప్పు "అంకుల్.. అమ్మ ఏం చెప్పిందో చెప్పు" అని చిట్టి (బేబీ నిఖిత) బతిమిలాడుకుటుంది. దాంతో "చెప్తాను తల్లి చెప్తా" అంటూ ప్రారంభమయ్యే అందాల అపరంజి బొమ్మ సాంగ్ లిరిక్స్ ఇక్కడ విందాం.

అందాల అపరంజి బొమ్మా..

అమ్మ లేదంటూ బెంగ పడకమ్మా..!

కడుపారా నినుగన్న అమ్మా..

చూడలేదమ్మా నీ కంట చెమ్మా..!

కనుమరుగునున్నా నిను మరువదమ్మా..

కన్నీరు తుడిచే కబురంపేనమ్మా,

చెబుతాను వినవమ్మా..!

అందాల అపరంజి బొమ్మా..

అమ్మ లేదంటూ బెంగ పడకమ్మా..!

ఆకలందంటే ఆ చిన్ని బొజ్జా..

అడగకుండానే తెలుసుకోమందీ..!

ఆటాడుకోగా తోడెవ్వరంటే,

అంబారీగట్టీ ఆడించమందీ..!

నీకేం కావాలన్నా.. నాకు చెబుతూ ఉంటానంది.. ఆ..!

తానె లోకానున్నా.. నిన్ను చూస్తూ ఉంటానంది..!

కాపాడుకుంటా కనుపాపలాగా..

నిను చూసుకుంటా నీ అమ్మలాగా..

నమ్మమ్మ నా మాటా..!

అందాల అపరంజి బొమ్మా..

అమ్మ లేదంటూ బెంగ పడకమ్మా..!

మావయ్యనంటూ నిను చేరమందీ..

మంచి మాటలతో మరిపించమందీ..!

కథలెన్నో చెప్పి నవ్వించమందీ..

ఒడిలోన చేర్చి ఓదార్చమందీ..!

జో జో పాపా అంటూ..

తానూ రోజూ పాడే లాలి..

ఇట్టా పాడాలంటూ నాకు తానే నేర్పింది తల్లి..!

మా పాపానిపుడూ కాపాడమంటూ..

దేవుణ్ణి అడిగి దీవెనలు తెచ్చే..

పని మీద వెళ్లింది..!

అందాల అపరంజి బొమ్మా..

అమ్మ లేదంటూ బెంగ పడకమ్మా..!

కడుపారా నినుగన్న అమ్మా..

చూడలేదమ్మా నీ కంట చెమ్మా..!

కనుమరుగునున్నా నిను మరువదమ్మా..

కన్నీరు తుడిచే కబురంపేనమ్మా..

చెబుతాను వినవమ్మా..!

అందాల అపరంజి బొమ్మా..

అమ్మ లేదంటూ బెంగ పడకమ్మా..!

సాహిత్యం-గానం

ఇలా మనసుకు హత్తుకునే పదాలతో సాగే ఈ అందాల అపరంజి బొమ్మ పాటకు సిరివెన్నెల సీతారామశాస్త్రి సాహిత్యం అందించగా.. ఎస్పీ బాలసుబ్రమణ్యం ఆలపించారు. ఘటోత్కచుడు డైరెక్టర్ ఎస్వీ కృష్ణారెడ్డినే మూవీకి సంగీతం అందించడం విశేషం.

ABOUT THE AUTHOR
HT Telugu Desk
హెచ్ టీ తెలుగు డెస్క్ టీమ్ సుశిక్షితులైన, సుదీర్ఘ అనుభవం ఉన్న జర్నలిస్టులతో కూడిన బృందం. ప్రాంతీయ, జాతీయ, అంతర్జాతీయ వార్తలు సహా అన్ని విభాగాలకు ఆయా రంగాల వార్తలు అందించడంలో నైపుణ్యం కలిగిన సబ్ ఎడిటర్లతో కూడిన బృందం. జర్నలిజం విలువలను, ప్రమాణాలను కాపాడుతూ జర్నలిజంపై అత్యంత మక్కువతో పనిచేస్తున్న బృందం. సంపూర్ణ వార్తావిలువలతో కూడిన కథనాలను పాఠకుల ముందుకు తెస్తున్న బృందం.Read More
ABOUT THE AUTHOR
Chetupelli Sanjiv Kumar
చెటుపెల్లి సంజీవ్ కుమార్ ప్రస్తుతం హిందుస్థాన్ టైమ్స్ తెలుగులో సీనియర్ కంటెంట్ ప్రొడ్యూసర్‌గా బాధ్యతలు నిర్వహిస్తున్నారు. డిజిటల్ మీడియా రంగంలో ఆయనకు 8 ఏళ్ల అనుభవం ఉంది. ముఖ్యంగా సినిమా వార్తలు, మూవీ రివ్యూలు, ఓటీటీ కంటెంట్, సీరియల్స్, బుల్లితెరకు సంబంధించిన న్యూస్ అందించడంలో ఆయనది ప్రత్యేక శైలి. సమాచారాన్ని పాఠకులకు ప్రభావవంతంగా చేరవేయడంలో ఆయన ఎప్పుడూ ముందుంటారు. డిజిటల్ మీడియా వేగంగా మారుతున్న తరుణంలో, పాఠకుల అభిరుచులకు అనుగుణంగా నాణ్యమైన కంటెంట్‌ను రూపొందించడంలో ఆయనది అందెవేసిన చేయి. అందుకే ఆయన అమోఘమైన పనితీరుకు గాను ప్రస్తుత సంస్థలో ప్రతిష్టాత్మకమైన 'డిజీ జర్నో ఆఫ్ ది క్వార్టర్' (Digi Journo of the Quarter) అవార్డును, అనేకసార్లు కంటెంట్ ఇన్‌స్టా అవార్డులను అందుకున్నారు. ఇది డిజిటల్ జర్నలిజంలో ఆయన చూపిస్తున్న నిబద్ధతకు, వార్తా సేకరణలో ఆయన పాటించే ఖచ్చితత్వానికి నిదర్శనం. ఈయన గతంలో ఈటీవీ భారత్, సాక్షి, ఫిల్మీబీట్ మీడియా సంస్థల్లో పని చేశారు. సినిమా, ప్రాంతీయ వార్తలపై కథనాలు అందించడంతోపాటు ఫిల్మీ రిపోర్టింగ్ చేశారు. కంటెంట్ రాయడం, ఎడిటింగ్‌తోపాటు వీడియో ఎడిటింగ్, ఎస్‌ఈవో (SEO) అంశాలపై మంచి పట్టు ఉంది. 2017లో తెలంగాణ యూనివర్సిటీలో జర్నలిజంలో పీజీ చేస్తున్న సమయంలో క్యాంపస్ రిక్రూట్ మెంట్‌లో భాగంగా ఈటీవీ భారత్‌లో చేరారు. ఈటీవీ భారత్ తెలంగాణ లాంచ్ సమయంలో కీలక పాత్ర పోషించారు. ఆయన అందించిన బులిటెన్స్, న్యూస్ ఆర్టికల్స్‌తో సదరు వెబ్‌సైట్ లాంచ్ అవడం విశేషం. అనంతరం ఏడాదికి కంటెంట్ ఎడిటర్‌గా పని చేస్తూనే యాక్టింగ్ షిఫ్ట్ ఇన్‌ఛార్జ్ బాధ్యతలు నిర్వర్తించారు. 2023లో హిందుస్తాన్ టైమ్స్ తెలుగులో చేరిన ఆయన ప్రస్తుతం ఎంటర్‌టైన్‌మెంట్, స్పోర్ట్స్ సెక్షన్స్‌కు సంబంధించిన కథనాలను అందిస్తున్నారు. ప్రతి కథనాన్ని లోతుగా విశ్లేషించి పాఠకులకు సులభంగా అర్థమయ్యేలా అందించడం సంజీవ్ కుమార్ శైలి.Read More

Home/Entertainment/ఘటోత్కచుడుగా కైకాల సత్యనారాయణ సూపర్ హిట్ సాంగ్- అమ్మ ప్రేమ చెప్పే అందాల అపరంజి బొమ్మ సాంగ్ లిరిక్స్- ఎప్పుడైన విన్నారా?