E-Paper
Gunde Ninda Gudi Gantalu Promo: ప్రభావతి కేసు వాపసు వెనుక సీక్రెట్ తెలుసుకున్న రోహిణి.. 2 లక్షలంటూ నోరు జారిన కామాక్షి
Gunde Ninda Gudi Gantalu Promo: గుండె నిండా గుడి గంటలు సీరియల్ ప్రోమోలో అత్త ప్రభావతి ఇంటికి తిరిగి రావడం, కేసు వాపసు వెనుక సీక్రెట్ ను రోహిణి తెలుసుకుంటుంది. కామాక్షిని మెల్లగా దువ్వి ఆమె తనకు కావాల్సిన నిజాన్ని రాబట్టుకున్నట్లు ప్రోమోలో చూపించారు.
Gunde Ninda Gudi Gantalu Promo: గుండె నిండా గుడి గంటలు సీరియల్ ప్రోమోలో ప్రభావతిని అసలు సీక్రెట్ ఏంటో రోహిణి తెలుసుకున్నట్లుగా చూపించారు. ఈ మధ్య రసవత్తరంగా సాగుతూ ప్రతి ఎపిసోడ్ ను రక్తి కట్టిస్తున్న మేకర్స్.. తర్వాతి ఎపిసోడ్ ను మరింత ఆసక్తిగా మలిచినట్లు దీనిని చూస్తే తెలుస్తోంది.
ప్రభావతి గుట్టు తెలుసుకున్న రోహిణి
గుండె నిండా గుడి గంటలు సీరియల్ రాబోయే సోమవారం (ఏప్రిల్ 6) ఎపిసోడ్ లో అత్త ప్రభావతి తన కేసు వాపసు తీసుకోవడం, ఇంటికి తిరిగి రావడం వెనుక ఉన్న అసలు సీక్రెట్ ఏంటో రోహిణి తెలుసుకోబోతోంది. ఆమె తిరిగి వచ్చినప్పటి నుంచీ అనుమానంగానే చూసిన రోహిణి.. ఇవే విషయాన్ని మనోజ్ తో చెబుతుంది. ఆ తర్వాత మెల్లగా కామాక్షి ఇంటికి వెళ్లి ఆమెకు సేవలు చేస్తుంది.
అసలు అత్తయ్య ఇంత త్వరగా ఇంటికి వస్తుందని అనుకోలేదు అని అంటుంది. దీంతో లాయర్ ఇచ్చిన రూ.2 లక్షల వల్ల ఆమె ఇంటికి వచ్చింది అని కామాక్షి అసలు నిజం చెప్పేస్తుంది. దీంతో రోహిణి షాక్ తిన్నట్లు ప్రోమోలో చూపించారు. కామాక్షి ఇంట్లోనే ఉన్న ఆ డబ్బును రోహిణి ఏం చేయబోతోంది? ఈ నిజాన్ని ఆమె ఇంట్లో వాళ్లకు చెబుతుందా లేదా? ప్రభావతి సీక్రెట్ సీక్రెట్ గానే ఉంటుందా లేదా అన్నది తర్వాతి ఎపిసోడ్ లో చూడొచ్చు.
నిన్నటి ఎపిసోడ్లో ఏం జరిగిందంటే?
బాలు లాయర్ మాటలకు బోల్తా పడి రూ.2 లక్షలు తీసుకున్న ప్రభావతి.. కేసు వాపసు తీసుకుంటుంది. ఆ తర్వాత సొంతింటికి తిరిగి వస్తుంది. నేరుగా వస్తే బాగుండదని మనోజ్ కు ఫోన్ చేసి బయటకు రమ్మని చెబుతుంది. మనోజ్, రోహిణి ఇద్దరూ బతిమాలి బలవంతంగా తీసుకొచ్చినట్లు బిల్డప్ ఇస్తుంది. బాలు ఆమెను చూసి తనదైన స్టైల్లో చాలా పంచ్ లే వేస్తాడు. ఆ తర్వాత ముగ్గురు కోడళ్లు కలిసి ప్రభావతికి హారతి ఇచ్చి లోపలికి ఆహ్వానిస్తారు.
బాలుని చితకబాదిన ప్రభావతి
ప్రభావతి లోనికి వచ్చిన తర్వాత కూడా బాలు ఏదో ఒకటి అంటూ ఉంటాడు. సత్యం కోసమే తాను వచ్చానని అనడంతో నేను పిలిచినప్పుడు ఎందుకు రాలేదు మరి అని సత్యం అడుగుతాడు. మీనా వాళ్ల ఫ్యామిలీ కూడా వచ్చి చేతులు జోడించి వేడుకున్నారని ప్రభావతి చెబుతుంది.
అప్పుడే సత్యం రెండో పెళ్లి ప్రస్తావన వస్తుంది. బాలు సైగ చేయడంతో సత్యం కూడా అవును రెండో పెళ్లి చేసుకుంటానని అంటాడు. బాలు రెచ్చగొట్టడంతో ప్రభావతి అతన్ని చితకబాదుతుంది. కిందేసి మరీ కొడుతుంది.
మీనా పుట్టింటి వాళ్లు రావద్దని షరతు
ఆ తర్వాత మీనాకు మరో షరతు పెడుతుంది. ఇక నుంచి మీనా పుట్టింటి వాళ్లు ఈ ఇంటికి రావద్దని, వాళ్ల వల్ల జరిగిన అవమానం చాలు అని ప్రభావతి అంటుంది. బాలు, సత్యం వారిస్తుంటే.. మీనా మాత్రం అత్తయ్య కరెక్ట్ గానే చెప్పారు.. వాళ్లు ఏరోజూ నా ఇంట్లో మంచి నీళ్లు తాగలేదు.. తినలేదు.. ప్రతిసారీ అవమానమే జరుగుతోంది. దాని కంటే వాళ్లు ఈ ఇంటికి రాకపోవడమే మంచిది అని అంటుంది.
