గుండె నిండా గుడి గంటలు టుడే ఎపిసోడ్: బాలు, మీనాలతో వెళ్లిపోయిన సత్యం.. ఇంటికి రానని తేల్చి చెప్పిన శృతి

స్టార్ మీ సీరియల్ గుండె నిండా గుడి గంటలు మంగళవాం (జులై 8) ఎపిసోడ్లో బాలు, మీనాను ప్రభావతి ఇంట్లో ఉండనివ్వకపోవడంతో సత్యం కూడా వాళ్లతోపాటు వెళ్లిపోతానంటాడు. అటు శృతి మాత్రం బాలు ఉన్న ఇంటికి తాను రానని తేల్చి చెబుతుంది.

గుండె నిండా గుడి గంటలు సీరియల్ మంగళవారం (జులై 8) ఎపిసోడ్ ఆసక్తికరంగా సాగింది. శృతి తాళి మార్చే వేడుకలో జరిగిన గొడవ తర్వాత కుటుంబ సభ్యుల మధ్య విభేదాలు మరింత తీవ్రమవుతాయి. బాలు, మీనా అవమానాలను ఎదుర్కొంటారు. శృతి తన తల్లి ఇంటికి వెళ్తుంది. ప్రభావతి బాలుపై ఆగ్రహం వ్యక్తం చేస్తుంది. ఆ తర్వాత ఏం జరిగిందో ఒకసారి చూద్దాం.

గుండె నిండా గుడి గంటలు టుడే ఎపిసోడ్: బాలు, మీనాలతో వెళ్లిపోయిన సత్యం.. ఇంటికి రానని తేల్చి చెప్పిన శృతి

సురేంద్ర కాలర్ పట్టుకున్న బాలు

గుండె నిండా గుడి గంటలు గత ఎపిసోడ్‌లో శృతి తాళి మార్చే ఫంక్షన్‌లో శోభ, సురేంద్రలు మీనాపై దొంగతనం ఆరోపణలు చేసి గొడవ సృష్టించారు. ఈ ఎపిసోడ్ ఆ గొడవ తర్వాతి పరిణామాలతో మొదలవుతుంది. సురేంద్ర మీనాను “దొంగ” అని పదే పదే నిందించడంతో బాలు సహనం కోల్పోతాడు.

“మీనాపై ఇలా మాట్లాడితే సహించను” అని సురేంద్ర కాలర్ పట్టుకుని ఆగ్రహం వ్యక్తం చేస్తాడు. శృతి మధ్యలోకి వచ్చి బాలును నెట్టి.. “నా తండ్రిపై చేయి వేసేంత ధైర్యం నీకెలా వచ్చింది?” అని ప్రశ్నిస్తుంది. బాలు గట్టిగా.. “నీ తండ్రి ఏం చేశాడో తెలిస్తే నీవే కొడతావు” అని సమాధానమిస్తాడు. ఈ ఘటన తర్వాత బాలు మీనాను తీసుకుని వేడుక నుంచి బయల్దేరతాడు.

శృతిని రెచ్చగొట్టిన శోభ

వేడుకలో జరిగిన గొడవ తర్వాత శృతి కోపంతో తన తల్లి శోభ ఇంటికి వెళ్తుంది. అక్కడ శోభ.. శృతిని రెచ్చగొడుతుంది. “బాలు నీ నాన్నపై చేయి చేసుకున్నాడు.. ఇంత పెద్దవాడని కూడా చూడలేదు” అని అంటుంది. “నీ కోసం మేము ఇంత ఖర్చు చేసి ఫంక్షన్ చేశాం.. కానీ మీ అత్తగారింట్లో మాకు గౌరవం లేదు.

ఇప్పుడు బాలు ఇలా చేస్తాడా.. నీవు ఆ ఇంటికి వెళ్లాల్సిన అవసరం లేదు” అని శృతిని ఒప్పిస్తుంది. శృతి.. బాలుపై కోపంతో.. నేను ఆ ఇంటికి తిరిగి రాను అని చెబుతుంది. రవి శృతిని ఓదార్చేందుకు ఆమె వెనకే వెళ్తాడు. కానీ శృతి అతని మాట వినదు.

బాలుని ఇంట్లో నుంచి వెళ్లిపొమ్మన్న ప్రభావతి

ఫంక్షన్ నుంచి తిరిగి వచ్చిన ప్రభావతి బాలుపై తీవ్ర ఆగ్రహం వ్యక్తం చేస్తుంది. “బాలు వల్లే ఫంక్షన్‌లో గొడవ జరిగింది. మా పరువు పోయింది” అని మండిపడుతుంది. సత్యంతో.. “నువ్వు బాలుకు ఎప్పుడూ మద్దతు ఇవ్వడం వల్లే అతను ఇలా తయారయ్యాడు” అని నిందిస్తుంది.

మనోజ్, రోహిణి కూడా.. “బాలు సురేంద్రను కొట్టడం తప్పు” అని అంటారు. కానీ సత్యం మాత్రం బాలును సమర్థిస్తూ “మీనాను దొంగ అని నిందించినప్పుడు ఏ భర్తైనా కోపగించుకుంటాడు. సురేంద్ర కావాలనే రెచ్చగొట్టాడు” అని వాదిస్తాడు. దీంతో కుటుంబంలో విభేదాలు స్పష్టంగా కనిపించాయి.

బాలు, మీనా ఇంటికి తిరిగి రాగానే ప్రభావతి వారిపై రగిలిపోతుంది. “ఈ ఇంట్లో నీకు చోటు లేదు.. నువ్వు, నీ తండ్రి సత్యం ఇద్దరూ బయటకు వెళ్లాలి” అని ఆదేశిస్తుంది. బాలు సైలెంట్‌గా.. “మేము మా గదిలోకి వెళ్తున్నాం” అని చెప్పినా ప్రభావతి అంగీకరించదు. బాలు, మీనా తమ బ్యాగ్‌లు సర్దుకుని ఇంటి నుంచి బయల్దేరతారు. సత్యం కూడా.. నేనూ వాళ్లతోనే వెళ్తాను అని ప్రభావతితో చెబుతాడు.

రవి, శృతి మధ్య ఘర్షణ

రవి.. శృతిని ఓదార్చేందుకు శోభ ఇంటికి వెళ్తాడు. “శృతి.. ఇంటికి వెళ్దాం.. ఇది పెద్ద విషయం కాదు” అని బతిమిలాడతాడు. కానీ శృతి మాత్రం.. “నా తండ్రిని కొట్టిన బాలు ఉన్న ఇంటికి నేను రాను” అని కోపంగా చెబుతుంది. రవి నిరాశగా.. “నువ్వు రాకపోతే నేనూ ఇక్కడే ఉండను” అని బ్యాగ్ సర్దుకుని బయల్దేరతాడు. సత్యం రవికి ఫోన్ చేసి.. “శృతి ఎలా ఉంది? ఏమైంది?” అని అడుగుతాడు. శృతి చాలా కోపంగా ఉంది.. బాలు చేసింది నాకూ నచ్చలేదు అని రవి చెబుతాడు.