E-Paper
పవన్ కల్యాణ్తో ఒక్క సినిమా చేసిన వేరే వంద సినిమాలు చేసిన ఒక్కటే.. హరి హర వీరమల్లు హీరోయిన్ నిధి అగర్వాల్ కామెంట్స్
పవన్ కల్యాణ్ నటించిన లేటెస్ట్ పీరియాడిక్ యాక్షన్ అడ్వెంచర్ మూవీ హరి హర వీరమల్లు. ఈ సినిమాలో పవన్ కల్యాణ్కు జోడీగా హీరోయిన్ నిధి అగర్వాల్ చేసింది. జూలై 24న ఈ సినిమా రిలీజ్ కానుండగా ఓ ఇంటర్వ్యూలో హరి హర వీరమల్లు, పవన్ కల్యాణ్తో నటించడంపై నిధి అగర్వాల్ ఇంట్రెస్టింగ్ విశేషాలు చెప్పింది.
పవర్ స్టార్ పవన్ కల్యాణ్ నటించిన లేటెస్ట్ టాలీవుడ్ పీరియాడిక్ యాక్షన్ అడ్వెంచర్ డ్రామా సినిమా హరి హర వీరమల్లు. ఎఎం జ్యోతి కృష్ణ, క్రిష్ జాగర్లమూడి దర్శకత్వం వహించిన ఈ సినిమాలో హీరోయిన్గా నిధి అగర్వాల్ చేసింది. బాబీ డియోల్ విలన్ రోల్ ప్లే చేశాడు.
హరి హర వీరమల్లు థియేట్రికల్ రిలీజ్
జూలై 24న హరి హర వీరమల్లు మూవీ థియేట్రికల్ రిలీజ్ కానుంది. ఈ నేపథ్యంలో ప్రమోషన్స్లో భాగంగా పాల్గొన్న ఓ ఇంటర్వ్యూలో హీరోయిన్ నిధి అగర్వాల్ హరి హర వీరమల్లు సినిమా, పవన్ కల్యాణ్, తన పాత్ర గురించి ఇంట్రెస్టింగ్ విశేషాలు చెప్పుకొచ్చింది.
సినిమాలో మీ పాత్ర ఎలా ఉండబోతుంది?
-హరి హర వీరమల్లు అనేది ఒక భారీ చిత్రం. ఇందులో నటించే అవకాశం రావడమే గొప్ప విషయం. అలాంటిది నాకు పంచమి అనే శక్తివంతమైన పాత్ర లభించింది. ఈ పాత్రలో ఎన్నో కోణాలున్నాయి.
-పవన్ కల్యాణ్ గారికి, నాకు మధ్య సన్నివేశాలు బాగుంటాయి. అలాగే నా పాత్ర కనిపించే పాటల్లో కూడా వైవిధ్యం ఉంటుంది. పంచమి పాత్రకు తగ్గట్టుగా స్టైలిస్ట్ ఐశ్వర్య దుస్తులను, ఆభరణాలను అద్భుతంగా రూపొందించారు.
పవన్ కల్యాణ్ గారితో కలిసి నటించడం ఎలా ఉంది?
-పవన్ కళ్యాణ్ గారితో కలిసి నటించే అవకాశం రావడం అదృష్టంగా భావిస్తున్నాను. పవన్ కల్యాణ్ గారికి ఎంతో స్టార్డమ్ ఉంది. ఎంతో ఫ్యాన్ ఫాలోయింగ్ ఉంది. ఆయన సినిమా అంటే కచ్చితంగా ఎక్కువమంది ప్రేక్షకులకు చేరువ అవుతుంది.
-వేరే వంద సినిమాలు చేసినా ఒకటే.. పవన్ కల్యాణ్ గారితో ఒక్క సినిమా చేసినా ఒకటే. పవన్ కళ్యాణ్ గారి నుంచి ఎంతో నేర్చుకున్నాను. ఆయనకు సాహిత్యం అంటే ఎంతో ఇష్టం. ముఖ్యంగా తెలుగు సాహిత్యం ఎక్కువ చదువుతారు. ఆయనకు ఎంతో నాలెడ్జ్ ఉంది.
ఇద్దరు దర్శకులు క్రిష్ గారు, జ్యోతి కృష్ణ గారితో పని చేయడం ఎలా అనిపించింది?
-క్రిష్ గారు నన్ను పంచమి పాత్రకు ఎంపిక చేశారు. అలాగే జ్యోతి కృష్ణ గారు సరైన సమయానికి దర్శకత్వ బాధ్యతలు తీసుకొని సినిమాని పూర్తి చేశారు. ఇద్దరూ నాకు స్పెషల్. జ్యోతి కృష్ణ గారు సాంకేతికంగా గొప్పగా ఆలోచిస్తారు. సాంకేతికతను వేగంగా అందిపుచ్చుకొని.. ఈ తరానికి తగ్గట్టుగా పని చేస్తారు.
