E-Paper
హరి హర వీరమల్లును బ్లాక్బస్టర్ హాలీవుడ్ మూవీతో పోల్చిన ప్రొడ్యూసర్.. పవన్ అలాగే ఉంటాడంటూ..
పవన్ కల్యాణ్ నటించిన హరి హర వీరమల్లు మరో రెండు వారాల్లోనే ప్రేక్షకుల ముందుకు రాబోతున్న విషయం తెలిసిందే. ఈ నేపథ్యంలో మూవీ ప్రొడ్యూసర్ ఏఎం రత్నం కామెంట్స్ వైరల్ అవుతున్నాయి. బ్లాక్బస్టర్ హాలీవుడ్ మూవీ సిరీస్ తో దీనిని పోల్చడం విశేషం.
హరి హర వీరమల్లు.. ఏళ్లుగా అభిమానులు ఎదురు చూస్తున్న పవన్ కల్యాణ్ ప్రతిష్టాత్మక ప్రాజెక్ట్. మొత్తానికి ఈ సినిమా జులై 24న థియేటర్లలో రిలీజ్ కాబోతోంది. ఈ మధ్యే ట్రైలర్ రిలీజ్ చేసిన మేకర్స్.. ప్రమోషన్ల జోరు పెంచుతున్నారు. ఈ నేపథ్యంలో ప్రొడ్యూసర్ ఏఎం రత్నం ఇంట్రెస్టింగ్ కామెంట్స్ చేశాడు.
ఇది ఇండియానా జోన్స్లా అనిపిస్తుంది
పవర్ స్టార్ పవన్ కల్యాణ్ లీడ్ రోల్లో నటించిన మూవీ హరి హర వీరమల్లు. ఈ సినిమాను ప్రొడ్యూసర్ ఏఎం రత్నం.. ప్రముఖ హాలీవుడ్ మూవీ సిరీస్ ఇండియానా జోన్స్ తో పోల్చడం విశేషం. ఈ మధ్య ఓ ఈవెంట్లో అతడు ఈ మూవీ గురించి మాట్లాడాడు.
“పవన్ గారికి సన్నిహితంగా ఉన్న ఓ వ్యక్తి నాతో మాట్లాడుతూ ట్రైలర్ చూస్తే తనకు మెకన్నాస్ గోల్డ్ గుర్తుకు వచ్చిందని అన్నారు. అయితే సెకండాఫ్ వరకూ చూసుకుంటే మాత్రం ప్రేక్షకులకు ఈ సినిమా ఇండియానా జోన్స్ ను గుర్తుకు తెస్తుంది. ఆ హాలీవుడ్ క్లాసిక్ లాగే ఈ సినిమాలో హీరో మిస్టరీ, యాక్షన్ తో కూడిని థ్రిల్లింగ్ జర్నీకి వెళ్తాడు” అని ఏఎం రత్నం అన్నాడు.
హరి హర వీరమల్లు మూవీ గురించి..
ఎన్నో ఏళ్లుగా ఊరిస్తూ వస్తున్న హరి హర వీరమల్లు మూవీ జులై 24న రిలీజ్ కాబోతోంది. కొన్నాళ్లుగా గ్లింప్స్, టీజర్, సాంగ్స్ రిలీజ్ చేయగా.. ఈమధ్యే ట్రైలర్ తో అభిమానులకు మరింత విందు చేశారు. ధర్మం కోసం పోరాడే యోధుడిగా ఇందులో పవన్ కల్యాణ్ కనిపించబోతున్నాడు. ట్రైలర్లో అతడు చాలా పవర్ఫుల్ లుక్, డైలాగులతో అదరగొట్టాడు.
సినిమా ఎంత గొప్పగా ఉండబోతోందో ఈ ట్రైలర్ చూస్తే తెలుస్తోంది. మొదట క్రిష్ డైరెక్ట్ చేసిన ఈ సినిమాను తర్వాత జ్యోతి కృష్ణ డైరెక్ట్ చేశాడు. కీరవాణి మ్యూజిక్ అందించాడు. రెండేళ్లుగా పవన్ మూవీ కోసం చేస్తున్న ఫ్యాన్స్ కు ఈ జులై 24న ఓ పండగ రోజు కాబోతోంది. మరి ఈ మూవీ వాళ్ల అంచనాలను అందుకుంటుందా లేదా అన్నది చూడాలి.
