మరికొన్ని గంటల్లో ఓటీటీలోకి నాని సూపర్ హిట్ వైలెంట్ యాక్షన్ చిత్రం.. ఎక్కడ చూడొచ్చు?

హిట్ 3 సినిమా ఓటీటీలోకి వచ్చేందుకు రెడీ అయింది. ఈ అర్ధరాత్రే స్ట్రీమింగ్‍కు అడుగుపెట్టనుంది. ఐదు భాషల్లో స్ట్రీమింగ్‍కు అందుబాటులోకి వస్తుంది. ఈ మూవీని ఎక్కడ చూడొచ్చంటే..

వైలెంట్ యాక్షన్ మూవీ హిట్ 3 (హిట్: థర్డ్ కేస్) మంచి హిట్ సాధించింది. నేచురల్ స్టార్ నాని హీరోగా నటించిన ఈ సినిమా మే 1న థియేటర్లలో రిలీజైంది. మిక్స్డ్ టాక్ వచ్చినా రూ.100కోట్లకు పైగా గ్రాస్ కలెక్షన్లను సాధించి సక్సెస్ సొంతం చేసుకుంది. శైలేశ్ కొలను దర్శకత్వం వహించిన ఈ హిట్ 3 మూవీ ఓటీటీలోకి వచ్చే సమయం ఆసన్ననమైంది.

హిట్ 3 స్ట్రీమింగ్ వివరాలు ఇవే

మరికొన్ని గంటల్లో ఓటీటీలోకి నాని సూపర్ హిట్ వైలెంట్ యాక్షన్ చిత్రం.. ఎక్కడ చూడొచ్చు?

హిట్ 3 సినిమా రేపు (మే 29) నెట్‍ఫ్లిక్స్ ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ అర్ధరాత్రే స్ట్రీమింగ్ షురూ కానుంది. అంటే మరికొన్ని గంటల్లో ఈ చిత్రాన్ని నెట్‍ఫ్లిక్స్‌లో చూసేయవచ్చు. తెలుగు, తమిళం, హిందీ, కన్నడ, మలయాళ భాషల్లో ఈ హిట్ 3 మూవీ అందుబాటులోకి వస్తుంది.

నాలుగు వారాల్లోనే..

హిట్ 3 చిత్రం కమర్షియల్‍గా హిట్ అయినా నెట్ఫ్లిక్స్ఓటీటీలోకి నాలుగు వారాల్లోనే స్ట్రీమింగ్‍కు వస్తోంది. మే 1న థియేటర్లలోకి వచ్చి ఇదే నెలలో ఓటీటీలోకి ఎంట్రీ ఇస్తోంది. స్ట్రీమింగ్‍లో ఈ మూవీకి నేషనల్ వైడ్‍లో బాగా క్రేజ్ కనిపించే ఛాన్స్ ఉంది. నాని చిత్రాలకు ఓటీటీలో మంచి వ్యూస్ దక్కుతుంటాయి. హిట్ 3 కూడా అది రిపీట్ చేసే అవకాశాలు ఎక్కువే.

కిల్లర్స్ గ్రూప్ పనిపట్టేందుకు..

హిట్ 3 మూవీకి శైలేశ్ కొలను దర్శకత్వం వహించారు. ఓ కిల్లర్స్ గ్రూప్‍ను పోలీస్ ఆఫీసర్ కనిపెట్టి మట్టుబెట్టడం చుట్టూ ఈ మూవీ సాగుతుంది. వైలెన్స్ ఎక్కువగానే ఉంటుంది. ఈ చిత్రంలో పోలీస్ ఆఫీసర్ అర్జున్ సర్కార్ పాత్రలో నాని అదరగొట్టారు. యాక్షన్‍తో మెప్పించారు. ఈ చిత్రంలో నానికి జోడీగా శ్రీనిధి శెట్టి నటించారు.

హిట్ 3 వసూళ్లు

హిట్ 3 మూవీలో నాని, శ్రీనిధితో పాటు కోమలీ ప్రసాద్, సూర్య శ్రీనివాస్, సముద్రఖని, ప్రతీక్ బబ్బర్, రావు రమేశ్, ఆదిల్ పాలా కీరోల్స్ చేశారు. ఈ మూవీకి మిక్కీ జే మేయర్ సంగీతం అందించగా.. సాజు జాన్ వర్గీస్ సినిమాటోగ్రఫీ చేశారు. ఈ మూవీని రేపటి నుంచి నెట్‍ఫ్లిక్స్ ఓటీటీలో చూసేయవచ్చు.