E-Paper
Diamonds Bra: బ్రా ఖరీదు రూ.474 కోట్లు.. 4410 డైమండ్లు.. హాలీవుడ్ మోడల్ సంచలనం.. విక్టోరియా సీక్రెట్ ఫ్యాషన్ షో
Diamonds Bra: ప్రసిద్ధ హాలీవుడ్ మోడల్, బ్యూటీ వ్యాపారవేత్త కైలీ జెన్నర్ విక్టోరియా సీక్రెట్ ఫ్యాషన్ షో ర్యాంప్‌పై సంచలనం సృష్టించింది. ఏకంగా 50 మిలియన్ డాలర్లు (సుమారు ₹415 కోట్లు) విలువ చేసే, 4,410 సహజ వజ్రాలతో రూపొందించిన 'ఫాంటసీ బ్రా' ధరించి కనిపించింది.
Prefer HTon Google
Diamonds Bra: అంతర్జాతీయ ఫ్యాషన్ రంగాన్ని ప్రముఖ గ్లోబల్ బ్యూటీ ఐకాన్, బిజినెస్ ఉమెన్ కైలీ జెన్నర్ (Kylie Jenner) మరోసారి తన గ్లామర్‌తో ఊపేసింది. ప్రఖ్యాత గ్లోబల్ ల్యాంగరీ బ్రాండ్ విక్టోరియా సీక్రెట్ (Victoria's Secret) ప్రతిష్టాత్మకంగా నిర్వహించిన ఫ్యాషన్ షో ర్యాంప్‌పై తొలిసారి అడుగుపెట్టిన ఈ బ్యూటీ.. సరికొత్త చరిత్ర సృష్టించింది. ఈ షోలో ఆమె ధరించిన డైమండ్ స్టడెడ్ 'ఫాంటసీ బ్రా' (Fantasy Bra) ప్రస్తుతం ప్రపంచవ్యాప్తంగా టాక్ ఆఫ్ ది టౌన్‌గా మారింది.
ఏకంగా 50 మిలియన్ డాలర్లు (భారతీయ కరెన్సీలో సుమారు ₹474 కోట్లు) విలువ చేసే అత్యంత ఖరీదైన 'ఫాంటసీ బ్రా'తో కైలీ ర్యాంప్‌పై మెరుపులు మెరిపించింది. ఇప్పటివరకు విక్టోరియా సీక్రెట్ చరిత్రలోనే అత్యంత ఖరీదైన బ్రా కంటే ఇది 35 మిలియన్ డాలర్లు ఎక్కువ కావడం విశేషం.
4,410 వజ్రాలు.. 1,000 గంటల శ్రమ
ప్రఖ్యాత హై-ఎండ్ జ్యువెలరీ డిజైనర్ జాకబ్ అండ్ కో (Jacob & Co) భాగస్వామ్యంతో ఈ అద్భుతమైన ఫాంటసీ బ్రాని డిజైన్ చేశారు. దీని మేకింగ్ వెనుక ఉన్న వివరాలు వింటే ఎవరైనా ఆశ్చర్యపోవాల్సిందే.
ఈ బ్రా తయారీలో ఏకంగా 4,410 సహజమైన వజ్రాలను అత్యంత విలాసవంతంగా అమర్చారు. బ్రా మధ్య భాగంలో మెరిసిపోయే 75.54 క్యారెట్ల అరుదైన 'వివిడ్ యెల్లో డైమండ్' (Vivid Yellow Diamond) ప్రత్యేక ఆకర్షణగా నిలిచింది.
ఈ అత్యంత ఖరీదైన బ్రాను తయారు చేయడానికి 15 మంది అత్యుత్తమ హస్తకళాకారులు దాదాపు 1,000 గంటలకు పైగా నిరంతరం శ్రమించారు. ప్లాటినం, బంగారం, వేలాది వజ్రాలతో నిండి ఉన్నప్పటికీ, ఈ కాస్ట్యూమ్ బరువు కేవలం 1.8 కేజీలు (4 పౌండ్లు) మాత్రమే ఉండటం గమనార్హం.
ర్యాంప్‌పై దేవకన్యలా..
ఈ విజువల్ వండర్‌కు తగినట్లే కైలీ జెన్నర్ అవుట్‌ఫిట్ అట్రాక్షన్ షోకే ప్రత్యేక ఆకర్షణగా నిలిచింది. ట్రాన్స్‌పరెంట్ మినీ స్కర్ట్, ట్రాన్స్‌పరెంట్ హీల్స్‌తో పాటు వెనుక భారీ తెల్లటి ఈకలతో కూడిన రెక్కలు (White Feathered Wings) ధరించి కైలీ ర్యాంప్‌పై దేవకన్యలా నడిచొచ్చింది.
విక్టోరియా సీక్రెట్ చీఫ్ క్రియేటివ్ ఆఫీసర్ ఆడమ్ సెల్మాన్ (Adam Selman) ఓగ్ (Vogue) మ్యాగజైన్‌తో మాట్లాడుతూ కైలీ ఎంపిక వెనుక ఉన్న ముఖ్య వ్యూహాన్ని వెల్లడించారు. "అభిమానులు ఎప్పటినుంచో ఐకానిక్ 'ఫాంటసీ బ్రా' పునరాగమనం కోసం ఎదురుచూస్తున్నారు. దీనిని పబ్లిక్‌లోకి బలంగా తీసుకెళ్లడానికి గ్లోబల్ పాప్ కల్చర్‌లో విపరీతమైన ఇన్‌ఫ్లుయెన్స్ ఉన్న ప్రభావవంతమైన వ్యక్తి కావాలనుకున్నాం. కైలీ కేవలం ఫ్యాషన్ లేదా టీవీకి మాత్రమే పరిమితం కాలేదు, ఆమె సొంతంగా ఒక కల్చర్‌ను క్రియేట్ చేసింది" అని ఆయన కొనియాడారు.
ప్రపంచ స్థాయి సూపర్‌మోడల్స్ సందడి
ఈ గ్రాండ్ ఈవెంట్‌లో కైలీ జెన్నర్‌తో పాటు విక్టోరియా సీక్రెట్ దిగ్గజ మోడల్స్ అడ్రియానా లిమా, అలెస్సాండ్రా అంబ్రోసియో, కాండిస్ స్వాన్‌పోల్, బెహాటి ప్రిన్స్‌లూ, బార్బరా పాల్వినోలతో పాటు నేటితరం సూపర్‌మోడల్స్ గిగి హదీద్, బెల్లా హదీద్, ఇరినా షేక్, అనోక్ యాయ్, పలోమా ఎల్సెస్సర్లు సందడి చేశారు. ఏది ఏమైనా, కైలీ ధరించిన ఈ రూ.474 కోట్ల డైమండ్ బ్రా ప్రస్తుతం సోషల్ మీడియాలో అత్యధికంగా ట్రెండ్ అవుతున్న ఫ్యాషన్ ముచ్చటగా మారింది.
