జియోహాట్‌స్టార్‌లోని రకుల్ ప్రీత్ హారర్ థ్రిల్లర్ మూవీ చూశారా? తెలుగు, తమిళంలలో స్ట్రీమింగ్.. డిఫరెంట్ స్టోరీ

జియోహాట్‌స్టార్ ఓటీటీలో రకుల్ ప్రీత్ సింగ్ నటించిన హారర్ థ్రిల్లర్ మూవీ చూశారా? తెలుగు, తమిళం భాషల్లో స్ట్రీమింగ్ అవుతున్న ఈ సినిమా రెండేళ్ల కిందట వచ్చింది. తాజాగా మరోసారి ఆ ఓటీటీ ఈ మూవీని ప్రమోట్ చేస్తోంది.

హారర్ థ్రిల్లర్ జానర్ ఇష్టపడే ప్రేక్షకుల కోసం జియోహాట్‌స్టార్ ఓటీటీలో ఓ మూవీ ఉంది. ప్రముఖ టాలీవుడ్ నటి రకుల్ ప్రీత్ సింగ్, విశ్వక్సేన్ లాంటి వాళ్లు నటించిన ఈ సినిమా రెండేళ్ల కిందట అప్పటి జియోసినిమా ఓటీటీలోనే నేరుగా స్ట్రీమింగ్ అయింది. అయితే ఇప్పుడు మరోసారి ఈ మూవీ తెరపైకి వచ్చింది.

జియోహాట్‌స్టార్‌లోని రకుల్ ప్రీత్ హారర్ థ్రిల్లర్ మూవీ చూశారా? తెలుగు, తమిళంలలో స్ట్రీమింగ్.. డిఫరెంట్ స్టోరీ

బూ ఓటీటీ స్ట్రీమింగ్

హారర్ థ్రిల్లర్మూవీ బూ (Boo) ఎప్పుడో రెండేళ్ల కిందట అంటే మే, 2023లో అప్పటి జియోసినిమా ఓటీటీలో డిజిటల్ ప్రీమియర్ అయింది. థియేటర్లలో కాకుండా నేరుగా ఓటీటీలోకే స్ట్రీమింగ్ కు వచ్చింది. అయితే తాజాగా ఈ సినిమాను జియోహాట్స్టార్ ఓటీటీ మరోసారి ప్రమోట్ చేస్తోంది.

వీకెండ్ సజెషన్ అంటూ తన ఎక్స్ అకౌంట్ లో ఈ సినిమా గురించి చెప్పింది. “బూ మూవీతో హాలోవీన్ స్టోరీల గురించి తెలుసుకునే టైమ్ ఇది. జియోహాట్‌స్టార్ ఓటీటీలో ఎక్స్‌క్లూజివ్ గా స్ట్రీమింగ్ అవుతోంది” అనే క్యాప్షన్ తో ట్వీట్ చేసింది.

బూ మూవీ గురించి..

బూ (Boo) మూవీని తెలుగు, తమిళంలో ఒకేసారి తెరకెక్కించారు. ఈ హారర్ థ్రిల్లర్ సినిమాను మే 27, 2023న జియోసినిమా ప్రీమియర్ చేసింది. ఏఎల్ విజయ్ డైరెక్ట్ చేసిన ఈ సినిమాలో రకుల్ ప్రీత్ సింగ్, విశ్వక్సేన్, రెబా మోనికా జాన్, నివేదా పేతురాజ్, మంజిమా మోహన్, మేఘా ఆకాశ్ లాంటి వాళ్లు నటించారు. ఇదో డిఫరెంట్ స్టోరీతో వచ్చిన హారర్ థ్రిల్లర్ సినిమా. హాలోవీన్ సెలబ్రేట్ చేసుకుందామనుకునే నలుగురు స్నేహితుల చుట్టూ తిరిగే స్టోరీ ఇది.

కియారా (రకుల్ ప్రీత్) ఇంట్లో హాలోవీన్ జరుపుకుంటుండగా వాళ్లకు హాలోవీన్ స్టోరీస్ పేరుతో ఓ బుక్ దొరుకుతుంది. అయితే అందులోని స్టోరీలన్నింటినీ ఒకేసారి చదవాలన్న వార్నింగ్ ఉంటుంది. అందులో మొత్తం 4 స్టోరీలు ఉంటాయి. వాటిని చదువుతున్న కొద్దీ ఆ నలుగురు స్నేహితులకు ఆసక్తి పెరుగుతుంది. అంతేకాదు ఆ స్టోరీల్లోని పాత్రలు వాళ్లకు నిజ జీవితంలోనూ ఎదురవుతుంటాయి. ఇది వాళ్లను ప్రమాదంలో పడేస్తాయి. ఆ తర్వాత ఏం జరిగిందన్నదే ఈ బూ మూవీ కథ.

ఈ సినిమా నేరుగా ఓటీటీలోకి వచ్చినా ప్రేక్షకుల నుంచి పెద్దగా రెస్పాన్స్ రాలేదు. ఐఎండీబీలోనూ 5 రేటింగ్ మాత్రమే వచ్చింది. చాలా వరకు నెగటివ్ రివ్యూలే వచ్చాయి. అయితే హారర్ థ్రిల్లర్ జానర్ చూడాలనుకుంటే మాత్రం ఈ బూ మూవీపై ఓ లుక్కేయొచ్చు. తెలుగు, తమిళం భాషల్లో జియోహాట్‌స్టార్ ఓటీటీలో స్ట్రీమింగ్ అవుతోంది.