గాంధీ జయంతి నాడు కోడి కూర తినాలనిపిస్తే.. ఓటీటీలోకి వచ్చేసిన కన్నడ కామెడీ డ్రామా.. ఐఎండీబీలో 8.5 రేటింగ్

ఓటీటీలోకి తాజాగా ఓ కన్నడ కామెడీ డ్రామా స్ట్రీమింగ్ కు వచ్చింది. గాంధీ జయంతి నాడు కోడి కూర కోసం తిరిగే ఓ 11 ఏళ్ల అమ్మాయి చుట్టూ తిరిగే కథతో నవ్వించే సినిమా ఇది. ఐఎండీబీలో 8.5 రేటింగ్ సొంతం చేసుకుంది.

కన్నడ కామెడీ డ్రామా నాలె రజా కోలి మజా (Naale Rajaa Koli Majaa) నెల రోజుల్లోనే ఓటీటీలోకి వచ్చింది. డైరెక్టర్ అభిలాష్ శెట్టి కోలి ట్రైలజీలో భాగంగా రూపొందించిన రెండో సినిమా ఇది. గత నెల 9న థియేటర్లలో రిలీజై పాజిటివ్ రివ్యూలు సొంతం చేసుకుంది. ఇప్పుడు ఓటీటీలో స్ట్రీమింగ్ కు వచ్చింది.

నాలె రజా కోలి మజా ఓటీటీ స్ట్రీమింగ్

గాంధీ జయంతి నాడు కోడి కూర తినాలనిపిస్తే.. ఓటీటీలోకి వచ్చేసిన కన్నడ కామెడీ డ్రామా.. ఐఎండీబీలో 8.5 రేటింగ్

కన్నడ కామెడీ డ్రామా నాలె రజా కోలి మజా మూవీ అమెజాన్ ప్రైమ్ వీడియో ఓటీటీలోకి శుక్రవారం (జూన్ 13) అడుగుపెట్టింది. ఓ డిఫరెంట్ కాన్సెప్ట్ తో తెరకెక్కిన సినిమా ఇది. మే 9న థియేటర్లలో రిలీజై మంచి రెస్పాన్స్ సంపాదించింది.

కన్నడలో కోలి అంటే కోడి అని అర్థం. కోడి ఫ్రాంఛైజీలో మొత్తం మూడు సినిమాలు తీయాలని డైరెక్టర్ అభిలాష్ శెట్టి నిర్ణయించాడు. తొలి సినిమా కోలి తాలి ఇప్పటికే రాగా.. ఇప్పుడు నాలె రజా కోలి మజా రెండో మూవీగా వచ్చింది.

నాలె రజా కోలి మజా స్టోరీ ఏంటంటే?

కన్నడ కామెడీ డ్రామా నాలె రజా కోలి మజా మూవీ స్టోరీ చాలా భిన్నంగా ఉంటుంది. గాంధీ జయంతి రోజు కోడి కూర తినాలనుకునే 11 ఏళ్ల అమ్మాయి చుట్టూ తిరిగే కథ ఇది. ఆమె ఇంట్లో ప్రతి ఆదివారం నాన్ వెజ్ కచ్చితంగా వండుతారు. అలా ఆ ఆదివారం కూడా కోడి కూర ఉంటుందని ఆమె ఎంతగానో ఆశిస్తుంది.

కానీ ఆ రోజు గాంధీ జయంతి రావడంతో చికెన్, మటన్ షాపులు అన్నీ మూతపడతాయి. కానీ ఆమె మాత్రం చికెన్ కోసం ప్రయత్నిస్తూనే ఉంటుంది. ఊరంతా తిరుగుతుంది. చివరికి తన అమ్మమ్మ వాళ్ల ఇంటికి కూడా వెళ్తుంది. చివరికి కోడి కూర తినాలన్న ఆమె కోరిక నెరవేరుతుందా లేదా అన్నది ఈ సినిమాలో చూడొచ్చు.