అసలు నాకు కన్నప్ప గురించి ఏమీ తెలియదు.. ఆఫర్ అలా వచ్చింది: కన్నప్ప డైరెక్టర్ కామెంట్స్

కన్నప్ప మూవీ డైరెక్టర్ ముకేశ్ కుమార్ సింగ్ ఇంట్రెస్టింగ్ కామెంట్స్ చేశాడు. అసలు తనకు కన్నప్ప గురించి ఏమీ తెలిసేది కాదని, చాలా రీసెర్చ్ చేసిన తర్వాతే ఈ సినిమాను డైరెక్ట్ చేసినట్లు చెప్పాడు. ఈ నెల 27న మూవీ థియేటర్లలో రిలీజ్ కానున్న విషయం తెలిసిందే.

మంచు విష్ణు లీడ్ రోల్లో నటిస్తూ నిర్మిస్తున్న మూవీ కన్నప్ప. ఈ సినిమా ఈ శుక్రవారం (జూన్ 27) థియేటర్లలో రిలీజ్ కాబోతోంది. ఈ నేపథ్యంలో టీమ్ ప్రమోషన్లలో బిజీగా ఉంది. ఇందులో భాగంగా డైరెక్టర్ ముకేశ్ కుమార్ సింగ్ ఈ మధ్య ఓ ఇంటర్వ్యూలో మాట్లాడుతూ.. అసలు తనకు కన్నప్ప గురించి మొదట ఏమీ తెలియదని చెప్పడం గమనార్హం.

అసలు నాకు కన్నప్ప గురించి ఏమీ తెలియదు.. ఆఫర్ అలా వచ్చింది: కన్నప్ప డైరెక్టర్ కామెంట్స్

కన్నప్ప గురించి ఏమీ తెలియదు

కన్నప్ప మూవీకి డైరెక్టర్ గా ఉన్నా కూడా ఇంతకుముందు తనకు ఆ శివుడి భక్తుడి గురించి ఏమీ తెలియదని డైరెక్టర్ ముకేశ్ చెప్పాడు. “లేదు, నాకు కన్నప్ప గురించి అస్సలు తెలియదు. నేను ఆంధ్రలో ఒక ఆధ్యాత్మిక ప్రయాణం చేసి చాలా సమాచారం సేకరించి విష్ణు వద్దకు తిరిగి వచ్చాను. అతను చాలా ఆకట్టుకున్నాడు. అలా ఈ ప్రాజెక్ట్ ఖరారైంది. నేను దర్శకుడిగా కన్ఫమ్ అయ్యాను” అని ముకేశ్ చెప్పాడు.

కన్నప్ప రీసెర్చ్ ఇలా..

ఇక తాను కన్నప్ప గురించి తెలుసుకోవడానికి చాలానే రీసెర్చ్ చేసినట్లు కూడా ఈ సందర్భంగా ముకేశ్ చెప్పాడు. “నేను తిరుపతి, శ్రీకాళహస్తిలోని చాలా దేవాలయాలను పదే పదే సందర్శించాను. చాలా మంది పూజారులతో మాట్లాడి కన్నప్ప ఎవరు, అతని చరిత్ర ఏమిటో అర్థం చేసుకున్నాను. విష్ణు కథ రాశాడు. అతనికి అప్పటికే చాలా సమాచారం ఉంది, అది సినిమాను డైరెక్ట్ చేయడానికి నాకు సహాయపడింది” అని ముకేశ్ తెలిపాడు.

ముకేశ్ కుమార్ సింగ్ గతంలో మహాభారత్ సిరీస్ ను డైరెక్ట్ చేశాడు. అది చూసే మంచు విష్ణు, మోహన్ బాబు అతనికి ఈ మూవీ డైరెక్ట్ చేసే అవకాశం ఇచ్చినట్లు ముకేశ్ చెప్పాడు.

పెద్ద స్టార్లతో పని చేయడంపై..

కన్నప్ప మూవీలో మంచు విష్ణుతోపాటు ప్రభాస్, మోహన్ లాల్, మోహన్ బాబులాంటి వాళ్లు ఎంతో మంది స్టార్లు నటించారు. అలాంటి వాళ్లను డైరెక్ట్ చేయడంపైనా ముకేశ్ స్పందించాడు. నిజానికి పెద్ద స్టార్స్ ను డైరెక్ట్ చేయడం సులభం అని అతడు అనడం విశేషం.

“వారు పూర్తిగా ప్రొఫెషనల్‌గా ఉన్నారు. స్పష్టమైన ఆలోచనతో వచ్చారు. అవసరమైనది చేశారు. ఈ పెద్ద స్టార్స్‌ను హ్యాండిల్ చేయడం టీవీ స్టార్స్‌ను హ్యాండిల్ చేయడం కంటే సులభం అని చెప్పగలను. మోహన్ బాబు నాకు పూర్తి సపోర్ట్ ఇచ్చారు. ప్రభాస్ చాలా మంచి వ్యక్తి.

ఈ పెద్ద స్టార్లు భారీ ప్రభావాన్ని సృష్టిస్తారు. వారి అతిథి పాత్రలు అభిమానులను ఎంతగానో ఆకట్టుకుంటాయి” అని ముకేశ్ చెప్పాడు. కన్నప్ప మూవీ శుక్రవారం (జూన్ 27) ప్రేక్షకుల ముందుకు రానుంది. మరి ఈ భారీ బడ్జెట్ పాన్ ఇండియా మూవీ ఎంత మేర ఆకట్టుకుంటుందో చూడాలి.