హోంబలే ఫిల్మ్స్ తెలుసు కదా. కేజీఎఫ్, సలార్, కాంతారలాంటి సినిమాలతో పాన్ ఇండియా లెవెల్లో పాపులర్ అయిన నిర్మాణ సంస్థ. ఇప్పుడీ హోంబలే ఫిల్మ్స్ మహావతార్ సినిమాటిక్ యూనివర్స్ పేరుతో రాబోయే 12 ఏళ్లలో 7 భారీ బడ్జెట్ యానిమేటెడ్ సినిమాలను రూపొందించబోతోంది. అందులో ప్రభాస్ కూడా భాగం కానున్నాడన్న వార్తలు వస్తున్నాయి.
మహావతార్ సినిమాటిక్ యూనివర్స్
హోంబలే ఫిల్స్మ్ 2014లో మొదలైంది. కానీ వాళ్లు 2018లో నిర్మించిన కేజీఎఫ్ మూవీతో వాళ్ల లెవెల్ ఎక్కడికో వెళ్లిపోయింది. ఆ తర్వాత కేజీఎఫ్ 2, సలార్, కాంతారలతో ఇక వెనుదిరిగి చూడలేని స్థాయికి చేరింది. ఇప్పుడీ హోంబలే ఫిల్మ్స్ మహావతార్ సినిమాటిక్ యూనివర్స్ ప్రారంభించింది. ఇందులో భాగంగా 2025 నుంచి 2037 వరకు 12 ఏళ్లలో ఏడు యానిమేషన్ సినిమాలను తీసుకురానున్నట్లు వెల్లడించింది. ఆ సినిమా టైటిల్స్ ను కూడా బుధవారం (జూన్ 25) ఓ వీడియో ద్వారా అనౌన్స్ చేసింది.
హోంబలే ఫిల్మ్స్ మహావతార్ సినిమాటిక్ యూనివర్స్ నుంచి ఈ ఏడాది మొదటగా మహావతార్ నరసింహ రానుంది. ఆ తర్వాత 2027లో మహావతార్ పరశురామ్, 2029లో మహావతార్ రఘునందన్, 2031లో మహావతార్ ద్వారకాదీష్, 2033లో మహావతార్ గోకులనంద, 2035లో మహావతార్ కల్కి పార్ట్ 1, 2037లో మహావతార్ కల్కి పార్ట్ 2 సినిమాలు రానున్నాయి.
ఈ వీడియోను తమ ఎక్స్ అకౌంట్లో షేర్ చేస్తూ.. “అవకాశాలు అనంతం, మా కథలు తెరపై గర్జించడం చూసేందుకు ఉత్సాహంగా ఉన్నాం. భారీ సినిమాటిక్ జర్నీకి సిద్ధం కండి! అద్భుతమైన సినిమా అనుభవం కోసం సిద్ధంగా ఉండండి.” అనే క్యాప్షన్ తో హెంబలే ఫిల్మ్స్ ఈ ట్వీట్ చేసింది.
ప్రభాస్ కూడా ఉంటాడా?
హోంబలే ఫిల్మ్స్ వచ్చే 12 ఏళ్లలో రాబోయే తన ప్రాజెక్టుల గురించి వెల్లడించింది. అయితే ఈ కొత్త సినిమాటిక్ యూనివర్స్ లో రెబల్ స్టార్ ప్రభాస్ కూడా ఉంటాడా అన్న సందేహాలు వ్యక్తమవుతున్నాయి. అతడు ఇప్పటికే సలార్ చేశాడు. సలార్ 2 కూడా రాబోతోంది. మొత్తంగా మరో మూడు సినిమాలకు అతడు హోంబలే ఫిల్మ్స్ తో ఒప్పందం కుదుర్చుకున్న విషయం తెలిసిందే.
{{/usCountry}}హోంబలే ఫిల్మ్స్ వచ్చే 12 ఏళ్లలో రాబోయే తన ప్రాజెక్టుల గురించి వెల్లడించింది. అయితే ఈ కొత్త సినిమాటిక్ యూనివర్స్ లో రెబల్ స్టార్ ప్రభాస్ కూడా ఉంటాడా అన్న సందేహాలు వ్యక్తమవుతున్నాయి. అతడు ఇప్పటికే సలార్ చేశాడు. సలార్ 2 కూడా రాబోతోంది. మొత్తంగా మరో మూడు సినిమాలకు అతడు హోంబలే ఫిల్మ్స్ తో ఒప్పందం కుదుర్చుకున్న విషయం తెలిసిందే.
{{/usCountry}}ఒకవేళ ఈ యానిమేటెడ్ యూనివర్స్ లో అతడు ఉంటే.. వీటిలో అతని పాత్ర ఏంటన్న చర్చ మొదలైంది. నరసింహ, పరశురామ, ద్వారకాదీష, గోకులనంద, రఘునందన అంటూ.. విష్ణు మూర్తి అవతారాలపై సినిమాలు చేయడానికి హోంబలే సిద్ధమైంది. అయితే ప్రభాస్ ఇప్పటికే పదో అవతారమైన కల్కిపై మూవీ చేశాడు. రెండో భాగం కూడా రానుంది. ఇప్పుడు హోంబలే యానిమేటెడ్ యూనివర్స్ నుంచి కూడా కల్కిపై మరో రెండు పార్ట్లు వస్తుండటం విశేషం.