E-Paper
మలయాళ సస్పెన్స్ థ్రిల్లర్ మూవీ.. తెలుగులో ఓటీటీలోకి.. స్ట్రీమింగ్ మొదలైంది.. ఐఎండీబీలో 8.3 రేటింగ్
మలయాళం సస్పెన్స్ థ్రిల్లర్ మూవీ ఇప్పుడు తెలుగులో స్ట్రీమింగ్ అవుతోంది. గురువారం (ఆగస్టు 21) ఈటీవీ విన్ ఓటీటీలోకి ఈ మూవీ అడుగుపెట్టింది. ఐఎండీబీలో 8.3 రేటింగ్ సాధించిన ఈ సినిమాకు మంచి రివ్యూలు కూడా వచ్చాయి.
మలయాళం థ్రిల్లర్ మూవీ ఫ్యాన్స్ కు ఓ గుడ్ న్యూస్. ఇప్పుడో మలయాళం కామెడీ సస్పెన్స్ థ్రిల్లర్ మూవీ గురువారం (ఆగస్టు 21) ఓటీటీలోకి వచ్చింది. ఈ సినిమా పేరు సూత్రవాక్యం (Soothravakyam). ప్రముఖ మలయాళ నటుడు షైన్ టామ్ చాకో నటించిన ఈ సినిమాకు ఐఎండీబీలో 8.3 రేటింగ్ ఉండటం విశేషం.
సూత్రవాక్యం ఓటీటీ స్ట్రీమింగ్
ఈ ఏడాది మలయాళం ఇండస్ట్రీ నుంచి వచ్చిన మరో ఇంట్రెస్టింగ్ మూవీ సూత్రవాక్యం. ఇదో డిఫరెంట్ కామెడీ సస్పెన్స్ థ్రిల్లర్ మూవీ. ఈ మూవీ గురువారం (ఆగస్టు 21) ఈటీవీ విన్ ఓటీటీలోకి తెలుగులో స్ట్రీమింగ్ కు వచ్చింది.
“ప్రతి కుటుంబం ఓ రహస్యాన్ని దాచి పెడుతుంది.. కానీ నిజం బయటపడినప్పుడు ఏం జరుగుతుంది? సూత్రవాక్యం ఇప్పుడు కేవలం ఈటీవీ విన్ లో స్ట్రీమింగ్ అవుతోంది” అనే క్యాప్షన్ తో ట్వీట్ చేసింది. ఈ సందర్భంగా ఓ తెలుగు పోస్టర్ కూడా రిలీజ్ చేసింది.
సూత్రవాక్యం మూవీ గురించి..
సూత్రవాక్యం మూవీ జూన్ 11న థియేటర్లలో రిలీజైంది. ఈ మూవీని యూజీన్ జోస్ చిరమ్మెల్ డైరెక్ట్ చేశాడు. ఇక ఈ సినిమాలో షైన్ టామ్ చాకో, విన్సీ అలోషియస్, దీపక్ పరంబోల్, శ్రీకాంత్ కండ్రాగుల నటించారు. ఈ సినిమాలో క్రిస్టో జేవియర్ అనే పోలీస్ ఆఫీసర్ పాత్రలో చాకో కనిపించాడు. అతనికి ఓ మంచి పోలీసుగా పేరుంటుంది.
అంతేకాదు తన పోలీస్ స్టేషన్ లోనే స్థానిక 11వ తరగతి పిల్లలకు ఫ్రీగా ట్యూషన్లు చెబుతుంటాడు. అయితే అతని రూపంలో అక్కడే ట్యూషన్లు చెప్పే నిమిష (విన్సీ అలోషియస్)కు పోటీ ఎదురవుతుంది. ఆమె దగ్గరకు వచ్చే పిల్లలు కూడా క్రిస్టో దగ్గరికి వెళ్తుంటారు. అయితే క్రిస్టో దగ్గరికి వచ్చే ఆర్య (అనఘ) అనే అమ్మాయికి తన అన్న వివేక్ (దీపక్ పరంబోల్) వేధింపులు మొదలవుతాయి.
అక్కడే ఈ మూవీ థ్రిల్లింగ్ ట్విస్ట్ తీసుకుంటుంది. ఓ ఫ్యామిలీ డ్రామా అనిపించిన మూవీ కాస్తా.. తర్వాత థ్రిల్ పంచుతుంది. ఈ సినిమాకు ఐఎండీబీలోనూ 8.3 రేటింగ్ వచ్చింది. తెలుగులోనూ ఈటీవీ విన్ ఓటీటీలోకి స్ట్రీమింగ్ కు రావడంతో ఓటీటీలో ఈ సినిమాకు మరింత మంచి రెస్పాన్స్ వచ్చే అవకాశాలు కనిపిస్తున్నాయి.
