కలెక్షన్ కింగ్ మంచు మోహన్ బాబు, 'హాస్యబ్రహ్మా' బ్రహ్మానందం మధ్య మంచి అనుబంధం ఉంది. గతంలో కొన్ని ఈవెంట్లలో ఈ ఇద్దరు సరదాగా ముచ్చటించుకున్నారు. ఒకరిపై ఒకరు జోక్స్ వేసుకున్నారు. తాజాగా మరోసారి అలాంటిదే జరిగింది. నేడు (జూన్ 21) జరిగిన కన్నప్ప సినిమా ప్రీ-రిలీజ్ ఈవెంట్లో మోహన్ బాబు గురించి సరదాగా మాట్లాడారు బ్రహ్మానందం. ఈ సినిమాలో రెబల్ స్టార్ ప్రభాస్ ఎందుకు నటించారో, ఆయన పాత్ర ఎలా ఉండనుందో కూడా చెప్పారు.
ప్రభాస్ డబ్బు కోసం కాదు
ప్రపంచం గర్వించదగ్గ నటుడు ప్రభాస్అని బ్రహ్మానందం అన్నారు. కన్నప్ప సినిమాను ప్రభాస్ డబ్బు కోసమో, గొప్ప క్యారెక్టర్ వచ్చిందో అని అంగీకరించలేదని బ్రహ్మానందం అన్నారు. ప్రభాస్ గొప్ప మానవతా విలువలు ఉన్న మంచి మనిషి అని, ఎవరైనా ఏదైనా అడిగితే ప్రభాస్ కాదనరని చెప్పారు. మోహన్ బాబుకు ప్రభాస్ చాలా సన్నిహితుడు అని, అందుకే ప్రభాస్ ఈ చిత్రం చేశారని బ్రహ్మానందం చెప్పారు.
మోహన్ బాబు ఓ ఆల్కహాల్.. ప్రభాస్ పాత్ర అద్భుతం
మోహన్ బాబు ఓ చిన్న ఆల్కహాల్ లాంటి వారని, అలవాటైతే వదిలిపెట్టలేమని బ్రహ్మానందం అన్నారు. “మోహన్ బాబు మత్తులో, ప్రేమలో మునిగితేలినటువంటి వ్యక్తి ప్రభాస్” అని బ్రహ్మానందం అన్నారు. ఈ చిత్రంలో ప్రభాస్ పాత్ర అద్భుతంగా ఉంటుందని చెప్పారు. “శివ ప్రభాసుడు, శివుడితో ప్రకాశవంతంగా వెలిగేవాడు. ఆరడుగుల అందగాడు. ప్రభాస్ అలా వస్తున్నప్పుడు ఒళ్లు గగుర్పొడుస్తుంది. వీర తాండవం, శివతాండవం చేసేలా ప్రభాస్ నటించారు. నేను చూశా” అని బ్రహ్మానందం చెప్పారు. ప్రభాస్ గురించి చెబుతున్నంతసేపు ప్రేక్షకులకు కేరింతలతో ఆడిటోరియం మోతెక్కిపోయింది.
మోహన్ బాబు నాకు నచ్చడు
మోహన్ బాబులో నచ్చిన, నచ్చని విషయాలు చెప్పాలని బ్రహ్మానందాన్ని యాంకర్ సుమ అడిగారు. దీనికి సరదాగా సమాధానం చెప్పారు బ్రహ్మానందం. నచ్చినవి, నచ్చనవీ ఏవీ లేవని చెప్పారు. “అసలు మోహన్ బాబే నచ్చడు నాకు” అని సరదాగా అన్నారు బ్రహ్మీ. అవాక్కయ్యానని సుమ అంటే.. అందుకు చాలా కారణాలు ఉన్నాయంటూ సరదాగా అన్నారు బ్రహ్మానందం.
మోహన్ బాబు అంటే బ్రహ్మానందానికి చాలా ఇష్టమని, ఆయన ఇందాక చెప్పినవన్నీ సరదాగానే అని సుమ అన్నారు. దీనికి ఆయన కూడా తలఊపారు. “ఒక మహానటుడిని ఇష్టపడని వారు ఎవరు ఉంటారు” అని బ్రహ్మానందం చెప్పారు.
{{/usCountry}}మోహన్ బాబు అంటే బ్రహ్మానందానికి చాలా ఇష్టమని, ఆయన ఇందాక చెప్పినవన్నీ సరదాగానే అని సుమ అన్నారు. దీనికి ఆయన కూడా తలఊపారు. “ఒక మహానటుడిని ఇష్టపడని వారు ఎవరు ఉంటారు” అని బ్రహ్మానందం చెప్పారు.
{{/usCountry}}కన్నప్ప చిత్రం జూన్ 27వ తేదీన విడుదల కానుంది. శివుడి మహాభక్తుడు కన్నప్ప పాత్రను ఈ చిత్రంలో పోషించారు మంచు విష్ణు. ఈ మూవీని మోహన్ బాబు నిర్మించడంతో పాటు ఓ ముఖ్యమైన పాత్రలో నటించారు. ఈ మూవీలో రెబల్ స్టార్ ప్రభాస్ ఓ కీలకపాత్ర పోషించారు. మోహన్ లాల్, అక్షయ్ కుమార్, కాజల్ అగర్వాల్ కూడా నటించారు. బ్రహ్మానందం కూడా ఓ పాత్రలో కనిపించనున్నారు. కన్నప్పమూవీకి ముకేశ్ కుమార్ సింగ్ దర్శకత్వం వహించారు.