ఓటీటీలోకి ఇవాళ వచ్చేసిన తెలుగు ఫ్యామిలీ ఎమోషనల్ మూవీ.. తండ్రికూతుళ్ల అనుబంధంతో హత్తుకునేలా.. ఎక్కడంటే?

ఓటీటీలోకి ఇవాళ తెలుగు ఫ్యామిలీ ఎమోషనల్ డ్రామా మూవీ నగుమోము కనలేని స్ట్రీమింగ్‌కు వచ్చేసింది. తనికెళ్ల భరణి, శరణ్య శర్మ, ఇందుమతి, రాజా చెంబోలు ప్రధాన పాత్రలు పోషించిన ఈ సినిమాను తండ్రీకూతుళ్ల అనుబంధం, భావోద్వేగాలతో తెరకెక్కించారు. మరి నగుమోము కనలేని ఓటీటీ స్ట్రీమింగ్ ఎక్కడ తెలుసుకుందాం.

ఓటీటీలోకి ఎప్పటికప్పుడు ప్రతివారం సరికొత్త సినిమాలు స్ట్రీమింగ్ అవుతుంటాయి. అలా ఈ వారం కూడా సుమారుగా 30కిపైగా ఓటీటీ సినిమాలు డిజిటల్ స్ట్రీమింగ్‌కు వచ్చాయి. వాటిలో ఎక్కువగా శుక్రవారం (జూలై 18) ఎక్కువగా 20 వరకు సినిమాలు ఓటీటీ రిలీజ్ అయ్యాయి.

ఓటీటీలోకి ఇవాళ వచ్చేసిన తెలుగు ఫ్యామిలీ ఎమోషనల్ మూవీ.. తండ్రికూతుళ్ల అనుబంధంతో హత్తుకునేలా.. ఎక్కడంటే?

ఓటీటీలోకి ఎమోషనల్ ఫ్యామిలీ చిత్రం

ఇక ఇవాళ (జూలై 20) ఓటీటీలోకి తెలుగు ఫ్యామిలీ ఎమోషనల్ డ్రామా చిత్రం డిజిటల్ ప్రీమియర్‌కు వచ్చేసింది. ఆ సినిమానే నగుమోము కనలేని. ఈ మూవీలో సీనియర్ నటుడు తనికెళ్ల భరణి తండ్రి పాత్రలో నటించాడు. ఆయనతోపాటు శరణ్య శర్మ, ఇందుమతి, రాజా చెంబోలు, ఫణి ప్రకాష్, నెహల్, జయ పరమేశ్వరన్, సుస్మిత, శ్రీనివాస్, రాజు, కిశోర్, సందీప్ ఇతర పాత్రలు పోషించారు.

మనసుకు హత్తుకునే భావోద్వేగాలు

నగుమోము కనలేని సినిమాను తండ్రీకూతుళ్లమధ్య అనుబంధం, భావోద్వేగాలతో ఎమోషనల్‌గా మనసుకు హత్తుకునేలా చిత్రీకరించారు డైరెక్టర్ అనురాధ. లేడి దర్శకురాలు తెరకెక్కించిన నగుమోము కనలేని ఓటీటీలోకి ఇవాళ వచ్చేసింది.

నగుమోము కనలేని ఓటీటీ రిలీజ్

ఈటీవీ విన్‌లో నగముమోము కనలేని ఓటీటీ స్ట్రీమింగ్ అవుతోంది. కేవలం తెలుగు భాషలో ఇవాళ నగుమోము కనలేని ఓటీటీ రిలీజ్ అయింది. అయితే, గత కొంతకాలంగా ఈటీవీ విన్‌లో కథా సుధా అనే మినీ ఓటీటీ సిరీస్‌తో అతి తక్కువ నిడివి గల తెలుగు సినిమాలను డిజిటల్ ప్రీమియర్ చేస్తున్నారు.

కథా సుధాలో భాగంగా

ఈ క్రమంలోనే ఇవాళ కథా సుధా మినీ సిరీస్‌లో భాగంగా నగుమోము కనలేని ఓటీటీ స్ట్రీమింగ్ చేశారు. కేవలం 36 నిమిషాల 9 సెకన్ల రన్ టైమ్‌తో నగుమోము కనలేని సినిమాను రూపొందించారు. రీసెంట్‌గానే నగుమోము కనలేని ట్రైలర్‌ను ఈటీవీ విన్ తన ఇన్స్టాగ్రామ్ అకౌంట్‌లో రిలీజ్ చేసింది.

స్నేహితుల్లా తండ్రీకూతుళ్లు

ఇక నగుమోము కనలేని కథ విషయానికొస్తే.. తండ్రీ, తల్లి, కూతురు ముగ్గురు కలిసి సంతోషంగా జీవిస్తుంటారు. తల్లి కంటే ఎక్కువగా తండ్రిని కూతురు ప్రేమిస్తుంది. అలాగే, తండ్రి కూడా కూతురుని బాగా గారాబం చేస్తూ పెంచుతాడు. తండ్రీకూతుళ్లు ఇద్దరు స్నేహితుల్లా సందడి చేస్తుంటారు.

నగుమోము కనలేని ట్విస్టులు

ఇలా ఆనందంగా సాగుతున్న వారి జీవితంలోకి ఓ ఊహించని వ్యక్తి వస్తాడు. తల్లిదండ్రుల మాట ఎప్పుడు కూడా వినని ఆ కుమార్తె అతని మాట విని ఒకేచోట ఉండిపోతుంది. ఆ తర్వాత ఏమైంది?, ఎవరా వ్యక్తి? తండ్రికి దూరంగా కూతురు ఎందుకు ఉండాల్సి వచ్చింది? వంటి ఫ్యామిలీ ఎమోషన్స్‌తో సాగే సినిమానే నగుమోము కనలేని మూవీ కథ.