చిరంజీవి, విజయశాంతి పాత్రలతో సరికొత్త సీరియల్.. పగ తీర్చుకునే చెల్లి కథ.. 2 రోజుల్లో ప్రారంభం!

బుల్లితెరపై సరికొత్త సీరియల్ ఆటో విజయశాంతి ప్రారంభం కానుంది. ఈ సీరియల్‌లో ప్రధాన పాత్రల పేర్లు చిరంజీవి, విజయశాంతి కావడం విశేషంగా మారింది. అన్న చావుకు పగ తీర్చుకునే చెల్లి కథతో తెరకెక్కిన ఆటో విజయశాంతి సీరియల్ మరో రెండు రోజుల్లో జీ తెలుగులో ప్రారంభం కానుంది.

ఆసక్తికరమైన మలుపులు, అదిరిపోయే ట్విస్ట్‌​లతో సాగే సీరియళ్లను అందిస్తున్న జీ తెలుగు మరో ఆసక్తికరమైన అంశంతో సాగే సీరియల్‌​ను అందించేందుకు సిద్ధమైంది. ఆకట్టుకునే కథ, కథనం ప్రేక్షకులను అలరించేందుకు జీ తెలుగు అందిస్తున్న సరికొత్త ధారావాహిక ‘ఆటో విజయశాంతి’.

చిరంజీవి, విజయశాంతి పాత్రలతో సరికొత్త సీరియల్.. పగ తీర్చుకునే చెల్లి కథ.. 2 రోజుల్లో ప్రారంభం!

ఆటో విజయశాంతి టీవీ ప్రీమియర్

కుటుంబ బాధ్యతలు, ప్రేమ, త్యాగం వంటి భావోద్వేగాలతో అల్లుకున్న కథతో రూపొందుతున్న ‘ఆటో విజయశాంతి’ జులై 7న ప్రారంభం కానుంది. అంటే, సోమవారం నుంచి శుక్రవారం వరకు ఈ సీరియల్ ప్రసారం కానుంది. జీ తెలుగులో జులై 7న టీవీ ప్రీమియర్ కానున్న ఆటో విజయశాంతి సీరియల్ రాత్రి 9:30 గంటలకు ప్రసారం కానుంది.

చెల్లెళ్ల కథ

ఆటో విజయశాంతి సీరియల్​ కథ కుటుంబ బాధ్యతలు, బంధాల చుట్టూ అల్లుకున్న కథతో తెరకెక్కింది. చెల్లెళ్లను ప్రేమగా పెంచుకునే రజినీకాంత్ ​(అలీ రెజా) ఓ ప్రమాదంలో చనిపోవడంతో కథ మొదలవుతుంది. అన్న బాధ్యతలను నెరవేర్చేందుకు ఆటో డ్రైవర్‌​గా మారుతుంది విజయశాంతి (వర్షిణి).

అన్న చావుకు ప్రతీకారం

అన్న చావుకి కారణమైన వాళ్లపై పగ సాధించాలనుకుంటుంది దుర్గ (సాండ్ర). అనుకోకుండా విజయశాంతి జీవితంలోకి వస్తాడు చిరంజీవి (స్వామి). తల్లిని కోల్పోయి, తండ్రి ప్రేమకు నోచుకోని చిరంజీవి.. విజయశాంతి మనసు ఎలా గెలుస్తాడు? తన అన్న చావుకి ప్రతీకారం తీర్చుకునేందుకు దుర్గ ఏం చేయబోతోంది? అనే విషయాలు తెలుసుకోవాలంటే జీ తెలుగులో ప్రసారమయ్యే ఆటో విజయశాంతి సీరియల్‌​ని తప్పకుండా చూడాల్సిందే అంటున్నారు మేకర్స్.

ఆటో విజయశాంతి నటీనటులు

కుటుంబ నేపథ్యంలో రూపొందుతున్న ఈ ధారావాహికలో స్వామి, వర్షిణి ప్రధాన పాత్రల్లో నటించారు. బిగ్ బాస్ ఫేమ్ అలీ రెజా, సాండ్ర, సంధ్య, రాజేష్, నిహాల్, మహర్షి రాఘవ వంటి ప్రముఖ నటీనటులు కీలక పాత్రల్లో కనిపించనున్నారు.

జీ తెలుగులో

ప్రతిభావంతులైన నటీనటులు, ఆకట్టుకునే కథతో తెరకెక్కుతున్న ఆటో విజయశాంతి సీరియల్​ జీ తెలుగు ప్రేక్షకులకు రెట్టింపు వినోదం అందించేందుకు సిద్ధమైంది. అద్భుతమైన కథాంశం, ఆసక్తికరమైన మలుపులతో సాగే ఆటో విజయశాంతి సీరియల్​‌ను తప్పక చూడండి అంటూ మేకర్స్ కోరారు.