నిన్ను కోరి జూన్ 23 ఎపిసోడ్: శాలిని చెంపలు వాయించిన చంద్రకళ- విరాట్‌కు తిరిగి దక్కిన తల్లి ప్రేమ- శ్యామలకు తెలిసిన నిజం!

నిన్ను కోరి సీరియల్ జూన్ 23 ఎపిసోడ్‌లో క్రాంతిని స్పాన్సర్స్ తిట్టి వెళ్లిపోతారు. అంతా చంద్రను అంటారు. శాలిని చెంపలు వాయించిన చంద్ర ఇదంతా నువ్వే చేశావని తెలుసు. ఇంకోసారి చేస్తే అందరిముందు నిజం బయటపెడతానని వార్నింగ్ ఇస్తుంది చంద్రకళ. విరాట్‌కు దెబ్బ తగిలితే జగదీశ్వరి కట్టు కడుతుంది.

నిన్ను కోరి సీరియల్ ఈరోజు ఎపిసోడ్‌లో క్రాంతి సబ్‌మిట్ చేసిన డిజైన్స్ కాపీ కొట్టినవని స్పాన్సర్స్ తిడతారు. క్రాంతి కాకపోయింటే చంద్రకళ కాపీ కొట్టి ఉండొచ్చు. ముందే తెలిసింది కాబట్టి లేకుంటే మిమ్మల్ని చీటింగ్ చేసేవారనుకునేవాళ్లు అని స్పాన్సర్ అంటాడు. ఒకే డిజైన్‌ను ఇద్దరు వేసిండొచ్చుగా అని విరాట్అంటాడు.

నిన్ను కోరి సీరియల్ జూన్ 23 ఎపిసోడ్‌

ప్లాన్‌డ్‌గా చేసిన ఇన్సల్ట్

అదంతా మాకు తెలియదు. మా రెండు రోజుల్లో తిరిగి ఇచ్చి కాంట్రాక్ట్ క్యాన్సిల్ చేసుకోండి. లేకుంటే లీగల్‌గా వెళ్తామని స్పాన్సర్స్ వెళ్లిపోతారు. దాంతో శాలిని వచ్చి కావాలనే కాపీ డిజైన్స్ చేయించాని చంద్రకళను తిడుతుంది శాలిని. ఇది ప్లాన్‌డ్‌గా చేసిన ఇన్సల్ట్ క్రాంతి అని శాలిని అంటుంది. దాంతో శాలిని ఫొటోలు తీయడం గుర్తు చేసుకుంటుంది చంద్ర.

కానీ, ఇది చెబితే జీవితంలో శాలిని మొహం క్రాంతి చూడడు అని చెప్పకుండా ఉంటుంది. కామాక్షి, శ్రుతి కూడా వచ్చి చంద్రను అంటారు. ఆయన చెప్పినట్లే క్రాంతి ఐడియా ఇంకొకరికి వచ్చినట్లుందని చంద్ర అంటుంది. శాలిని కోపంగా వెళ్లిపోతుంది. ఆ తర్వాత శాలిని దగ్గరికి వెళ్లిన చంద్రకళ లాగిపెట్టి కొడుతుంది. శాలిని కొట్టబోతుంటే ఆపి మళ్లీ తిరిగి చెంపలు వాయిస్తుంది చంద్ర.

సొంత భర్తను ఫ్రాడ్‌లా చూపించాలనుకున్నావ్ సిగ్గులేదా. ఫొటోలు తీసి వేరేవాళ్లకు పంపించింది నువ్వే కదా. ఫొటోలు తీయడం నేను చూశాను. భర్త మీద ఇంత ఇగోనా అని శాలినిని నిలదీస్తుంది చంద్రకళ. నా భర్త మీద కాదు నీ మీద. నువ్ క్రాంతికి సపోర్ట్ చేయడం, నీ గురించి క్రాంతి గొప్పగా చెప్పడం నాకు నచ్చలేదు. మధ్యలో నువ్వు ఎవ్వతివే అని శాలిని అంటుంది.

నాతో చూసుకో

దాంతో శాలినికి సరైన కౌంటర్ ఇస్తుంది చంద్ర. ఫ్యామిలీకి సమస్య వచ్చేలా చేస్తే ఊరుకోను. ఏదైనా ఉంటే నాతో చూసుకో. క్రాంతిని కాదు. ఇలా చేస్తే నీ నిర్వాకం బయటపెడతాను. ఇదే క్రాంతికి చెబితే నిన్ను బయటకు పంపిస్తారు. మారితే నీకే మంచిది. లేకుంటే ఈ చంద్రకళ ఏంటో చూపిస్తాను అని వార్నింగ్ ఇచ్చి వెళ్లిపోతుంది చంద్ర.

క్రాంతి ఫీల్ అవుతుంటే జగదీశ్వరి వచ్చి ఓదార్చి సపోర్ట్ చేస్తుంది. నా వల్ల చంద్ర వదినను చీటర్ అన్నారు. తనెంత బాధపడుతుందో అని క్రాంతి అంటాడు. నేనేం బాధపడట్లేదు. నేనేం తప్పు చేయలేదుగా అని చంద్ర అంటుంది. శాలిని దగ్గరికి కామాక్షి, శ్రుతి వెళ్లి క్రాంతికి అలా చేసినవాళ్లకు పక్షవాతం రావాలని, నడుము విరిగి మూలపడాలి అని శాపనార్థాలు పెడుతుంది.

శాలినికి శాపనార్థాలు పెడతారు కామాక్షి, శ్రుతి. దాంతో శాలిని భయపడుతుంది. క్రాంతి డిజైన్స్ లీక్ చేసింది శాలినినే. మొగుడునే ముంచేసిందే. మనల్ని కూడా కాటేస్తుందే. మనం జాగ్రత్తగా ఉండాలే అని కామాక్షి, శ్రుతి భయపడిపోతారు. విరాట్‌, చంద్రకళకు ముచ్చటగా మూడోరాత్రి అని శ్యామల చెబుతుంది. విరాట్ నడుస్తుంటే కాలు తగిలి కిందపడతాడు.

చలించిపోయిన తల్లి

అదే సమయంలో విరాట్ చేతికి కత్తి తగిలి రక్తం వస్తుంది. అది చూసిన జగదీశ్వరి చలించిపోయి కొడుకును దగ్గరికి తీస్తుంది. చూసుకోవాలిగా అంటూ ఏడుస్తుంది. చంద్రను ఫస్ట్ ఎయిడ్ బాక్స్ తీసుకురమ్మని విరాట్‌కు కట్టు కడుతుంది జగదీశ్వరి. అడుగు ముందు చూపుతో వేయాలి అని కొడుకు సలహా ఇచ్చి వెళ్లిపోతుంది జగదీశ్వరి. చంద్రతో పెళ్లి తర్వాత తల్లి మాట్లాడటంతో విరాట్‌కు తిరిగి తల్లి పేమ దక్కుతుంది. దాంతో విరాట్ సంతోషంగా వెళ్లిపోతాడు.

కట్టు చూసుకుంటూ సంబరపడతాడు. తర్వాత తల్లితో చంద్రకళ ఉన్న ఫొటోను శ్యామల చూసేలా శాలిని పడేస్తుంది. చంద్రకళ ముందే ఆ ఫొటోను చూస్తుంది శ్యామల. చంద్రకళ తల్లి ఎవరనే నిజం శ్యామలకు తెలుస్తుంది. అక్కడితో నేటి నిన్ను కోరి సీరియల్ ఎపిసోడ్ ముగుస్తుంది.