హీరో రామ్ రాసిన లవ్ మెలోడీ.. అనిరుధ్ వాయిస్ మ్యాజిక్.. ఆంధ్ర కింగ్ తాలూకా మూవీ నుంచి నువ్వుంటే చాలే సాంగ్ లిరిక్స్

టాలీవుడ్ ఎనర్జిటిక్ స్టార్ పోతినేని రామ్ లిరిసిస్ట్ గా మారాడు. మనసును తాకే లవ్ మెలోడీ సాంగ్ రాశాడు. ఆంధ్ర కింగ్ తాలూకా సినిమా నుంచి నువ్వుంటే చాలే అంటూ సాగే పాట ఇప్పుడు తెగ ట్రెండ్ అవుతోంది. ఈ సాంగ్ లిరిక్స్ మీకోసం.

Published on: Jul 20, 2025, 14:33:30 IST

By HT Telugu Desk, Chandu Shanigarapu

Prefer HTon Google

Share via

Copy link

నువ్వుంటే చాలే.. ఇప్పుడు యూట్యూబ్ లో, సోషల్ మీడియాలో ఎక్కువగా వినిపిస్తున్న పాట ఇది. ఈ లవ్ మెలోడీ సాంగ్ ఇంటర్నెట్ ను ఊపేస్తోంది. పోతినేని రామ్ హీరోగా యాక్ట్ చేస్తున్న ‘ఆంధ్ర కింగ్ తాలూకా’ మూవీ నుంచి రిలీజైన ఈ సాంగ్ ఒక్క రోజులోనే తెగ హల్ చల్ చేస్తోంది. యూట్యూబ్ లో ట్రెండింగ్ అవుతోంది. ఈ సాంగ్ లిరిక్స్ ఇక్కడ చూసేయండి.

హీరో రాసిన పాట

ఆంధ్ర కింగ్ తాలూకా నుంచి శుక్రవారం (జులై 18) రిలీజైన ‘నువ్వుంటే చాలే’ సాంగ్ అదరగొడుతోంది. ఈ పాటను స్వయంగా హీరో పోతినేని రామ్ రాయడం విశేషం. లిరిసిస్ట్ గా రామ్ డెబ్యూ చేశాడు. అతను రాసిన పదాలు మనసులను హత్తుకుంటున్నాయి. ఈ సాహిత్యానికి అనిరుధ్ రవిచందర్ మ్యాజిక్ వాయిస్ తోడవడంతో పాట్ మరో లెవెల్ కు వెళ్లిపోయింది.

మహేష్ బాబు.పి డైరెక్షన్ లో వస్తున్న ఆంధ్ర కింగ్ తాలూకా సినిమాలో పోతినేని రామ్, భాగ్యశ్రీ బోర్సే నటిస్తున్నారు. మైత్రి మూవీ మేకర్స్ బ్యానర్ పై నవీన్ యెర్నేని, రవి శంకర్ నిర్మిస్తున్నారు. వివేక్, మెర్విన్ డ్యుయో మ్యూజిక్ అందిస్తున్నారు.

నువ్వుంటే చాలే సాంగ్ లిరిక్స్

ఒక చూపుతో నాలోనే పుట్టిందే…

ఏదో వింతగా గుండెలో చేరిందే…

నువ్వెవ్వరు నాలో అని అడిగానే…

తానేగా ప్రేమని తెలిపిందే…

పరిచయం లేదని అడిగా ప్రేమంటే..

కలిసామ్ గా ఇకపై మనమేగా అందే

వెతికిన దొరకని అర్థం ప్రేమదే

అది నీకేంటో ఒక మాటలో చెప్పాలే..

నువ్వుంటే చాలే…

మాటలతో చెప్పమంటే చెప్పలేనే

భావమేదో భాషలకే అందనందే

అదేమిటో కుదురుగా ఉండలేనే నువ్వు ఉంటే..

అడిగితే అదేమిటో అర్ధంకాదే

నిన్న మొన్న నాలో ఉన్నా నేనే కాదే

పుట్టిందంటే నీతో పోనే పోదే ప్రేమంతే..

దారేలేని ఊరినే అడిగానుగా

నువ్వేగా దారని నాకు చూపుతుంది

కమ్ముకున్న మబ్బులో వెతికానుగా

అరె గాలి వానై నన్ను తాకుతుంది

నాకే తెలియని నాలో యుద్ధమా.. లోలోన సంద్రమా..

లేదే పొంగుతున్నదే ఇంకేదో…

పేరు లేదుగా ఇంతే మాట రాదుగా

అంతే ఒప్పుకోమరి వింతేలే…

నువ్వుంటే చాలే…

మాటలతో చెప్పమంటే చెప్పలేనే

భావమేదో భాషలకే అందనందే

అదేమిటో కుదురుగా ఉండలేనే నువ్వు ఉంటే

అడిగితే అదేమిటో అర్ధంకాదే

నిన్న మొన్న నాలో ఉన్నా నేనే కాదే

పుట్టిందంటే నీతో పోనే పోదే ప్రేమంతే..

ఓ.. ఓ.. ఓ.. ఓ.. (నువ్వుంటే చాలే)…

ABOUT THE AUTHOR
HT Telugu Desk
హెచ్ టీ తెలుగు డెస్క్ టీమ్ సుశిక్షితులైన, సుదీర్ఘ అనుభవం ఉన్న జర్నలిస్టులతో కూడిన బృందం. ప్రాంతీయ, జాతీయ, అంతర్జాతీయ వార్తలు సహా అన్ని విభాగాలకు ఆయా రంగాల వార్తలు అందించడంలో నైపుణ్యం కలిగిన సబ్ ఎడిటర్లతో కూడిన బృందం. జర్నలిజం విలువలను, ప్రమాణాలను కాపాడుతూ జర్నలిజంపై అత్యంత మక్కువతో పనిచేస్తున్న బృందం. సంపూర్ణ వార్తావిలువలతో కూడిన కథనాలను పాఠకుల ముందుకు తెస్తున్న బృందం.Read More
ABOUT THE AUTHOR
Chandu Shanigarapu
చందు శనిగారపు ప్రస్తుతం హిందూస్థాన్ టైమ్స్ తెలుగులో సీనియర్ కంటెంట్ రైట‌ర్‌గా బాధ్యతలు నిర్వర్తిస్తున్నారు. మీడియా రంగంలో ఎనిమిదేళ్లకు పైగా అనుభవం ఆయన సొంతం. 2025 నుంచి డిజిటల్ మీడియాలోనూ తనదైన ముద్ర వేస్తున్నారు. సినిమా వార్తలను ఎప్పటికప్పుడు అందించడం, స్పోర్ట్స్ న్యూస్ ముఖ్యంగా క్రికెట్ విశ్లేషణలను చదివించేలా ఇవ్వడం ఆయన ప్రత్యేకత. మ్యాచ్ రిపోర్ట్ లను వేగంగా అందించడం, లైవ్ అప్ డేట్స్ ఇవ్వడంలో ఆయన ముందుంటారు. చందు తన కెరీర్ లో ప్రింట్ మీడియాలో ఎక్కువగా పనిచేశారు. ప్రముఖ దినపత్రిక ఈనాడులో ఏడేళ్లకు పైగా స్పోర్ట్స్ రిపోర్టర్ గా పనిచేశారు. తన ఆర్టికల్స్ తో ఎంతోమంది యువ క్రీడాకారుల ప్రతిభను వెలుగులోకి తెచ్చారు. ప్రత్యేక ఆర్టికల్స్ తో వాళ్లకు ఆర్థిక సాయం అందేలా చూశారు. క్రికెట్ ప్రపంచకప్ లు, ఒలింపిక్స్ లాంటి మెగా టోర్నీల కవరేజీలో ఆయనకు విశిష్ఠ అనుభవం ఉంది. మల్లారెడ్డి కాలేజీ ఆఫ్ ఇంజినీరింగ్ అండ్ టెక్నాలజీ నుంచి చందు బీటెక్ డిగ్రీ పొందారు. ఓ వైపు టెక్నికల్ నాలెడ్జ్ తో పాటు జర్నలిజంపై ప్రేమతో మీడియా రంగంలో కొనసాాగుతున్నారు. జర్నలిజంలో డిప్లొమా చేశారు. సినిమా వార్తలను, మూవీ రివ్యూలను, ఓటీటీ విషయాలను, క్రికెట్ సమాచారాన్ని, క్రీడా సంగతులను పాఠకులకు అందిస్తున్నారు.Read More

Home/Entertainment/హీరో రామ్ రాసిన లవ్ మెలోడీ.. అనిరుధ్ వాయిస్ మ్యాజిక్.. ఆంధ్ర కింగ్ తాలూకా మూవీ నుంచి నువ్వుంటే చాలే సాంగ్ లిరిక్స్