ఓటీటీలోకి కీర్తి సురేష్ ఉప్పు కప్పురంబు మూవీ.. 3 సాంగ్స్ రిలీజ్.. ఆరోజు నుంచే 5 భాషల్లో స్ట్రీమింగ్.. ఎక్కడంటే?

మహానటి కీర్తు సురేష్ నటించిన డైరెక్ట్ ఓటీటీ రిలీజ్ మూవీ ఉప్పు కప్పురంబు. ఈ సినిమాలో హీరో సుహాస్ మరో ప్రధాన పాత్ర పోషించాడు. 5 భాషల్లో ఉప్పు కప్పురంబు ఓటీటీ స్ట్రీమింగ్ కానున్న నేపథ్యంలో తాజాగా సినిమా మ్యూజిక్ ఆల్బమ్‌ను మేకర్స్ రిలీజ్ చేశారు. జూన్ 27న ఉప్పు కప్పురంబులోని 3 పాటలు విడుదల చేశారు.

సౌత్ సినీ ఇండస్ట్రీలో మహానటిగా పేరు తెచ్చుకుంది బ్యూటిపుల్ కీర్తి సురేష్. థియేట్రికల్ సినిమాలు మాత్రమే కాకుండా డైరెక్ట్ ఓటీటీ రిలీజ్ సినిమాలు, వెబ్ సిరీస్‌లతో కూడా అలరిస్తోంది. ఇదివరకే చిన్ని, మిస్ ఇండియా వంటి ఓటీటీ సినిమాలతో డిజిటల్ ప్లాట్‌ఫామ్స్‌లో అట్రాక్ట్ చేసింది కీర్తి సురేష్.

ఓటీటీ మూవీతో

ఓటీటీలోకి కీర్తి సురేష్ ఉప్పు కప్పురంబు మూవీ.. 3 సాంగ్స్ రిలీజ్.. ఆరోజు నుంచే 5 భాషల్లో స్ట్రీమింగ్.. ఎక్కడంటే?

ఇప్పుడు మరోసారి ఓటీటీ మూవీతో అలరించడానికి రెడీగా ఉంది కీర్తి సురేష్. మహానటి కీర్తి సురేష్ నటించిన ఓటీటీ స్ట్రీమింగ్ మూవీ ఉప్పు కప్పురంబు. ఈ సినిమాలో హీరో సుహాస్మరో ప్రధాన పాత్ర పోషించాడు. విలేజ్ బ్యాక్‌డ్రాప్‌లో సెటైరికల్ కామెడీ చిత్రంగా ఉప్పు కప్పురంబు తెరకెక్కింది.

తాజాగా ఉప్పు కప్పురంబు సినిమాలోని మ్యూజిక్ ఆల్బమ్‌ను మేకర్స్ విడుదల చేశారు. జూన్ 27న అంటే శుక్రవారం నాడు ఉప్పు కప్పురంబు సినిమాలోని ప్రత్యేకమైన మూడు పాటలను రిలీజ్ చేశారు. బిలీవ్ ఇండియా లేబుల్ ద్వారా ఉప్పు కప్పురంబు సాంగ్స్ రిలీజ్ అయ్యాయి.

స్వీకార్ అగస్తి సంగీతం

ఈ పాటలు చిత్రంలో చూపించే చిన్న పట్టణ జీవితం, హాస్యం, భావోద్వేగాలు అన్నింటినీ మనస్సుకు హత్తుకునేలా పాడబడ్డాయి. ఈ సినిమాకు సంగీతాన్ని స్వీకార్ అగస్తి అందించగా, పాటల సాహిత్యాన్ని రవికృష్ణ విస్సాప్రగడ, ఎస్. అత్తావుర్ రహీం, రఘురాం ద్రోణావజ్జల అందించారు.

సీన్ రోల్డన్, అనురాగ్ కులకర్ణి ఆంటోని దాసన్ పాటలను ఆలపించారు. వీళ్ల గానంతో సాంగ్స్ ఇంకా హృద్యంగా మారాయి. ఒకవైపు నోమిలాలా అనే పాట ఉత్సవాన్ని పాడుతుంటే, మరోవైపు యాడున్నావో అనే పాట ఒక తల్లి, బిడ్డ మధ్య దూరాన్ని హృదయాన్ని తాకేలా చూపుతుంది.

అమెజాన్ మ్యూజిక్‌తోపాటు

ఇకపోతే అమెజాన్ ప్రైమ్లో ఉప్పు కప్పురంబు ఓటీటీ స్ట్రీమింగ్ కానుంది. భారతదేశంలో ప్రముఖ ఓటీటీ ప్లాట్‌ఫామ్ అయిన ప్రైమ్ వీడియో నిర్మించిన తాజా తెలుగు ఒరిజినల్ సినిమానే ఉప్పు కప్పురంబు. జూలై 4న తెలుగుతోపాటు తమిళం, మలయాళం, కన్నడ, హిందీ వంటి ఐదు భాషల్లో ప్రైమ్ వీడియోలో ఉప్పు కప్పురంబు ఓటీటీ రిలీజ్ కానుంది.

శ్మశానంలో స్థలం కోసం

కాగా సాధారణంగా ఓటీటీ సినిమాల్లో సాంగ్స్ అవి ఉండవు. కానీ, ఇటీవల కాలంలో ఓటీటీ మూవీస్‌లో కూడా పాటలు జోడిస్తున్నారు. ఈ క్రమంలోనే ఉప్పు కప్పురంబు సినిమాలో పాటలను పెట్టారు. ప్రస్తుతం ఇవి ఆకట్టుకుంటున్నాయి. శ్మశానంలో శవాలను కాల్చడానికి స్థలం దొరక్కపోవడం, రెండు వర్గాల వారు పంచుకోవడం వంటి కథాంశంతో ఉప్పు కప్పురంబు ఓటీటీ మూవీ తెరకెక్కింది.