నేరుగా ఓటీటీలోకి మరో థ్రిల్లర్ మూవీ.. ఓ బిలియనీర్ హత్య.. ఓ డిటెక్టివ్.. ఎంతో మంది అనుమానితులు.. స్ట్రీమింగ్ డేట్ ఇదే

ఓటీటీలోకి నేరుగా మరో థ్రిల్లర్ మూవీ స్ట్రీమింగ్ కు రాబోతోంది. ఓ బిలియనీర్ హత్య చుట్టూ తిరిగే స్టోరీ ఇది. ఈ సినిమా ట్రైలర్ మంగళవారం (జూన్ 10) రిలీజ్ అయింది. మూవీ స్ట్రీమింగ్ తేదీని కూడా అనౌన్స్ చేశారు.

థ్రిల్లర్ మూవీ అభిమానులకు గుడ్ న్యూస్. ఇప్పుడో థ్రిల్లర్ సినిమా థియేటర్లలో కాకుండా నేరుగా ఓటీటీలోకే వస్తోంది. ఈ సినిమా పేరు డిటెక్టివ్ షేర్దిల్ (Detective Sherdil). జీ5 (Z5) ఓటీటీలోకి ఈ మూవీ స్ట్రీమింగ్ కు వస్తోంది. మరి ఈ మూవీ ట్రైలర్ ఎలా ఉంది? స్ట్రీమింగ్ వివరాలు తెలుసుకోండి.

నేరుగా ఓటీటీలోకి మరో థ్రిల్లర్ మూవీ.. ఓ బిలియనీర్ హత్య.. ఓ డిటెక్టివ్.. ఎంతో మంది అనుమానితులు.. స్ట్రీమింగ్ డేట్ ఇదే

డిటెక్టివ్ షేర్దిల్ ట్రైలర్

ప్రముఖ బాలీవుడ్ సింగర్, నటుడు దిల్జీత్ దోసాంజ్ నటించిన థ్రిల్లర్ మూవీ డిటెక్టివ్ షేర్దిల్. ఓ బిలియనీర్ హత్య, దర్యాప్తు చుట్టూ తిరిగే కథతో ఓటీటీలోకి వస్తున్న ఈ సినిమా ట్రైలర్ ఆసక్తి రేపుతోంది. మంగళవారం (జూన్ 10) ఈ మూవీ ట్రైలర్ ను మేకర్స్ రిలీజ్ చేశారు.

“ఎంతో మంది అనుమానితులు ఉన్న ఓ హత్య. ప్రతి ఒక్కరి మనసు తాళం చెవి ఉన్న ఓ షేర్. మీరు సిద్ధంగా ఉన్నారా? ట్రైలర్ వచ్చేసింది. డిటెక్టివ్ షేర్దిల్ జూన్ 20 నుంచి మీ జీ5 ఓటీటీలో..” అనే క్యాప్షన్ తో ఈ ట్రైలర్ రిలీజ్ చేశారు.

డిటెక్టివ్ షేర్దిల్ మూవీ గురించి..

ఈ డిటెక్టివ్ షేర్దిల్ మూవీలో దిల్జీత్ దోసాంజ్ డిటెక్టివ్ పాత్రలో నటిస్తున్నాడు. ఎంతో క్లిష్టమైన కేసులను కూడా పరిష్కరించే డిటెక్టివ్ అతడు. ఈ ట్రైలర్ మొదట్లోనే ఓ బిలియనీర్ ను నడిరోడ్డుపై హత్య చేసినట్లు చూపిస్తారు. అతడు వెళ్తున్న కారుపై ఫైరింగ్ చేసిన ఓ యువకుడు.. ఆ తర్వాత ఆ కారును పేల్చేస్తాడు. అతన్ని చంపిందెవరో తెలుసుకోవడానికి డిటెక్టివ్ రంగంలోకి దిగుతాడు.

మొదట అతని కుటుంబంలో ఉన్న నలుగురు వ్యక్తుల నుంచే దర్యాప్తు మొదలుపెడతాడు. థ్రిల్ తోపాటు ఫన్ కూడా పంచుతూ ఈ ట్రైలర్ సాగిపోయింది. ఈ డిటెక్టివ్ షేర్దిల్ సినిమాలో దిల్జీత్ దోసాంజ్ తోపాటు డయానా పెంటీ, బొమన్ ఇరానీ, రత్నా పాఠక్ షా, చుంకీ పాండే, సుమీత్ వ్యాస్, బనితా సంధు, కశ్మీరా ఇరానీలాంటి వాళ్లు నటించారు. రవి ఛాబ్రియా సినిమాను డైరెక్ట్ చేశాడు. ఈ సినిమాను జూన్ 20 నుంచి జీ5 ఓటీటీలో చూడొచ్చు.