ఓటీటీల్లోకి ఈ వారమే రెండు పాపులర్ వెబ్ సిరీస్‍లకు సీక్వెల్స్.. ఒకటి విలేజ్ కామెడీ డ్రామా, మరొకటి ఉత్కంఠతో సాగే థ్రిల్లర్

ఎంతో పాపులర్ అయిన రెండు వెబ్ సిరీస్‍లకు కొత్త సీజన్లు ఈ వారంలోనే వచ్చేస్తున్నాయి. పంచాయత్ సీజన్ 4, స్క్విడ్ గేమ్ 3 అడుగుపెట్టనున్నాయి. ఎక్కడ స్ట్రీమింగ్ కానున్నాయంటే..

పంచాయత్ వెబ్ సిరీస్‍లో ఇప్పటికే వచ్చిన మూడు సీజన్లు సూపర్ సక్సెస్ అయ్యాయి. ఇప్పుడు నాలుగో సీజన్ సిద్ధమైంది. ఈ సీక్వెల్ సీజన్ ఈ వారమే వచ్చేస్తోంది. ప్రపంచవ్యాప్తంగా ఫుల్ క్రేజ్ ఉన్న స్విడ్ గేమ్ వెబ్ సిరీస్‍కు కూడా నయా సీజన్ అడుగుపెడుతోంది. మూడో సీజన్ ఈ వారమే స్ట్రీమింగ్‍కు రానుంది. ఈ రెండు సిరీస్‍ల సీక్వెల్స్ స్ట్రీమింగ్ సహా మరిన్ని వివరాలు ఇక్కడ చూడండి.

ఓటీటీల్లోకి ఈ వారమే రెండు పాపులర్ వెబ్ సిరీస్‍లకు సీక్వెల్స్

పంచాయత్ సీజన్ 4

‘పంచాయత్’ వెబ్ సిరీస్‍లో నాలుగో సీజన్ ఈ వారమే జూన్ 24వ తేదీన అమెజాన్ ప్రైమ్ వీడియో ఓటీటీలో స్ట్రీమింగ్‍కు రానుంది. ఈ రూరల్ కామెడీ డ్రామా సిరీస్‍లో నాలుగో సీజన్‍కు దీపక్ కుమార్, మిశ్రా, అక్షత్ విజయ్ వర్గీయ దర్శకత్వం వహించారు. జితేంద్ర కుమార్ ప్రధాన పాత్రలో కొనసాగారు. నీనా గుప్తా, రఘువీర్ యాదవ్, ఫైజల్ మాలిక్, చంద్రన్ రాయ్ కీలకపాత్రలు పోషించారు.

ఫులేరా అనే గ్రామంలో పంచాయత్వెబ్ సిరీస్ సాగుతుంది. ఆ గ్రామంలో పంచాయతీ ఎన్నికల చుట్టూ ఈ నాలుగో సీజన్ ఉండనుంది. ఈ సిరీస్‍ను ది వైరల్ ఫీవర్ పతాకం ప్రొడ్యూజ్ చేసింది. పంచాయత్ సీజన్ 4ను జూన్ 24 నుంచి అమెజాన్ ప్రైమ్ వీడియోలో చూసేయవచ్చు. ఈ నయా సీజన్‍పై కూడా చాలా అంచనాలు ఉన్నాయి.

స్క్విడ్ గేమ్ సీజన్ 3

సర్వైవల్ థ్రిల్లర్ వెబ్ సిరీస్ ‘స్క్విడ్ గేమ్’లో మూడో సీజన్ ఈ శుక్రవారం జూన్ 27వ తేదీన నెట్‍ఫ్లిక్స్ ఓటీటీలో స్ట్రీమింగ్‍కు అడుగుపెట్టనుంది. ఇంగ్లిష్‍తో పాటు తెలుగు, తమిళం, హిందీలోనూ ఎంట్రీ ఇవ్వనుంది. స్క్విడ్ గేమ్లో ఇప్పటి వరకు వచ్చిన రెండు సీజన్లు ప్రపంచవ్యాప్తంగా భారీ సక్సెస్ అయ్యాయి. కొనసాగింపుగా వస్తున్న మూడో సీజన్‍పై మరింత హైప్ ఉంది.

స్క్విడ్ గేమ్ 3లో లీ జంగ్ జీదే ప్రధాన పాత్ర. ఈ సీజన్‍ మరింత డెడ్లీగా, ఉత్కంఠరేపే విధంగా ఉంటుందని ట్రైలర్ ద్వారా అర్థమవుతోంది. ఈ సిరీస్‍కు ఇదే చివరి సీజన్ కావడంతో మరింత క్రేజ్ నెలకొంది. ఈ సిరీస్‍కు హ్వాంగ్ డాంగ్ హ్యుక్ దర్శకత్వం వహించారు. ఈ మూడో సీజన్‍లో లీ జంగ్తో పాటు పార్క్ హీ సూ, వీ హా జూన్ కీరోల్స్ చేశారు. జూన్ 27న ఈ స్క్విడ్ గేమ్ సీజన్ 3 స్ట్రీమింగ్ నెట్ఫ్లిక్స్ఓటీటీలోకి రానుంది.