తెలుగులో రిలీజైన మ‌ల‌యాళం డార్క్‌ కామెడీ థ్రిల్ల‌ర్‌ మూవీ - ర‌న్‌టైమ్ గంట న‌ల‌భై ఐదు నిమిషాలే!

మ‌ల‌యాళం డార్క్ కామెడీ థ్రిల్ల‌ర్ మూవీ ప‌ట్ట‌ప‌క‌ల్ తెలుగులో ప‌ట్ట‌ప‌గ‌లు పేరుతో రిలీజైంది. సైనా ప్లే ఓటీటీలో ఈ మూవీ స్ట్రీమింగ్ అవుతోంది. ఈ మ‌ల‌యాళం మూవీలో కృష్ణ శంక‌ర్‌, సుధి కొప్ప, జాన్ ఆంటోనీ ప్ర‌ధాన పాత్ర‌ల్లో న‌టించారు.

మ‌ల‌యాళం డార్క్ కామెడీ థ్రిల్ల‌ర్ మూవీ ప‌ట్ట‌ప‌క‌ల్ తెలుగులో రిలీజైంది. ప‌ట్ట‌ప‌గ‌లు పేరుతో సైనా ప్లే ఓటీటీలో ఈ మూవీ స్ట్రీమింగ్ అవుతోంది. ఈ సినిమాలో కృష్ణ శంక‌ర్‌, సుధి కొప్ప, జాన్ ఆంటోనీ కీల‌క పాత్ర‌లు పోషించారు. సాజీర్‌ స‌దాఫ్ ఈ సినిమాకు ద‌ర్శ‌క‌త్వం వ‌హించాడు.

జూన్‌లో రిలీజ్‌...

ప‌ట్ట‌ప‌గ‌లు ఓటీటీ

గ‌త ఏడాది జూన్‌లో థియేట‌ర్ల‌లో రిలీజైన ఈ మూవీ ఏడాది త‌ర్వాత ఓటీటీలోకి వ‌చ్చింది. ఈ సినిమా ర‌న్ టైమ్ కేవ‌లం గంట‌న్న‌రే. నాన్ లీనియ‌ర్ స్క్రీన్‌ప్లేతో ద‌ర్శ‌కుడు సాజీర్ స‌దాఫ్ ప్ర‌యోగాత్మ‌కంగా ఈ సినిమాను తెర‌కెక్కించాడు. కామెడీ వ‌ర్క‌వుట్ అయినా క‌న్ఫ్యూజింగ్ స్క్రీన్‌ప్లే కార‌ణంగా ఈ సినిమా ప్రేక్ష‌కుల‌ను మెప్పించ‌లేక‌పోయింది.

ప‌ట్ట‌ప‌గ‌లు క‌థ ఇదే...

మినిస్ట‌ర్ కు చెందిన కొన్ని కీల‌క‌మైన డాక్యుమెంట్స్‌, వీడియోల‌ను కార్లోస్ అనే గ్యాంగ్‌స్ట‌ర్‌ దొంగ‌త‌నం చేస్తాడు. మినిస్ట‌ర్ తాలూకూ సీక్రెట్స్ అన్ని అందులో ఉంటాయి. నాలుగున్న‌ర కోట్ల డ‌బ్బు ఇస్తే ఆ ఆధారాల‌ను తిరిగి ఇచ్చేస్తాన‌ని మినిస్ట‌ర్‌తో డీల్ కుద‌ర్చుకుంటాడు.

మ‌రోవైపు సుకు త‌న ల‌వ‌ర్ ప్రియ‌ను క‌ల‌వ‌డానికి బైక్‌పై వ‌స్తాన‌ని మాటిస్తాడు. త‌న ద‌గ్గ‌ర బైక్ లేక‌పోవ‌డంతో స్నేహితుడు వినోద్‌తో క‌లిసి ఓ బైక్ దొంగిలిస్తాడు. అనుకోకుండా జ‌రిగిన ఓ సంఘ‌ట‌న వ‌ల్ల కార్లోస్ గ్యాంగ్‌తో పాటు మినిస్ట‌ర్ మ‌నుషులు సుకు, వినోద్ వెంట‌ప‌డ‌తారు. సుకు వెంట వాళ్లు ప‌డ‌టానికి కార‌ణం ఏమిటి? మినిస్ట‌ర్‌ను కార్లోస్ టార్గెట్ ఎందుకు చేశాడు అన్న‌దే ఈ మూవీ క‌థ‌.

ఐఎమ్‌డీబీలో...

ఐఎమ్డీబీలో ప‌ట్ట‌ప‌క‌ల్ మ‌ల‌యాళ వెర్ష‌న్‌కు ప‌దికిగాను 2.7 రేటింగ్ మాత్ర‌మే వ‌చ్చింది. థియేట‌ర్ల‌లో డిజాస్ట‌ర్‌గా నిలిచిన ఈ మూవీ యాభై ల‌క్ష‌ల లోపే వ‌సూళ్ల‌ను ద‌క్కించుకున్న‌ది. ప‌ట్ట‌ప‌గ‌లు సినిమాకు షాన్ ర‌హ‌మాన్ మ్యూజిక్ అందించాడు.