E-Paper
మరో రెండు భాషల్లోకి తెలుగు సైకలాజికల్ హారర్ ఫిల్మ్.. ఆత్మ చెప్పినట్లు చేసే యువకుడు.. ఏ ఓటీటీల్లో ఉందంటే?
తెలుగు సైకలాజికల్ హారర్ సినిమా ఘటికాచలం ఓటీటీలో మరో రెండు భాషల్లోనూ అందుబాటులోకి వచ్చింది. జూన్ 20న రెండు ఓటీటీల్లోకి తెలుగులో వచ్చిన ఈ మూవీ.. ఇప్పుడు మరో రెండు భాషల్లోనూ స్ట్రీమింగ్ అవుతోంది.
తెలుగులోనూ ఈ మధ్య కొత్త కొత్త కంటెంట్ తో సినిమాలు వస్తున్నాయి. యంగ్ డైరెక్టర్లు డిఫరెంట్ కాన్సెప్ట్ మూవీస్ తో సత్తాచాటేందుకు ట్రై చేస్తున్నారు. అలా వచ్చిందే ‘ఘటికాచలం’ సినిమా. ఈ చిన్న సినిమాను డైరెక్టర్ మారుతి సమర్పించడం, ట్రైలర్ ఇంట్రెస్టింగ్ గా ఉండటంతో అంచనాలు కలిగాయి. కానీ థియేటర్లలో ఆకట్టుకోలేకపోయింది. అయితేనేం ఓటీటీలో అదరగొడుతోంది.
రెండు ఓటీటీల్లో
జూన్ 20న ఓటీటీలోకి వచ్చింది ఘటికాచలం సినిమా. ఒకే సారి అమెజాన్ ప్రైమ్ వీడియోతో పాటు ఆహా వీడియోలో డిజిటల్ స్ట్రీమింగ్ కు వచ్చేసింది. ఈ సైకలాజికల్ హారర్ థ్రిల్లర్ ఓటీటీలో ఆడియన్స్ ను బాగానే ఎంగేజ్ చేస్తోంది. అందుకే ఇప్పుడు మరో రెండు భాషల్లోకి ఈ సినిమాను డబ్ చేశారు.
ఆ భాషల్లోకి
కేవలం తెలుగులోనే థియేటర్లలో రిలీజై, ఓటీటీలోకి వచ్చేసిన ఘటికాచలం సినిమా ఇప్పుడు మరో రెండు భాషల్లోనూ అందుబాటులో ఉంది. అమెజాన్ ప్రైమ్ వీడియోలో తమిళంతో పాటు హిందీ భాషలోనూ బుధవారం (జూన్ 25) నుంచి ఈ మూవీ స్ట్రీమింగ్ అవుతోంది.
ఉయ్యాల జంపాలా, బాహుబలి తదితర సినిమాల్లో చైల్డ్ ఆర్టిస్ట్ గా చేసిన పిల్లాడు గుర్తున్నాడా? అతని పేరు నిఖిల్ దేవాదుల. ఘటికాచలం సినిమాలో అతనే హీరో. అతని చుట్టూనే మొత్తం సినిమా తిరుగుతోంది. మే 31న ఈ సినిమా థియేటర్లలో రిలీజైంది.
కథ ఏమిటంటే?
కౌశిక్ (నిఖిల్ దేవాదుల) ఎంబీబీఎస్ చదువుతుంటాడు. తనకు ఇష్టం లేకపోయినా తండ్రి మాటను కాదనలేక డాక్టర్ కోర్సు చేస్తుంటాడు. అయితే తనకు ఇష్టం లేకపోయినా రోజూ హీరోయిన్ కోసం కాలేజీకి వెళ్తాడు. సంయుక్తను ప్రేమిస్తాడు కౌశిక్. కానీ జార్జ్ కూడా సంయుక్తను ప్రేమిస్తాడు. దీంతో జార్జ్ అంటే కౌశిక్ కు పడదు.
ఒంటరిగానే
కౌశిక్ ఫస్ట్ నుంచి ఒంటరిగానే ఉంటాడు. అయితే తన శరీరాన్ని ఎవరో కంట్రోల్ చేస్తున్నారని ఫీల్ అవుతుంటాడు. ఎవరో చెప్తే తాను చేస్తున్నట్లు అనిపిస్తుంది కౌశిక్ కు. ఆ వాయిస్ విని విచిత్రంగా ప్రవర్తిస్తుంటాడు. దీంతో అతణ్ని చూసి అందరూ భయపడతారు.
అయితే కౌశిక్ ను ఘటికాచలం అనే ప్రేతాత్మ ఆవహించిందని అతని పేరేంట్స్ అనుకుంటారు. మరి ఆ ఆత్మ ఎవరు అనేది తెలుసుకోవడానికి కౌశిక్ తండ్రి ప్రయత్నిస్తాడు. మరి నిజంగానే ఆ ఆత్మ ఉందా? ఘటికాచలం ఎవరు? కౌశిక్ కు చివరకు ఏం జరిగింది? అనేది మిగతా కథ. ఈ సైకలాజికల్ థ్రిల్లర్ ను మీరూ ఓ లుక్కేయండి మరి.
