హిందీలోనూ పుష్ఫ మేనియా.. టీవీ ప్రీమియర్ లో రికార్డు రేటింగ్.. ఆ బ్లాక్ బాస్టర్లను దాటేసి.. ఎన్ని కోట్ల మంది చూశారంటే?

పుష్పరాజ్ గా బాక్సాఫీస్ దగ్గర అల్లు అర్జున్ సృష్టించిన సంచలనం అంతా ఇంతా కాదు. పుష్ప ది రైజ్, పుష్ఫ ది రూల్ మూవీస్ తో రికార్డు కలెక్షన్లు కుమ్మేశారు. పుష్ఫ 2 మూవీ టీవీ ప్రీమియర్స్ లోనూ అదరగొడుతోంది. రీసెంట్ గా హిందీ ప్రీమియర్ లో ఈ మూవీ సత్తాచాటింది.

థియేటర్లలో రికార్డులు ఊచకోత కోసి.. ఓటీటీలోని వరల్డ్ వైడ్ గా దుమ్మురేపిన పుష్ప 2 మూవీ.. టెలివిజన్ ప్రీమియర్ లోనూ అదరగొట్టింది. తెలుగులో స్టార్ మాలో ప్రీమియర్ అయిన ఈ సినిమా రికార్డు టీవీ రేటింగ్ ను సాధించగా.. ఇప్పుడు హిందీ ప్రీమియర్ లోనూ హిస్టరీ క్రియేట్ చేసింది. పుష్ప ది రూల్ మేనియా హిందీలోనూ సాగుతోంది అనేందుకు ఈ టీఆర్పీ రికార్డులే నిదర్శనం.

పుష్ప 2 లో అల్లు అర్జున్ (x/PushpaMovie)

హిందీ ప్రీమియర్ లో హిస్టరీ

పుష్ప 2 ది రూల్ మూవీ హిందీ ప్రీమియర్ లో సత్తాచాటింది. టీవీ టెలికాస్ట్ లో అదరగొట్టింది. మే 31న జీ సినిమాలో ప్రపంచ వ్యాప్తంగా హిందీలో టీవీలోకి వచ్చింది పుష్ఫ 2. తాజా బార్క్ గణాంకాల ప్రకారం టీవీ ప్రీమియర్ లో హిందీలోనూ పుష్ప 2 సంచలనం నమోదు చేసింది. 5.1 టీవీ రేటింగ్ సాధించింది. 5.4 కోట్ల మంది ఈ మూవీని హిందీలో చూశారు.

పుష్పరాజ్ గా అల్లు అర్జున్ మేనియాకు ఇది మరో నిదర్శనం. ఈ విషయాన్ని పుష్ప మూవీ అధికారిక ఎక్స్ ఖాతాలో పోస్టు చేశారు.

టీ20 లీగ్ ను మించి

సాధారణంగా టీ20 లీగ్ యావరేజ్ టీ20 రేటింగ్ 3.9 కాగా.. పుష్ప 2 అంతకంటే ఎక్కువ సాధించిందని గిరీష్ పోస్టు చేశారు. 2024 డిసెంబర్ 5న థియేటర్లకు వచ్చిన పుష్ప 2 ప్రపంచవ్యాప్తంగా రూ.1871 కోట్ల గ్రాస్ కలెక్షన్లు సాధించింది. 2025 జనవరి 30 నుంచి నెట్ ఫ్లిక్స్ లో స్ట్రీమింగ్ అవుతోంది. తెలుగులో 2025 ఏప్రిల్ 13న స్టార్ మా లో టీవీల్లోకి వచ్చింది. సుకుమార్ డైరెక్ట్ చేసిన ఈ సినిమాలో అల్లు అర్జున్, రష్మిక మంధాన జోడీగా నటించారు.

తగ్గేదే లే

హిందీ టీవీ ప్రీమియర్ లో పుష్ఫ 2 తగ్గేదేలేదంటూ దూసుకెళ్లిందని జీ స్టూడియోస్ డిస్ట్రిబ్యూషన్ అండ్ రెవెన్యూ హెడ్ గిరీష్ జోహార్ ఎక్స్ లో పోస్టు చేశారు. ఆయన పోస్టు ప్రకారం హిందీ టీవీ రేటింగ్ లో బ్లాక్ బస్టర్ సినిమాలను పుష్ప 2 వెనక్కి నెట్టింది. రూ.500 కోట్ల క్లబ్ లోని సినిమాల్లో పుష్ప 2కే అత్యధిక రేటింగ్ దక్కింది. బార్క్ గణాంకాలను గిరీష్ షేర్ చేశారు.

పుష్ప 1ను దాటి

కనీసం రూ.500 కోట్లు కలెక్ట్ చేసిన మూవీస్ లో హిందీ ప్రీమియర్స్ లో పుష్ప 1 టాప్ ప్లేస్ లో ఉండేది. ఆ మూవీకి 4.6 టీవీ రేటింగ్ ఉంది. ఇప్పుడు పుష్ప 2 మూవీ దీన్ని దాటేసింది. 5.1 టీవీ రేటింగ్ సాధించేసింది. పుష్ప 2, పుష్ప 1 తర్వాత స్త్రీ 2 (4.3), పఠాన్ (4.2), కేజీఎఫ్ ఛాప్టర్ 1 (4.2), యానిమల్ (2.3) సినిమాలున్నాయి.