జూనియర్ మూవీలో హాట్ శ్రీలీల.. ఈ సినిమా కోసం ఆమె ఎన్ని కోట్లు తీసుకుందో తెలుసా? ఇంత డిమాండ్ చేసిందా?

యంగ్ అండ్ హాట్ శ్రీలీల మరో కొత్త సినిమాతో థియేటర్లకు రాబోతోంది. ఎనర్జిటిక్ యాక్టింగ్ తో జూనియర్ మూవీలో ఫీమేల్ లీడ్ రోల్ ప్లే చేస్తోంది. ఈ మూవీ కోసం శ్రీలీల భారీ మొత్తం అందుకుందని తెలిసింది.

గాలి జనార్ధన్ రెడ్డి తనయుడు కిరీటీ హీరోగా ఇంట్రడ్యూస్ అవుతున్న జూనియర్ మూవీలో శ్రీలీల హీరోయిన్ గా యాక్ట్ చేస్తోంది. యాక్టింగ్ తో పాటు అందచందాలతో ఫ్యాన్స్ ను మరోసారి మెస్మరైజ్ చేసేందుకు రెడీ అవుతుంది ఈ ముద్దుగుమ్మ. మరోసారి హాట్ షోతో అదరగొట్టబోతోంది. కిరీటీ, శ్రీలీల కాంబినేషన్లో వస్తున్న ఈ ఫిల్మ్ పై భారీ అంచనాలే నెలకొన్నాయి. ఈ మూవీ రిలీజ్ కోసం ఆడియన్స్ వెయిట్ చేస్తున్నారు. అయితే ఈ సినిమా కోసం శ్రీలీల ఎంత రెమ్యునరేషన్ తీసుకుందనేది హాట్ టాపిక్ గా మారింది.

జూనియర్ మూవీ స్టిల్ లో కిరీటీ, శ్రీలీల (x/Vaaraahi Chalana Chitram)

భారీగానే డబ్బు

జూనియర్ సినిమాలో హీరోయిన్ గా ఛాన్స్ దక్కించుకుంది శ్రీలీల. ఈ మూవీ కోసం ఆమె భారీ మొత్తం తీసుకుందనే టాక్ వినిపిస్తోంది. ఏకంగా రూ.2.5 కోట్లు ఆమెకు చెల్లించారని తెలుస్తోంది. కిరీటీకి ఫస్ట్ మూవీ కావడంతో జూనియర్ సినిమా మొత్తం శ్రీలీల భుజాలపై మోసే ఛాన్స్ ఉంది. ఆమె గ్లామర్, యాక్టింగ్ ఈ సినిమాకు పెద్ద ప్లస్ కానున్నాయి. ఈ నేపథ్యంలో జూనియర్ సినిమా కోసం శ్రీలీల భారీగా డిమాండ్ చేసిందని సమాచారం.

పాపులారిటీ

సిజ్లింగ్ డ్యాన్స్ తో పాటు ఆకట్టుకునే యాక్టింగ్ తో సినీ ఇండస్ట్రీలో త్వరగానే పాపులర్ అయింది శ్రీలీల. అమెరికాలో పుట్టిన ఈ ముద్దుగుమ్మ 2017లో తెలుగులో వచ్చిన చిత్రాంగద సినిమాలో చైల్డ్ ఆర్టిస్ట్ గా చేసింది. 2019లో కన్నడ సినిమా కిస్ తో డెబ్యూ చేసింది. తెలుగులో పెళ్లి సందడి ఫిల్మ్ తో అడుగుపెట్టింది. ఆ తర్వాత ధమాకా, స్కంద, భగవంత్ కేసరి, గుంటూరు కారం తదితర సినిమాలతో స్టార్ డమ్ పెంచేసుకుంది. ఈ పాపులారిటీ కారణంగానే సినిమాలకు ఎక్కువ పారితోషికం డిమాండ్ చేస్తోంది ఈ బ్యూటీ.

అయిదు సినిమాలు

శ్రీలీలకు వరుసగా ఫ్లాప్ లు ఎదురవుతున్నా ఆమె డిమాండ్ మాత్రం తగ్గడం లేదు. ప్రస్తుతం ఆమె చేతిలో అయిదు సినిమాలున్నాయి. జూనియర్ తో పాటు రవిజేత సినిమా మాస్ ధమాకాలో నటిస్తోంది శ్రీలీల. హిందీలో ఆషికి 3 చేస్తోంది. తమిళంలో పరాశక్తి, తెలుగులో పవన్ సరసన ఉస్తాద్ భగత్ సింగ్ సినిమాలు చేస్తోంది హాట్ బ్యూటీ. జూనియర్ సినిమా జూలై 18న రిలీజ్ కాబోతోంది.

జూనియర్ సినిమాలో కిరీటీ, శ్రీలీల, జెనీలియా డిసౌజా తదితరులు నటిస్తున్నారు. ఈ మూవీకి రాధాకృష్ణ‌ డైరెక్టర్. సాయి కొరపాటి ప్రొడ్యూసర్. దేవిశ్రీ ప్రసాద్ మ్యూజిక్ అందించారు. ఫుల్ ఎంటర్ టైనర్ గా ఈ మూవీ రెడీ అయింది.