1000 ఎపిసోడ్లు పూర్తి చేసుకున్న స్టార్ మా సీరియల్.. మూడున్నరేళ్లుగా సాగుతూ..

స్టార్ మా సీరియల్ ఒకటి 1000 ఎపిసోడ్లు పూర్తి చేసుకుంది. ఈ విషయాన్ని ఆ ఛానెల్ సోమవారం (జులై 7) వెల్లడించింది. మూడున్నరేళ్లుగా ఈ సీరియల్ కొనసాగుతూనే ఉండటం విశేషం. మరి దీని గురించిన విశేషాలేంటో చూద్దాం.

స్టార్ మా ఛానెల్ సీరియల్స్ అంటే తెలుగులో టాప్. టీఆర్పీ రేటింగ్స్ విషయంలో కొన్నేళ్లుగా ఈ ఛానెల్లో వచ్చే సీరియల్స్ కు తిరుగే లేదు. ఇప్పుడా ఛానెల్లో వచ్చే మల్లి నిండు జాబిలి సీరియల్ ఏకంగా 1000 ఎపిసోడ్లు పూర్తి చేసుకొని మరో అరుదైన ఘనతను సొంతం చేసుకుంది.

1000 ఎపిసోడ్లు పూర్తి చేసుకున్న స్టార్ మా సీరియల్.. మూడున్నరేళ్లుగా సాగుతూ..

మల్లి సీరియల్ @ 1000 ఎపిసోడ్లు

మల్లి సీరియల్ 1000 ఎపిసోడ్ల మైల్ స్టోన్ అందుకున్నట్లు స్టార్ మా ఛానెల్ సోమవారం (జులై 7) తన ఎక్స్ అకౌంట్ ద్వారా వెల్లడించింది. ఈ సందర్భంగా ఓ స్పెషల్ పోస్టర్ కూడా రిలీజ్ చేసింది. ఇది తమకో ఎమోషనల్ జర్నీ అని చెప్పింది. “1 నుంచి 1000 ఎపిసోడ్ల వరకు.. ప్రతి క్షణం మాకు ఎమోషనల్ రోలర్ కోస్టర్ లాంటిదే. ఇది కేవలం షో కాదు.. ఓ ఫీలింగ్.

అన్‌స్టాపబుల్ ఎంటర్టైన్మెంట్ 1000 ఎపిసోడ్లను సెలబ్రేట్ చేసుకుంటున్నాం. మల్లి సీరియల్ సోమవారం నుచి శనివారం వరకు ప్రతి రోజూ మధ్యాహ్నం 3 గంటలకు కేవలం మీ స్టార్ మాలో” అనే క్యాప్షన్ తో ట్వీట్ చేసింది. దీనికి మల్లి 1000 ఎపిసోడ్ల పోస్టర్ కూడా యాడ్ చేసింది.

మల్లి సీరియల్ గురించి..

మల్లి సీరియల్ సుమారు మూడున్నరేళ్ల కిందట స్టార్ మా ఛానెల్లో ప్రారంభమైంది. ఈ సీరియల్ తొలి ఎపిసోడ్ ఫిబ్రవరి 28, 2022లో టెలికాస్ట్ అయింది. ఇందులో శిరీష సౌగంధ్, భావన లాస్య, గౌరీ రాజ్, ఆర్యన ధిర్ కుమార్, రూపా రెడ్డి, దీపా జగదీశ్, నంద కిశోర్ లాంటి వాళ్లు నటిస్తున్నారు. ఆర్కే మలినేని డైరెక్ట్ చేశాడు. సాయిబాబా ప్రొడ్యూసర్ గా ఉన్నాడు. ఇది బెంగాలీ సీరియల్ ఇష్టి కుటుమ్ ఆధారంగా తెలుగులో వచ్చింది.

అరవింద్, మల్లి, మాలిని అనే మూడు పాత్రలు చుట్టే ప్రధానంగా తిరిగే సీరియల్ ఇది. ఈ సీరియల్ ప్రస్తుతం సోమవారం నుంచి శనివారం వరకు ప్రతి రోజూ మధ్యాహ్నం 3 గంటలకు ప్రసారం అవుతోంది. ఓ సీరియల్ 1000 ఎపిసోడ్లు పూర్తి చేసుకోవడం అరుదైన విషయమే. ఆ ఘనతను అందుకున్న మల్లి సీరియల్ ఇప్పటికీ ప్రేక్షకలను అలరిస్తూనే ఉంది.