స్టార్ మా సీరియల్స్ టీఆర్పీ రేటింగ్స్.. దుమ్మురేపుతున్న కార్తీకదీపం.. రెండో స్థానం కోసం మూడు సీరియల్స్ పోటాపోటీ

స్టార్ మా సీరియల్స్ తోపాటు ఇతర తెలుగు టీవీ సీరియల్స్ లేటెస్ట్ టీఆర్పీ రేటింగ్స్ వచ్చేశాయి. 25వ వారానికి రిలీజైన ఈ రేటింగ్స్ లో కార్తీకదీపం 2 దుమ్ము రేపుతోంది. ఇక రెండో స్థానం కోసం మూడు సీరియల్స్ హోరాహోరీగా తలపడుతున్నాయి.

స్టార్ మా, జీ తెలుగు సీరియల్స్ 25వ వారం టీఆర్పీ రేటింగ్స్ రిలీజ్ అయ్యాయి. వీటిలో ఎప్పటిలాగే కార్తీకదీపం 2 సీరియల్ దూసుకెళ్తోంది. ఇది దేనికీ అందనంత ఎత్తులో ఉంది. ఇక రెండో స్థానం కోసం ఇల్లు ఇల్లాలు పిల్లలు, గుండె నిండా గుడి గంటలు, ఇంటింటి రామాయణం మధ్య తీవ్ర పోటీ నెలకొంది. టాప్ 10లో మూడు జీ తెలుగు సీరియల్స్ స్థానం సంపాదించాయి.

స్టార్ మా సీరియల్స్ టీఆర్పీ రేటింగ్స్.. దుమ్మురేపుతున్న కార్తీకదీపం.. రెండో స్థానం కోసం మూడు సీరియల్స్ పోటాపోటీ

టాప్ 7.. అన్నీ స్టార్ మా సీరియల్సే

స్టార్ మా సీరియల్స్ కొన్నేళ్లుగా టీఆర్పీ రేటింగ్స్ విషయంలో ఇతర ఛానెల్స్ కు అందనంత ఎత్తులో ఉంటున్న విషయం తెలిసిందే. ఈసారి కూడా ఆ ఛానెల్ కు చెందిన సీరియల్స్ మంచి రేటింగ్స్ సాధించాయి. తొలి స్థానంలో కార్తీకదీపం 2 సీరియల్ కొనసాగుతోంది. ఈవారం ఈ సీరియల్ కు ఏకంగా 13.91 రేటింగ్ రావడం విశేషం. ఇతర ఏ సీరియల్ కూ అందనంత ఎత్తులో ఉండటం విశేషం. ఇక రెండో స్థానం కోసమే అసలైన పోటీ నెలకొంది.

ప్రస్తుతం ఇల్లు ఇల్లాలు పిల్లలు సీరియల్ 12.25 రేటింగ్ తో రెండో స్థానంలో ఉంది. అయితే దీనికి మరో రెండు సీరియల్స్ నుంచి ముప్పు పొంచి ఉంది. ఇంటింటి రామాయణం 12.25తో మూడో స్థానంలో, గుండె నిండా గుడి గంటలు 12.11తో నాలుగో స్థానంలో నిలిచాయి. ఇక ఆ తర్వాత చిన్ని సీరియల్ 8.31, నువ్వుంటే నా జతగా 8.11, బ్రహ్మముడి 7.72 రేటింగ్స్ తో వరుసగా ఐదు, ఆరు, ఏడు స్థానాల్లో కొనసాగుతున్నాయి.

టాప్ 10లో మూడు జీ తెలుగు సీరియల్స్

ఇక తెలుగు టాప్ 10 సీరియల్స్ జాబితాలో మూడు జీ తెలుగు ఛానెల్ సీరియల్స్ ఉన్నాయి. వీటిలో జగద్ధాత్రి 7.69 రేటింగ్ తో ఆ ఛానెల్లో టాప్ లో ఉంది. ఇక ఓవరాల్ గా 8వ స్థానం సంపాదించింది. ఆ తర్వాత చామంతి సీరియల్ 7.48, మేఘ సందేశం 7.41 రేటింగ్స్ సాధించాయి. ఇవి 9, 10వ స్థానంలో ఉన్నాయి. లక్ష్మీ నివాసం 6.33, అమ్మాయిగారు 5.27 రేటింగ్స్ సాధించాయి.

చాలా కాలంగా స్టార్ మా సీరియల్స్ కు జీ తెలుగు సీరియల్స్ అసలు పోటీ ఇవ్వలేకపోతున్నాయి. ఈ ఛానెల్ కు చెందిన ఒక్క సీరియల్ కూడా కనీసం 8 రేటింగ్ అందుకోలేకపోతున్నాయి. అయితే గతంతో పోలిస్తే ఈ 25వ వారం మాత్రం కాస్త మెరుగైన రేటింగ్సే సాధించాయని చెప్పొచ్చు.