E-Paper
స్టార్ మా సీరియల్స్ టీఆర్పీ రేటింగ్స్.. అందనంత ఎత్తులో కార్తీకదీపం.. టాప్ 10 సీరియల్స్ ఇవే
స్టార్ మా సీరియల్స్ టీఆర్పీ రేటింగ్స్ వచ్చేశాయి. 23వ వారానికి సంబంధించిన ఈ రేటింగ్స్ లో కార్తీకదీపం సీరియల్ ఎవరికీ అందనంత ఎత్తులో ఉండగా.. టాప్ 10 లోకి మరోసారి మూడు జీ తెలుగు సీరియల్స్ వచ్చాయి.
స్టార్ మా, జీ తెలుగు ఛానెల్స్ లో వచ్చే తెలుగు సీరియల్స్ లేటెస్ట్ టీఆర్పీ రేటింగ్స్ వచ్చేశాయి. ఎప్పటిలాగే కార్తీకదీపం ఈ వారం కూడా టాప్ లో నిలిచింది. అంతేకాదు తన రేటింగ్ ను మరింత మెరుగుపరచుకొని రెండో స్థానంలో ఉన్న సీరియల్ కు అందనంత ఎత్తుకు చేరింది. మరి 23వ వారంలో టాప్ 10 తెలుగు సీరియల్స్ ఏవో ఒకసారి చూద్దాం.
స్టార్ మా సీరియల్స్ టీఆర్పీ రేటింగ్స్
ఈ ఏడాది 23వ వారానికి సంబంధించిన స్టార్ మా సీరియల్స్ టీఆర్పీ రేటింగ్స్ రిలీజ్ అయ్యాయి. కార్తీకదీపం 2 సీరియల్ టాప్ లోనే కొనసాగుతోంది. అయితే ఈసారి ఆ సీరియల్ రేటింగ్ ఏకంగా 13.16కు చేరడం విశేషం. రెండో స్థానంలో ఉన్న ఇల్లు ఇల్లాలు పిల్లలు సీరియల్ కు 12.16 రేటింగ్ రాగా.. దానికంటే చాాలా ఎత్తున కార్తీకదీపం నిలిచింది. ఇక మూడోస్థానంలో ఇంటింటి రామాయణం సీరియల్ 12.02 రేటింగ్ సాధించింది. ఈ సీరియల్ రేటింగ్ కూడా 23వ వారం మెరుగైంది.
నాలుగో స్థానంలో గుండెనిండా గుడిగంటలు సీరియల్ ఉంది. దీనికి ఈ వారం 11.76 రేటింగ్ వచ్చింది. ఐదో స్థానంలో చిన్ని కొనసాగుతోంది. ఈ వారం కాస్త మెరుగ్గా 8.42 రేటింగ్ సాధించినా.. ఆరోస్థానంలో ఉన్న నువ్వుంటే నా జతగా సీరియల్ నుంచి ముప్పు తప్పడం లేదు. ఆ సీరియల్ కు 8.36 రేటింగ్ నమోదైంది. ఇక బ్రహ్మముడి 7.23 రేటింగ్ తో ఏడో స్థానంలో ఉంది.
జీ తెలుగు సీరియల్స్ టీఆర్పీ రేటింగ్స్
తెలుగు సీరియల్స్ 23వ వారం రేటింగ్స్ లో టాప్ 10లో మరోసారి మూడు జీ తెలుగు సీరియల్స్ చోటు సంపాదించాయి. అయితే ఇందులో ఒక్క సీరియల్ రేటింగ్ కూడా కనీసం 7 దాటలేదు. అత్యధికంగా జగద్ధాత్రి సీరియల్ కు 6.75 రేటింగ్ నమోదైంది. ఈ సీరియల్ ఓవరాల్ గా 8వ స్థానంలో నిలిచింది.
ఇక ఆ తర్వాత మేఘ సందేశం 6.68, చామంతి 6.59 రేటింగ్స్ సాధించి టాప్ 10లో చోటు సంపాదించాయి. లక్ష్మీ నివాసం 5.61, అమ్మాయిగారు 4.59 రేటింగ్స్ సాధించాయి. స్టార్ మాతో పోలిస్తే మాత్రం జీ తెలుగు చాలా వెనుకబడే ఉందని చెప్పాలి. ఈవారం టాప్ 10లో మూడు సీరియల్స్ ఉండటమే జీ తెలుగుకు కాస్త ఊరట కలిగించే విషయం.
