స్టార్ మా సీరియల్స్ టీఆర్పీ రేటింగ్స్.. టాప్ 10లో రెండే జీ తెలుగు సీరియల్స్.. తిరుగులేని కార్తీకదీపం

స్టార్ మా, జీ తెలుగు సీరియల్స్ లేటెస్ట్ టీఆర్పీ రేటింగ్స్ వచ్చేశాయి. టాప్ 10లో 8 స్టార్ మా సీరియల్సే ఉండగా.. జీ తెలుగుకు చెందిన కేవలం రెండే సీరియల్స్ చోటు దక్కించుకున్నాయి. ఇక కార్తీకదీపం 2 సీరియల్ కు తిరుగులేకుండా పోతోంది.

తెలుగు టీవీ సీరియల్స్ 22వ వారానికి సంబంధించిన టీఆర్పీ రేటింగ్స్ వచ్చేశాయి. ఈసారి కూడా స్టార్ మా సీరియల్స్ తమ ఆధిపత్యాన్ని కొనసాగించాయి. గత వారం టాప్ 10లో నుంచి ఒక సీరియల్ ను కోల్పోయిన ఆ ఛానెల్.. ఈ వారం మళ్లీ దానిని తిరిగి పొందింది. ఇక జీ తెలుగు నుంచి కేవలం రెండు సీరియల్సే టాప్ 10లో చోటు దక్కించుకున్నాయి.

స్టార్ మా సీరియల్స్ టీఆర్పీ రేటింగ్స్.. టాప్ 10లో కేవలం రెండే జీ తెలుగు సీరియల్స్.. అందనంత ఎత్తులో కార్తీకదీపం

స్టార్ మా సీరియల్స్ టీఆర్పీ రేటింగ్స్

స్టార్ మా సీరియల్స్ 22వ వారం కూడా సత్తా చాటాయి. ఆ ఛానెల్లో వచ్చే కార్తీకదీపం ఎవరికీ అందనంత ఎత్తుకు దూసుకెళ్తోంది. తాజా రేటింగ్స్ లో 12.75తో కార్తీకదీపం తొలి స్థానాన్ని మరింత పదిలం చేసుకుంది. ఇక రెండో స్థానంలో ఇల్లు ఇల్లాలు పిల్లలు 11.71తో నిలిచింది.

మూడో స్థానంలో ఉన్న ఇంటింటి రామాయణం ఈ వారం తన రేటింగ్ చాలా మెరుగుపరచుకుంది. తాజాగా ఈ సీరియల్ కు 11.26 రేటింగ్ వచ్చింది. గుండె నిండా గుడి గంటలు సీరియల్ నాలుగో స్థానానికి పడిపోయింది. ఆ సీరియల్ కు 22వ వారం.. 10.60 రేటింగ్ మాత్రమే వచ్చింది.

ఇక ఐదో స్థానంలో ఉన్న చిన్ని సీరియల్ వీటికి చాలా దూరంలోనే ఆగిపోయింది. తాజాగా ఆ సీరియల్ కు కేవలం 7.60 రేటింగ్ మాత్రమే వచ్చింది. నువ్వుంటే నా జతగా సీరియల్ 7.43తో ఆరోస్థానంలో, బ్రహ్మముడి 7.23తో ఏడో స్థానంలో ఉన్నాయి. పలుకే బంగారమాయెనా సీరియల్ 6.42తో 9వ స్థానంలో ఉంది.

జీ తెలుగు సీరియల్స్ టీఆర్పీ రేటింగ్స్

ఇక జీ తెలుగు సీరియల్స్ విషయానికి వస్తే 21వ వారం ఆ ఛానెల్ కు చెందిన మూడు సీరియల్స్ టాప్ 10లో ఉండేవి. కానీ ఈవారం ఒక సీరియల్ టాప్ 10లో నుంచి వెళ్లిపోయింది. అంతేకాదు ఒక్క సీరియల్ కూడా 7 రేటింగ్ ను టచ్ చేయలేకపోయింది.

అత్యధికంగా జగద్ధాత్రి మాత్రమే 6.73 రేటింగ్ తో టాప్ లో, ఓవరాల్ గా 8వ స్థానంలో ఉంది. ఇక చామంతి సీరియల్ 6.37తో 10వ స్థానంలో ఉంది. మేఘసందేశం 6.32, లక్ష్మీ నివాసం 5.45 రేటింగ్స్ సాధించాయి. అమ్మాయిగారు 5.08తో ఉంది.

తెలుగు టీవీ సీరియల్స్ లో కొన్నేళ్లుగా తిరుగులేని ఆధిపత్యాన్ని చెలాయిస్తున్న స్టార్ మా.. రేటింగ్స్ విషయంలో దూకుడు కొనసాగిస్తూనే ఉంది. జీ తెలుగు సీరియల్స్ మాత్రం వాటికి పోటీ ఇవ్వలేకపోతున్నాయి.