శివుడి రూపంలో సూపర్ స్టార్ కృష్ణ.. దండం పెట్టుకున్న మహేశ్ బాబు.. సోషల్ మీడియాలో వైరల్

మే 31న టాలీవుడ్‌ లెజండరీ సూపర్ స్టార్‌ కృష్ణ జయంతి. ఈ సందర్భంగా జటాధర మూవీ టీమ్ నివాళులు అర్పించింది. ఈ సందర్భంగా సుధీర్ బాబు జటాధర మూవీ టీమ్ శివుడి రూపంలో ఉన్న సూపర్ స్టార్ కృష్ణ పోస్టర్‌ను రిలీజ్ చేసింది. ఈ పోస్టర్‌కు హీరో మహేశ్ బాబు దండం పెట్టుకునేట్లుగా ఉన్న ఎమోజీ వైరల్ అవుతోంది.

బాలీవుడ్ హీరోయిన్

ఈ సినిమాలో సుధీర్ బాబుతోపాటు బాలీవుడ్ హీరోయిన్ సోనాక్షి సిన్హా, శిల్పా శిరోద్క‌ర్‌, ర‌వి ప్ర‌కాష్‌, ఇంద్ర కృష్ణ‌, న‌వీన్ నేని, శుభ‌లేఖ సుధాక‌ర్‌, రాజీవ్ క‌న‌కాల‌, ఝాన్సీ నటిస్తున్నారు. జటాధర చిత్రాన్ని ప్రేర‌ణ అరోరా, శివ‌న్ నారంగ్‌, అరుణ అగ‌ర్వాల్ నిర్మిస్తున్నారు.

శివుడి రూపంలో సూపర్ స్టార్ కృష్ణ.. దండం పెట్టుకున్న మహేశ్ బాబు.. సోషల్ మీడియాలో వైరల్

మే 31 లెజెండరీ సూప‌ర్‌ స్టార్ కృష్ణ జ‌యంతి. ఈ సంద‌ర్భంగా ‘జ‌టాధ‌ర’ చిత్ర యూనిట్ ఈ ఐకానిక్ యాక్ట‌ర్‌కు హృద‌య‌పూర్వ‌కంగా నివాళులు అర్పించింది. సూపర్ స్టార్ కృష్ణ తిరుగులేని చ‌రిష్మా, లార్జ‌ర్ దేన్ లైఫ్ స్క్రీన్ ప్రెజ‌న్స్ టీమ్‌కి స్ఫూర్తినందిస్తూ వారికి సృజ‌నాత్మ‌క‌తంగా ముందుకు వెళ్ల‌టానికి తోడ్పాడునందిస్తోందని చిత్రబృందం తెలిపింది.

మార్గదర్శకత్వంగా

తెలుగు వెండితెర‌పై దేవుడికి, తుపానుగా, సినిమా ప్ర‌పంచంలో శాశ్వ‌త‌మైన ప్ర‌భావితాన్ని చూపించిన శ‌క్తిగా లెజెండరీ యాక్ట‌ర్‌ సూప‌ర్‌ స్టార్ కృష్ణను ‘జటాధర’ చిత్ర‌ యూనిట్ స్మ‌రించుకుంది. త‌మ క‌థ‌ల‌ను ఈ ప్ర‌పంచానికి అందించ‌టానికి కృషి చేస్తోన్న ఈ జ‌ట్టుకు ఆయ‌న చూపిన దారి మార్గ‌ద‌ర్శ‌క‌త్వంగా నిలుస్తోందని చెప్పుకొచ్చింది.

కింగ్ ఆఫ్ చరిష్మా

‘హ్యాపీ బర్త్‌డే టు ది కింగ్ ఆఫ్ చరిష్మా’ అంటూ సినీ ప‌రిశ్ర‌మ‌పై ఆ లెజెండరీ న‌టుడి చిర‌స్మ‌ర‌ణీయ ప్ర‌భావాన్ని శ్లాఘించింది. ఈ సందర్భంగా మహా శివుడి రూపంలో సూపర్ స్టార్ కృష్ణ పోస్టర్‌ను జటాధర మూవీ టీమ్ రిలీజ్ చేసింది. ఈ పోస్టర్ ఎంతగానో ఆకట్టుకునేలా ఉంది. సూపర్ స్టార్ కృష్ణ, మహేశ్ బాబు అభిమానులకు ఈ పోస్టర్ ఉత్సాహాన్ని అందిస్తోంది.

వెండితెర దేవుడు కృష్ణ

అలాగే, సూపర్ స్టార్ కృష్ణ జయంతి సందర్భంగా అల్లుడు, హీరో సుధీర్ బాబు ఇన్స్టాగ్రామ్ పోస్ట్‌లో నోట్ రాసుకొచ్చాడు. "ఆయన (కృష్ణ) సూపర్ స్టార్ మాత్రమే కాదు. ఆయన ఒక తుఫాన్, వెండితెర దేవుడు, ఒక శక్తి. ఆయన జయంతి సందర్భంగా జటాధర మూవీ టీమ్ కృష్ణ గారికి సెల్యూట్ చేస్తోంది. సూపర్ స్టార్ శివ రామ కృష్ణ మూర్తి గారిలోని అగ్ని మా కథలకు ఇంకా ఇంధనంగా ఉపయోగపడుతుంది" అని సుధీర్ బాబు లాంగ్ నోట్ రాసుకొస్తూ శివుడి రూపంలో ఉన్న కృష్ణ ఫొటోను షేర్ చేశాడు.

మహేశ్ బాబు నమస్కారం

ఈ ఫొటో సోషల్ మీడియాలో తెగ వైరల్ అవుతోంది. ఈ పోస్ట్‌కు పలు విధాలుగా కామెంట్స్ వస్తున్నాయి. శివుడి రూపంలో ఉన్న సూపర్ స్టార్ కృష్ణకు ఆయన కుమారుడు మహేశ్ బాబు దండం పెట్టుకున్నట్లు ఎమోజీని కామెంట్ చేశాడు ఓ అభిమాని. శ్రీమంతుడు సినిమాలో మహేశ్ బాబు దేవుడికి దండం పెట్టుకునే గిఫ్ వీడియోను కామెంట్‌ చేశాడు ఫ్యాన్. ఇది కూడా అందరిని ఆకట్టుకుంటోంది.

హారర్ థ్రిల్లర్‌గా జటాధర

ఇదెలా ఉంటే, ప్ర‌తిష్టాత్మ‌కంగా రూపొందుతోన్న ‘జ‌టాధర’ సినిమా షెడ్యూల్ చిత్రీక‌ర‌ణ‌ను పూర్తి చేసుకుంది. ఈ చిత్రం న‌టీన‌టులు, టెక్నీషియ‌న్స్ సినీ ప్ర‌యాణంలో మైల్‌స్టోన్ మూవీగా నిలిచిపోనుందని వారు ఆశిస్తున్నారు. పాన్ ఇండియా మూవీగా సూప‌ర్ నేచుర‌ల్ హారర్ థ్రిల్ల‌ర్ ‘జ‌టాధర’ను తెలుగు, హిందీ భాష‌ల్లో రూపొందిస్తున్నారు.