తెలుగులో తమిళ సూపర్ హిట్ క్రైమ్ థ్రిల్లర్ డీఎన్ఏ- ఆరోజే రిలీజ్ చేస్తున్న సురేష్ కొండేటి- బడ్జెట్, కలెక్షన్స్ ఇవే!

తమిళంలో బ్లాక్ బస్టర్ హిట్ అయిన సినిమాల్లో డీఎన్ఏ ఒకటి. క్రైమ్ థ్రిల్లర్ జోనర్‌లో తెరకెక్కిన డీఎన్‌ఏ కోలీవుడ్‌లో సూపర్ హిట్ సాధించింది. ఇప్పుడు ఈ తమిళ చిత్రం తెలుగులో మై బేబీ అనే టైటిల్‌తో విడుదల కానుంది. సెన్సార్ కార్యక్రమాలు పూర్తి చేసుకున్న మై బేబీ రిలీజ్ డేట్‌ను మేకర్స్ ప్రకటించారు.

ఇటీవల కాలంలో ఇతర భాషల్లో సూపర్ హిట్ లేదా బ్లాక్ బస్టర్ హిట్ కొట్టిన సినిమాలను తెలుగులో విడుదల చేస్తున్నారు. ఈ ట్రెండ్‌లో భాగంగా ఇప్పుడు తాజాగా మరో కొత్త పరభాష చిత్రం తెలుగులోకి వచ్చేయనుంది. ఆ సినిమానే డీఎన్ఏ.

తెలుగులో తమిళ సూపర్ హిట్ క్రైమ్ థ్రిల్లర్ డీఎన్ఏ- ఆరోజే రిలీజ్ చేస్తున్న సురేష్ కొండేటి- బడ్జెట్, కలెక్షన్స్ ఇవే!

మై బేబీ రిలీజ్ డేట్

తమిళంలో బ్లాక్ బస్టర్ హిట్ అయిన డీఎన్ఏ తెలుగులో విడుదల కానుంది. కోలీవుడ్‌లో క్రైమ్ థ్రిల్లర్ జోనర్‌లో డీఎన్ఏ తెరకెక్కింది. ఈ సినిమాను తెలుగులో మై బేబీ అనే టైటిల్‌తో విడుదల చేస్తున్నారు మేకర్స్. ఇటీవల మై బేబీ సినిమా తెలుగులో సెన్సార్ కార్యక్రమాలు పూర్తి చేసుకుంది. దీంతో రిలీజ్ డేట్‌ను ప్రకటించారు మేకర్స్.

రిలీజ్ చేస్తున్న సురేష్ కొండేటి

మై బేబీ సినిమా ఈ ఏడాది జులై 18న థియేటర్లలో గ్రాండ్‌గా రిలీజ్ కానుంది. ప్రేమిస్తే, జర్నీ, షాపింగ్‌మాల్‌, పిజ్జా వంటి విజయవంతమైన అనువాద చిత్రాలను తెలుగు ప్రేక్షకులకు అందించిన నిర్మాత సురేష్ కొండేటి ఈ ‘మై బేబి’ మూవీని కూడా తెలుగులో విడుదల చేస్తున్నారు.

నెల్సన్ వెంకటేశన్ దర్శకత్వం

మై బేబీ సినిమాలోఅధర్వ మురళి, నిమిషా సజయన్‌ జంటగా హీరో హీరోయిన్లుగా నటించారు. ఈ క్రైమ్‌ థ్రిల్లర్‌ మూవీ డీఎన్ఏకు నెల్సన్‌ వెంకటేశన్‌ దర్శకత్వం వహించారు. 2014లో ఒక సాఫ్ట్‌వేర్‌ ఆర్కిటెక్ట్‌ జీవితంలో జరిగిన దుర్ఘటన నేపథ్యంలో ఈ కథ సాగుతుందని, గ్రిప్పింగ్‌ స్క్రీన్‌ప్లేతో రూపొందిన భావోద్వేగపూరిత కథాంశమిదని మేకర్స్‌ చెబుతున్నారు.

తమిళంలో జూన్ 20న

ఎస్‌.కె.పిక్చర్స్‌ ద్వారా మై బేబీ సినిమా విడుదల కానుంది. ఈ చిత్రానికి సాయి చరణ్ తేజ పుల్లా, దుప్పటి గట్టు సారిక రెడ్డి సహ నిర్మాతలుగా వ్యవహరించారు. ఇదిలా ఉంటే, నెల్సన్ వెంకటేశన్, అతిషా వినో రచన అందించిన డీఎన్ఏ సినిమా తమిళంలో జూన్ 20న థియేటర్లలో విడుదలైంది.

డీఎన్ఏ ఐఎమ్‌డీబీ రేటింగ్

ఒలంపియా మూవీస్ బ్యానర్‌పై తెరకెక్కిన డీఎన్ఏ రెడ్ జెయింట్ మూవీస్ పతాకంపై రిలీజ్ అయింది. ఈ సినిమాకు గిబ్రాన్ వైబోధ బ్యాక్‌గ్రౌండ్ స్కోర్ అందించారు. 2 గంటల 20 నిమిషాల రన్‌టైమ్ ఉన్న డీఎన్ఏ సినిమాకు ఐఎమ్డీబీ నుంచి 10కి 7.9 రేటింగ్ ఉంది. రూ. 6 కోట్ల బడ్జెట్‌తో తెరకెక్కిన డీఎన్ఏ తమిళంలో రూ. 7.36 కోట్లు కలెక్షన్స్ రాబట్టింది.